JEREMI 28:13 - Bibəl ta Sar̄

¹³ Āw̄ ə́da Hanania na: Najə̄ ń mā Kɔ́ɔ̄ɓē m-ə́dá ní n toó: Ī-tetə sáa kāgə̄ naā tə́ kɔ̄ɔ́ ɓá ní, ī-mbél̄ gíŕdə́ kə sáā gində̄ gēé.

Bible sar

¹³ Āw̄ ə́da Hanania na: Najə̄ ń mā Kɔ́ɔ̄ɓē m-ə́dá ní n toó: Ī-tetə sáa kāgə̄ naā tə́ kɔ̄ɔ́ ɓá ní, ī-mbél̄ gíŕdə́ kə sáā gində̄ gēé.

JEREMI 28:13 Referans Kwoze

NŌŌ RƆ̄ 2:14

Ngé koō ta yāí gə̄ a̰a̰n̄ yá̰á̰ kə́ kanjə̄ kumən gə̄ ō, kə́ rɔ̄kum aĺ gə̄ ō tām̄ yāí tə́. Nin̄ ɔjən̄ yá̰á̰ kə́ gōtə́ aĺ yāí kə̄ ndágá wáńg alé, yā kadə̄ yá̰á̰ ń a reē kə̄ dɔí tə́ ní kə rāāī gáŕ. Yá̰a̰ gə̄ ń nin̄ a̰ā̰n̄ ba ədanī ní i yá̰á̰ kə́ kanjə̄ kumən gə̄ ō, i gól̄ loo ō.

JEREMI 27:15

M-ə́ládə́ aĺ ō, najə̄ gə̄ ń a ɔrə̄n̄ kə́ ngé koō ta gə̄ tə́ kə rīḿ ní i najə̄ kə́ rɔ̄kum aĺ ō. Adə̄ i tām̄ ń toō tə́ ń sḭḭ̄ ō, ngé koō ta yāsí gə̄ ō ní, m-ā m̄-tə̄ndā yā tḭ̄ḭ̄sí ō, ā oyiī ō ní.

PĀ GƏ̄ 149:8

kadə̄ tṵ́ṵ̄n̄ mban̄g yādə́ gə̄ kə súĺ ō, kadə̄ tə́nīn̄ kángə́lá gə̄ nja de kə́ bo yādə́ gə̄ tə́ ō.

NDŪ NAJƏ̄ 28:48

Kɔ́ɔ̄ɓē a əla kə madə̄ ba̰ā̰í gēé kadə̄ ī-rāā kəla yādə́ kə ɓōó ō, kə kəndā maná ō, kə rɔ̄í kə́ karīí ō, kə yá̰a̰ malang kə́ ndoōī ō. A ənī njúkə gində̄ míndí tə́ bátə́ kadə̄ ī-gətóoń.

PĀ GƏ̄ 107:16

Tɔdɔ̄ ni tétə̄ ta róbə gə̄ kə́ rāān̄ kə gində̄ nə̄ngá kasaá gə̄ ō, tétə̄ gində̄ gə̄ ń rákə̄n̄neé ta róbə gə̄ ní kɔ̄ɔ́ ō.

IJAI 45:2

Mə̄kɔ́ m-ā m̄-njə̄rā kété noí tə́, yá̰a̰ gə̄ ń dēsə́n̄ rɔ̄də́ noí tə́ ɔgīn̄ mān̄ ní, m-ā m̄-ró̰ȳdə́ kɔ̄ɔ́, ta róbə gə̄ ń rāān̄də́ kə gində̄ nə̄ngá kasaá ní, m-ā m̄-nujəń kɔ̄ɔ́, gində̄ gə̄ ń rákə̄nəń ta róbə gə̄ ní, m-ā m̄-tétə̄ kɔ̄ɔ́.

JEREMI 27:2

Mā Kɔ́ɔ̄ɓē m-ɔ̄r̄ najə̄ i tītə̄ ń toō beé: Ī-səre kəlā gə̄ ō, ī-tɔ́ĺ sáa kāgə̄ gə̄ njúkə́ tə́ ō. Ā ə̄nī njúkə́ ní míndí ḭ̄kɔ́ tə́ ō,

NŌŌ RƆ̄ 1:14

Á̰a̰ī njúkə mbātə́ najə̄ yāḿ gə̄ n i kə́ rákə̄də́ ta naā tə́ toó. Ni do̰ō̰ naā tə́ kə jīneé ō, əga míndə́ḿ tə́ ō. Kɔ́ɔ̄ɓē taā tɔ́gə́ḿ kɔ̄ɔ́. Ni əlam̄ kem jī de kə́ m-ásə rɔ̄ɔ̄də́ dɔḿ tə́ aĺ gə̄ tə́.

EJEKIEL 30:18

Dan ń m-ā m̄-tetə tɔ́gə ɓē kə́ Ejiptə kɔ̄ɔ́, adə̄ tɔ́gən ń a ɔjəń rɔ̄n ní gətóo kɔ̄ɔ́ anī, mbang a əɓa dɔ ɓē kə́ Tapanes tə́ alé. Kil̄ man̄ kə́ ndul ndí ndḭ́ a utə̄ dɔ ɓē kɔ̄ɔ́ ō, a ɔyn̄ de gə̄ ń ndin̄ gō nang kə́ kadə tə́ gə̄ ní yā kaw̄ sedə́ dɔ ɓē kə́ rang tə́ dɔ gúú tə́.

2 YÁ̰A̰ GƏ̄ 10:11

Bɔbí na əndā njúkə kə́ kɔȳ dɔdə́ tə́, ba ḭ̄ na ā ə̄ndā nge kə́ kɔȳ tɔȳ dɔdə́ tə́ ɓáý to̰. Bɔbí na əndadə́ na i kə ndéy məraw kə́ karīí a ba ḭ̄ na ā ə́ndádə́ na i kə ndéy məraw kə́ kə gindīí ta tə́.