JEREMI 28:10 - Bibəl ta Sar̄

¹⁰ Tā anī Hanania nge koō ta ɔr̄ njúkə́ kə́ míndə Jeremi nge koō ta tə́ ba tétə̄ naā tə́.

Bible sar

¹⁰ Tā anī Hanania *nge koō ta ɔr̄ njúkə́ kə́ míndə Jeremi *nge koō ta tə́ ba tétə̄ naā tə́.

JEREMI 28:10 Referans Kwoze

JEREMI 27:2

Mā Kɔ́ɔ̄ɓē m-ɔ̄r̄ najə̄ i tītə̄ ń toō beé: Ī-səre kəlā gə̄ ō, ī-tɔ́ĺ sáa kāgə̄ gə̄ njúkə́ tə́ ō. Ā ə̄nī njúkə́ ní míndí ḭ̄kɔ́ tə́ ō,

MALASI 3:13

Kɔ́ɔ̄ɓē əda na: Sḭḭ̄ ī-tə́daī najə̄ kə́ ngan̄g ngan̄g gə̄ dɔḿ tə́, ba ī-dəjeī najə̄ ə́daī na ké najə̄ ń ɔ̄rī dɔ dáńsí tə́ dɔḿ tə́ ní ké na i rí wa.

JEREMI 28:4

M-ā m̄-tél kə Yekonia, ngōn̄ Joakim, mban̄g kə́ Juda tə́ ō, de kə́ Juda tə́ gə̄ malang ń əhɔn̄də́ aw̄n̄ sedə́ Babilon tə́ ní ō, yā reē sedə́ loo ń toō tə́ gogə́ tɔdɔ̄ m̄-tetə njúkə yā mban̄g kə́ Babilon kɔ̄ɔ́. Najə̄ ń Kɔ́ɔ̄ɓē əda ní n noó.

JEREMI 28:2

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: m̄-tetə njúkə yā mban̄g kə́ Babilon kɔ̄ɔ́.

1 MBAN̄G GƏ̄ 22:11

Sidekia kə́ ngōn̄ Kenana rāā gajə dā̰ kə gindīí ba əda na: Kɔ́ɔ̄ɓē əda na ā ī-tetə Aram gə̄ rɔ̄ɔ̄ kə gajə dā̰ ń toō.

JEREMI 37:19

Ngé koō ta yāsí gə̄ ń ədan̄sí na mban̄g kə́ Babilon na a reē yā kənīsí rɔ̄ɔ̄ aĺ ō, kənī ɓē ń toō rɔ̄ɔ̄ aĺ ō ní, nin̄ i rá?

EJEKIEL 30:18

Dan ń m-ā m̄-tetə tɔ́gə ɓē kə́ Ejiptə kɔ̄ɔ́, adə̄ tɔ́gən ń a ɔjəń rɔ̄n ní gətóo kɔ̄ɔ́ anī, mbang a əɓa dɔ ɓē kə́ Tapanes tə́ alé. Kil̄ man̄ kə́ ndul ndí ndḭ́ a utə̄ dɔ ɓē kɔ̄ɔ́ ō, a ɔyn̄ de gə̄ ń ndin̄ gō nang kə́ kadə tə́ gə̄ ní yā kaw̄ sedə́ dɔ ɓē kə́ rang tə́ dɔ gúú tə́.