JEREMI 28:4 - Bibəl ta Sar̄

⁴ M-ā m̄-tél kə Yekonia, ngōn̄ Joakim, mban̄g kə́ Juda tə́ ō, de kə́ Juda tə́ gə̄ malang ń əhɔn̄də́ aw̄n̄ sedə́ Babilon tə́ ní ō, yā reē sedə́ loo ń toō tə́ gogə́ tɔdɔ̄ m̄-tetə njúkə yā mban̄g kə́ Babilon kɔ̄ɔ́. Najə̄ ń Kɔ́ɔ̄ɓē əda ní n noó.

Bible sar

⁴ M-ā m̄-tél kə Yekonia, ngōn̄ Joakim, mban̄g kə́ Juda tə́ ō, de kə́ Juda tə́ gə̄ malang ń əhɔn̄də́ aw̄n̄ sedə́ *Babilon tə́ ní ō, yā reē sedə́ loo ń toō tə́ gogə́ tɔdɔ̄ m̄-tetə njúkə yā mban̄g kə́ Babilon kɔ̄ɔ́. Najə̄ ń Kɔ́ɔ̄ɓē əda ní n noó.

JEREMI 28:4 Referans Kwoze

JEREMI 22:24

Tītə̄ ń m̄-ndiń kə kumḿ noō, ká ré Konia, ngōn̄ Joakim, mban̄g kə́ Juda tə́, i tə́rá yá̰á̰ kə́ kəndā jī ko̰ḿ tə́ gə̄gē anī, m-ā m-ɔ̄rə̄n kɔ̄ɔ́.

JEREMI 28:2

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: m̄-tetə njúkə yā mban̄g kə́ Babilon kɔ̄ɔ́.

JEREMI 24:1

Dan ń Nabukodonosor mban̄g kə́ Babilon əhɔ Yekonia, ngōn̄ Joakim mban̄g kə́ Juda tə́ ō, de kə́ bo gə̄ kə́ Juda tə́ ō, ngé ger̄ rāā kəla kəja kāgə̄ majə ngá̰ý gə̄ ō, kɔdə̄ gə̄ kə́ ngé rāā kəla gində̄ gə̄ ō Jerusalem aw̄ sedə́ Babilon ní anī, Kɔ́ɔ̄ɓē rāā adə̄ m-á̰á̰ jáng kan̄ kótə̄ jōó kə́ kəndādə́ kadə naā tə́ ta kújə yā Kɔ́ɔ̄ɓē tə́.

NAHUM 1:13

Ngɔlaā ní, m̄-nujə ko̰o̰ ɓē ń taā tɔ́gə́sí kɔ̄ɔ́ ní ō, m̄-tútə́ súĺ yāsí gə̄ kɔ̄ɔ́ ō.

JEREMI 30:8

Ndɔ̄ ń noō tə́ ní m-ā m̄-tétə̄ njúkə yān naā tə́ ō, m-ā m-ɔ̄r̄ kɔ̄ɔ́ míndən tə́ ō, m-ā m̄-gán̄g kəlān gə̄ ō. Ni a əla dɔn gíŕ tɔ́gə yā tə̄rā gə̄ tə́ to̰ aĺ i kə́ bátə́ gə̄ tə́.

JEREMI 28:10

Tā anī Hanania nge koō ta ɔr̄ njúkə́ kə́ míndə Jeremi nge koō ta tə́ ba tétə̄ naā tə́.

JEREMI 24:5

Kɔ́ɔ̄ɓē Nə́ɓā yā Israel ɔr̄ najə̄ i tītə̄ ń toō beé: M-ā m-á̰a̰ de kə́ Juda tə́ gə̄ ń əhɔn̄də́ aw̄n̄ sedə́ kem ɓē yā Kalde gə̄ tə́ ní kə kumḿ kə́ majaá tītə̄ loo ndə̄ngā kan̄ kótə̄ kə́ majə ngá̰ý gə̄ ń noō.

JEREMI 22:10

Ī-nōōī deē ń oy kɔ̄ɔ́ ní alé. Əhɔī ndoō tām̄ yān tə́ alé. Ba deē ń a aw̄ i mbéé ní ī-nōōniī ba ī-tél ī-nōōniī ɓáý to̰. tɔdɔ̄ ni a tél yā reē gogə́ kem ɓē kojən tə́ to̰ alé.

JEREMI 2:20

Nəkɔ́ ń jóo toó ḭ̄ ā ī-tétə̄ njúkə kɔ̄ɔ́ ō, ī-gān̄g kəlā kə́ tṵ́ṵ̄īn̄neé gə̄ kɔ̄ɔ́ ō, ba ə́da na: m̄-ndigə rāā ɓəlo to̰ alé. Kə dɔ ngán mbal̄ gə̄ tə́ malang ō, kə gír kāgə̄ gə̄ kə́ to mbōl̄ gə̄ tə́ malang ō ní, ḭ̄ ī-rāā ájə́ba yā rāań ɓesə̄.

IJAI 9:4

Sākə̄rā nja madə̄ ba̰ā̰ gə̄ malang ń rāā adə̄ dɔ nang ndew ní, kūbə̄ malang mósə́ i tū tə́ ní, hor o̰o̰.

TA KƏLA 27:40

Ā ī-ndi kə kumií i kə ta kūl̄ kaskar yāí ō, ā ī-rāā i ɓer̄ yā ngōkó̰ó̰í ō, ba ā ī-tetə njúkə yān kɔ́í tə́ yā teēń dɔɔ́.

JEREMI 27:8

Nápar de gə̄ ō, ɓē ko̰o̰ ō ń mbātə́n̄ rāā kəla kadə̄ Nabukodonosor, mban̄g kə́ Babilon tə́ ō, mbātə́n̄ kənī njúkə yān míndə́də́ tə́ ō ní, m-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāā kadə̄ nəkɔ́ tɔ̄l̄də́ kə jīneé malang kɔ̄ɔ́. Najə̄ ń Kɔ́ɔ̄ɓē əda ní n noó.

LEBI GƏ̄ 26:13

Mā i Kɔ́ɔ̄ɓē Nə́ɓā yāsí kə́ nge teē sesí kɔ̄ɔ́ kem ɓē kə́ Ejiptə tə́, kə́ nge kɔr̄sí ɓəloó kɔ̄ɔ́. m̄-tétə̄ njúkə yāsí kɔ̄ɔ́ ō, m-ādə̄ ɔ̄rī dɔsí ī-njə̄rāiń ō.

2 MBAN̄G 24:14

Ni ɔy de kə́ Jerusalem gə̄ malang aw̄ sedə́, ngār gə̄ ō de kə́ bo gə̄ ō. Malang i deē dūbú kutə kanjə̄ tə́da kɔdə gə̄ ō, ngé rāā lakélé ta róbə gə̄ ō. De gə̄ ń Nabukodonosor əya̰də́ ndin̄ gotoó kem ɓēé ní i nge ndoō gə̄.

JEREMI 13:19

Ta ɓē gə̄ kə́ Negeb i kə́ kutə̄ kɔ̄ɔ́, deē kógə̄ḿ kə́ reē yā teē gətóo. Aw̄n̄ kə de kə́ Juda tə́ malang dɔ ɓē kə́ rang tə́. I kəhɔ de gə̄ kə taá malang kaw̄ sedə́ dɔ ɓē kə́ rang tə́ dɔ gúú tə́.

JEREMI 29:1

Jeremi kə́ nge koō ta Jeremi ndi Jerusalem ba ndang makətūbə̄ əlań adə̄ kum kɔɔ̄ gə̄ malang kə́ dɔ dán de gə̄ ń əhɔn̄də́ aw̄n̄ sedə́ dɔ nang kə́ rang tə́ ní ō, əlań adə̄ ngé tun̄ yá̰a̰ gə̄ ō, ngé koō ta gə̄ ō, gír de gə̄ malang ń Nabukodonosor əhɔdə́ Jerusalem aw̄ sedə́ Babilon tə́ ní ō.

JEREMI 29:2

Ni-əla kə makətūbə̄ ní i dan ń mban̄g Yekonia ō, kó̰o̰n ō, ngé rāā kəla kə́ ndogó mbangāá gə̄ ō, de kə́ bo gə̄ kə́ Juda tə́ ō, kə́ Jerusalem tə́ ō, de gə̄ kə́ gerə̄n̄ rāā kəla kəja kāgə̄ majə ō, gerə̄n̄ rāā kəla gində̄ majə ō teēn̄neé kɔ̄ɔ́ Jerusalem tə́ ní.