JEREMI 28:8 - Bibəl ta Sar̄

⁸ Jóo nəkɔ́ ń toō ní, ngé koō ta gə̄ ń ɔrə̄n̄ najə̄ noḿ mā tə́ ō, noí ḭ̄ tə́ ō ní, ədan̄ i najə̄ kə́ sɔɔ̄ dɔ ɓē kə́ ngá̰ý gə̄ ō, ɓē ko̰o̰ kə́ bo gə̄ ō, adə̄ tāān̄ de gə̄ i najə̄ rɔ̄ɔ̄ ō, yá̰á̰ kə́ to kum kaȳ aĺ ō, mo̰y ngāl̄bɔ̄gīí ō.

Bible sar

⁸ Jóo nəkɔ́ ń toō ní, *ngé koō ta gə̄ ń ɔrə̄n̄ najə̄ noḿ mā tə́ ō, noí ḭ̄ tə́ ō ní, ədan̄ i najə̄ kə́ sɔɔ̄ dɔ ɓē kə́ ngá̰ý gə̄ ō, ɓē ko̰o̰ kə́ bo gə̄ ō, adə̄ tāān̄ de gə̄ i najə̄ rɔ̄ɔ̄ ō, yá̰á̰ kə́ to kum kaȳ aĺ ō, mo̰y ngāl̄bɔ̄gīí ō.

JEREMI 28:8 Referans Kwoze

1 MBAN̄G GƏ̄ 22:8

Anī mban̄g kə́ Israel tə́ tél əda Josapat na deē kógə̄ḿ na nay noó ɓáý, ba deē ní tá na nelə̄n ni seneé alé, tɔdɔ̄ deē ní na i de kə́ a əda najə̄ kə́ majə dɔn ni tə́ alé, ba a əda na i najə̄ kə́ majaĺ tá dejə: Deē ní i Mise ngōn̄ Yimla. Josapat əda mban̄g kə́ Israel tə́ na kə lōō kɔr̄ najə̄ beé.

1 MBAN̄G GƏ̄ 17:1

Eli kə́ Tisbe ń i de kə́ gō nang kə́ Galaad tə́ ní əda mban̄g Akab na: Tītə̄ ń Kɔ́ɔ̄ɓē Nə́ɓā yā Israel ń mā i nge kəla yān ní ndiń kə kumneé noō, man̄ a edə to̰ aĺ ō, tal a əhɔ to̰ aĺ ō, kem ɓāl̄ gə̄ ń a reēn̄ tə́ noō bátə́ ré m-ə́da najə̄ pá tá.

AMOS 1:2

Amos əda na: Kɔ́ɔ̄ɓē nōō tītə̄ ɓɔl beé dɔ mbal̄ kə́ Siyo̰ tə́. A̰á̰ā̰, ni-ra Jerusalem rāań adə̄ de gə̄ oōn̄ ndūn. Loo gə̄ ń a aw̄n̄ kə yá̰a̰ kul̄ gēé tūtə̄ kadə̄ əsan̄ yá̰a̰ ní majən̄ aĺ ngá̰ý. Dɔ mbal̄ Karmel i kə́ tutə káḿ káḿ kɔ̄ɔ́.

IJAI 13:18

Ga̰ gərā yādə́ mbə́rē balsáa gə̄ tə́nīdə́, kumdə́ o̰o̰də́ kə ngáń kásə̄ gēé alé, nel̄də́ rāā ngán gə̄ yá̰á̰ kə́ tōr̄.

1 MBAN̄G GƏ̄ 22:17

Anī Mise tūr̄ ədan na n-a̰a̰ ngán Israel gə̄ malang tḭ̄ḭ̄n̄ naā kə̄ dɔ mbal̄ gə̄ tə́ tītə̄ batə̄ gə̄ kə́ nge kul̄də́ gətóo beé, ba Kɔ́ɔ̄ɓē əda na de gə̄ ń toō ngoldə́ gətóó ní, ādə̄ náā nəkɔ́ a tél ta kaw̄ gogə́ ɓēé kə kem kə́ sɔl̄ lɔmɔɔ́!

IJAI 13:1

Najə̄ kə́ dɔ Babilon tə́ ń Ijai kə́ ngōn̄ Amots ənge kem yá̰á̰ ń ni a̰ā̰ tə́ ní.

AMOS 1:1

Makətūbə̄ yā Amos ɔjə i gotə najə̄ kɔr̄ Amos. Ni i nge ngɔ̄m̄ yá̰a̰ kul̄ gə̄. I de kə́ kem ɓē kə́ Tekoa tə́. Ɓāl̄ jōó kə̄ kété no tə́ pá tá kadə̄ dɔ nang ndebə ní, Kɔ́ɔ̄ɓē ɔjən yá̰á̰ kə́ kadə̄ əda dɔ ɓē ko̰o̰ kə́ Israel tə́. I dan ń Ojias ndiń mban̄g Juda tə́ ō, Jeroboam kə́ ngōn̄ Joas ndiń mban̄g Israel tə́ ō ní.

JONAS 3:1

Kɔ́ɔ̄ɓē əda Jonas nja kə́ nge ko̰ jōó na: