JEREMI 29:11 - Bibəl ta Sar̄

¹¹ Mā m̄-ger̄ yá̰a̰ gə̄ ń m̄-nóm̄ yā rāā tām̄ yāsí tə́ ní, i ndi majə ba i yá̰á̰ kə́ to kum kaȳ aĺ alé. Ta ndo̰sí a aw̄ kum kə̄ kété majə ō, ā ə́ngeī yá̰á̰ kə́ yā kəndā kemsí dɔ tə́ ō. Najə̄ ń Kɔ́ɔ̄ɓē əda ní n noó.

Bible sar

¹¹ Mā m̄-ger̄ yá̰a̰ gə̄ ń m̄-nóm̄ yā rāā tām̄ yāsí tə́ ní, i ndi majə ba i yá̰á̰ kə́ to kum kaȳ aĺ alé. Ta ndo̰sí a aw̄ kum kə̄ kété majə ō, ā ə́ngeī yá̰á̰ kə́ yā kəndā kemsí dɔ tə́ ō. Najə̄ ń Kɔ́ɔ̄ɓē əda ní n noó.

JEREMI 29:11 Referans Kwoze

PĀ GƏ̄ 33:11

Banī yá̰á̰ ń Kɔ́ɔ̄ɓē gír̄ rāā ní a to ngándáńg. Yá̰á̰ ń ni gír̄ kemən tə́ yā rāā ní a to i kə dɔ ɓāl̄ gə̄, kə dɔ ɓāl̄ gə̄.

MISE 4:12

De gə̄ ngeé ń noō ní, nin̄ gerə̄n̄ yá̰a̰ gə̄ ń Kɔ́ɔ̄ɓē ɔjə rāā ní alé. Yá̰a̰ gə̄ ń ni gír̄ rāā ní, nin̄ gerə̄n̄ kum alé. Ni gḛy kɔsə njadə́ kə̄ naā tə́ tītə̄ loo kɔsə dɔ do̰ō̰ kōō gémē kə̄ naā tə́ beē, ndágə loo kənda kōō gémē tə́ tə́.

PĀ GƏ̄ 40:5

Rɔ̄nel̄ i kə deē ń ənī kemən adə̄ Kɔ́ɔ̄ɓē, ba tūr̄ gidən adə̄ ngé kɔjə rɔ̄ gə̄ ō, ngé sor̄ gə̄ ō ní.

Makətūbə̄ yā Job 23:13

Banī ni i de kə́ gír̄ yān i kógə̄ḿ beē ngóy, i náā n asə rāā kadə̄ ni əya̰ gír̄ yān kɔ̄ɔ́ ní? Ni a rāā i yá̰á̰ ń kemən gḛy ní ngóy!

NŌŌ RƆ̄ 3:26

Majə kadə̄ deē əndā kemən dɔ kajə yā Kɔ́ɔ̄ɓē tə́ kə tan kə́ mbóó.

OJEE 3:5

Gō tə́ anī, nin̄ a télən̄ yā reē rɔ̄ Kɔ́ɔ̄ɓē Nə́ɓā yādə́ tə́. Nin̄ a tūrə̄n̄ rɔ̄də́ kə̄ rɔ̄n tə́ ō, kə̄ rɔ̄ mban̄g yādə́ ń ojənən̄ i gír yā Dabid tə́ ní ō. Ndɔ̄ ń tə́ anī ɓōĺ a rāādə́ kadə̄ a ndewn̄ loo reē tə́ sāā Kɔ́ɔ̄ɓē tə́, kadə̄ ni-rāā majə sedə́.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

JEREMI 23:5

Á̰a̰ī, kem ndɔ̄ gə̄ ń a reēn̄ noó tə́ ní, m-ā m̄-rāā kadə̄ ngōn̄ kaa Dabid kógə̄ḿ kə́ súmūú a ḭḭ dɔɔ́. Mban̄g kógə̄ḿ a ḭḭ yā ko̰o̰ ɓē ba a rāā yá̰a̰ i kə kum kedēé. A rɔ̄ɔ̄ dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō, kem ɓēé.

JEREMI 23:6

Ɓāl̄ yān tə́ ní, ngán Juda gə̄ a ajən̄ ō, ngán Israel gə̄ a ndin̄ kanjə̄ sōl̄ yá̰á̰ kógə̄ḿ ō. Ōōī rī ń a ɓār̄nən̄neé ní: Kɔ́ɔ̄ɓē i gōtə́ yājí.

JEREMI 30:9

Jakob gə̄ a rāān̄ kəla yā kadə̄ Kɔ́ɔ̄ɓē Nə́ɓā yādə́ ō, yā kadə̄ mban̄g yādə́ Dabid ń m-ā m-ə́ndān dɔdə́ tə́ ní ō. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n noó.

JEREMI 30:10

Ḭ̄, nge kəla yāḿ Jakob, ī-lōō ɓōĺ, Israel ī-lōō kə ndebə. M-ā m̄-taāī kɔ̄ɔ́ jī ɓē kə́ sa̰y gə̄ tə́ ō, m-ā m̄-gān̄g dɔ ngán kaaí gə̄ dɔ nang ń aw̄n̄ sedə́ tū tə́ ní tə́ ō. Jakob a tél yā reē, ni a ənī kemən mámák yā ndiń. Ni a ndi jəke ō, deē a a̰ȳ ndílən to̰ aĺ bátə́ ō. Najə̄ ń Kɔ́ɔ̄ɓē əda ní n noó.

EJEKIEL 11:16

I beé ní, ngé gə̄ ń ɔyn̄də́ dɔ gúú tə́ aw̄n̄ sedə́ dɔ ɓē kə́ rang tə́ naā tə́ seí ní, ā ə́dádə́ na: Najə̄ ń mā Kɔ́ɔ̄ɓē Nə́ɓā m-ɔ̄r̄ sedə́ ní n toó: M-ə́la sesí sa̰y, kə̄ loo gə̄ tə́ malang dan nápar de gə̄ tə́ ɓá tā, ba mā i dansí tə́ tītə̄ ń m̄-ndiń kem loo kə́ táĺ tə́ tə́.

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

PĀ GƏ̄ 85:9

Yá̰á̰ ń Kɔ́ɔ̄ɓē Nə́ɓā əda ní m-ōō kə mbīḿ. Ni-ɔr̄ i najə̄ kem sɔl̄ lɔm kə́ tām̄ yā gír deē yān gə̄ tə́ ō, deē yān gə̄ kə́ ran̄ dɔ ndūdə́ tə́ ō, ba kadə̄ tél rāān̄ mbóo to̰ alé!

IJAI 27:4

Wōn̄g rāām̄ seneé to̰ alé. Ba ré m-ə́ngé túpə kōn̄ gə̄ anī, m-ā m̄-rɔ̄ɔ̄də́ ō, m-ā m-ə́la hor dɔdə́ tə́ ō.

JEREMI 24:5

Kɔ́ɔ̄ɓē Nə́ɓā yā Israel ɔr̄ najə̄ i tītə̄ ń toō beé: M-ā m-á̰a̰ de kə́ Juda tə́ gə̄ ń əhɔn̄də́ aw̄n̄ sedə́ kem ɓē yā Kalde gə̄ tə́ ní kə kumḿ kə́ majaá tītə̄ loo ndə̄ngā kan̄ kótə̄ kə́ majə ngá̰ý gə̄ ń noō.

JEREMI 33:6

Banī m-ā m̄-rāā kadə̄ ni-tél ndi majə gogə́ tītə̄ kə́ kété. M-ā m̄-rāā kadə̄ rɔ̄də́ ngan̄g ō, ndin̄ lɔm ō, kanjə̄ kadə̄ yá̰á̰ kógə̄ḿ a̰ȳ ndíĺdə́.