JEREMI 29:12 - Bibəl ta Sar̄

¹² Tā anī, sḭḭ̄ ā ī-ɓārí rīḿ kem ndɔ̄ȳ tə́ ō, ā ī-njə̄rāī mbā kə rīḿ ō, ā ī-ndɔ̄ȳmī ō anī, mā m-ā m̄-rāā yá̰a̰ gə̄ ń ī-dəjeī ní.

Bible sar

¹² Tā anī, sḭḭ̄ ā ī-ɓārí rīḿ kem ndɔ̄ȳ tə́ ō, ā ī-njə̄rāī mbā kə rīḿ ō, ā ī-ndɔ̄ȳmī ō anī, mā m-ā m̄-rāā yá̰a̰ gə̄ ń ī-dəjeī ní.

JEREMI 29:12 Referans Kwoze

JEREMI 33:3

Ī-ɓārə́m̄ anī, m-ā m̄-ndigiī, m-ā m-ɔ́jiī yá̰á̰ kə́ bo ngá̰ý gə̄ kə́ ton̄ loo ɓɔ̄ɔ̄ rɔ̄ tə́, i yá̰a̰ gə̄ kə́ ī-ger̄ aĺ ɓáý.

PĀ GƏ̄ 50:15

Gō tə́ ré wur kɔl əsō dɔí tə́ anī ī-ɓārə́m̄, anī m-ā m-ájiī kadə̄ ā ɔ́sə gɔnəḿ.

PĀ GƏ̄ 145:19

Ni i nge rāā kem ndigə yā ngé ɓōĺ ndílən gə̄. Ni oō nōō yādə́ ō ajədə́ ō.

PĀ GƏ̄ 10:17

Kɔ́ɔ̄ɓē, ngé tél kə rɔ̄də́ kə̄ nang tə́ gə̄ ní, ḭ̄ ādə̄də́ yá̰á̰ ń ɓōn i kemdə́ tə́ ní. Ī-rāā ādə̄ kemdə́ tetə kə̄ nang tə́ ō, ī-nēl̄ mbīí ōoń ɓār̄ yādə́ ō,

IJAI 65:24

Kété pá tá kadə̄ nin̄ ɓāŕmə̄n̄ ní, mā m-ā m̄-daldə́. Nin̄ a ɔrə̄n̄ najə̄ təgā aĺ ɓáý anī mā m-ā m-ōō najə̄ yādə́ ní kɔ̄ɔ́.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

JEREMI 31:9

Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán Israel gə̄ tə́ ní, m̄-tél i bɔbə̄də́ adə̄ Epəraim i ngōn̄ hágə́ḿ.

IJAI 30:19

Sḭḭ̄ gír de gə̄ kə́ Siyo̰, sḭḭ̄ ń ī-ndiī Jerusalem ní, ā ī-nōōī to̰ alé. Kɔ́ɔ̄ɓē a ɔjəsí kem majə yān loo ń ā ə́gaī kɔŕ kə̄ dɔn tə́ ní. Ré kɔŕ yāsí əsō mbīn tə́ anī, ni a dalsí najə̄ i kə̄ ta jī tə́ noō.

EJEKIEL 36:37

Yá̰á̰ ń mā Kɔ́ɔ̄ɓē Nə́ɓā m-ə́da kadə̄ i rɔ̄kum ní n toó: M-ā m-ə́yá̰ Israel gə̄ kadə̄ tél ndɔ̄ȳmə̄n̄ gogə́ ō, m-ā m̄-daldə́ i kə ta kūl̄ rāā kadə̄ nin̄ i ngá̰ý tītə̄ batə̄ gə̄ kə́ dan ɓūtə̄ yá̰a̰ kul̄ kógə̄ḿ tə́ beē.

2 YÁ̰A̰ GƏ̄ 6:38

ré tél reēn̄ gogə́ rɔ̄í tə́ dɔ nang yā madə̄ ba̰ā̰də́ gə̄ tə́ kə ngarā̰ kemdə́ mámák ō, kə rɔ̄də́ malang ō, ba tūrə̄n̄ kumdə́ sɔɔ̄ dɔ nang ń ādə̄ kaadə́ gə̄ ní ō, ɓē ń toō ń ī-gə̄rā ní ō, kújə́ ń toō ń m̄-rāā kadə̄ rīí ɓār̄ dɔ tə́ ní ō, ba ndɔ̄ȳnī anī,

2 YÁ̰A̰ GƏ̄ 33:13

rāān ɓɔ́ ō. Kum Nə́ɓā o̰o̰n adə̄ rāā yá̰á̰ ń Manase dəjen ní. Nə́ɓā tél aw̄ seneé gogə́ Jerusalem ō, əndān mban̄g gogə́ ō. Loo ń noō tə́ Manase ger̄ kadə̄ i Kɔ́ɔ̄ɓē kal kógə̄ḿ beē ngóy n i Nə́ɓā kə́ rɔ̄kum ní.

Makətūbə̄ yā Job 22:27

Dan ń ā ī-rāān ɓɔ́ anī, ni a oō nōō yāí ō, yāí i kadə̄ ī-rāā yá̰á̰ ń ə̄nī ndūí yā rāā ní ngóy ō.

IJAI 26:16

Kɔ́ɔ̄ɓē, dan ń wur kɔl əsō dɔjí tə́ anī, jə-tūr̄ rɔ̄jí kum kə̄ rɔ̄í tə́. Dan ń ḭ̄ ə́ndá ndéy anī, j-əda ndɔ̄ȳ gə̄ kə̄ nja naā tə́ kə ndūjí kə́ tél kə̄ nang tə́.

JEREMI 50:4

Dan ń noō tə́ ní, kum mbang nəkɔ́ ń noō tə́, ngán Israel gə̄ ō, Juda gə̄ ō, a reēn̄ naā tə́ mbak. A njə̄rān̄ kə nōó kumdə́ tə́ yā sāań Kɔ́ɔ̄ɓē Nə́ɓā yādə́.

JEREMI 51:50

Sḭḭ̄ ngé teē ta yo kaskar tə́ gə̄, ə̄sōī róbó āwī. Ī-lōōī dəba. Ī-gírī dɔ Kɔ́ɔ̄ɓē tə́ loo kə́ sa̰y nəkɔ́ ń ī-ndiī tū tə́ noō ō, ādə̄ əga kemsí dɔ Jerusalem tə́ ō.

OJEE 14:9

Epəraim, yá̰á̰ kə́ ɓoojí naā tə́, mā ō, nə́ɓā kə́ rɔ̄kum aĺ gə̄ ō to nuú ɓáý a? Mā m̄-tūrī najə̄ tə́ ō, m-ə̄ndā kumḿ gōí tə́ ō. Mā m̄-to tītə̄ kāgə̄ sipəres beé, ni i kāgə̄ kə́ mbīn to mbōl̄ nduju ngándáńg. Kōō yāí gə̄ ń ī-sāādə́ kɔ̄ɔ́ ní, i mā n m-ādī ní.