JEREMI 27:7 - Bibəl ta Sar̄

⁷ Ni ō, ngōnən ō, ngōn̄ kaan ō ní, nápar de gə̄ malang a rāān̄ kəla yā kadə̄də́. Gō tə́ anī, yá̰á̰ ń rāā ɓē ń toō ní, a rāā ɓē yān ō. Nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō a o̰o̰n̄ ɓē dɔ ɓē yān tə́.

Bible sar

⁷ Ni ō, ngōnən ō, ngōn̄ kaan ō ní, nápar de gə̄ malang a rāān̄ kəla yā kadə̄də́. Gō tə́ anī, yá̰á̰ ń rāā ɓē ń toō ní, a rāā ɓē yān ō. Nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō a o̰o̰n̄ ɓē dɔ ɓē yān tə́.

JEREMI 27:7 Referans Kwoze

JEREMI 52:31

Əhɔn̄ Joakin, mban̄g kə́ Juda aw̄n̄ seneé Babilon. Ni rāā ɓāl̄ kutə mətá gidə i sīrí Babilon. Kem ɓāl̄ kə́ nge ko̰ kutə mətá gidə i sīrí tə́, kə ndɔ̄ kutə jōó gidə i sīrí yā nāā kə́ nge ko̰ kutə gidə i jōó anī, Ewil Merodak, mban̄g kə́ Babilon rajən ba ɔrə̄n dəngáyá kem ɓāl̄ ń ndiń mban̄g tə́ ní.

JEJU TEĒ KUM JA̰A̰ 16:19

Ɓē bo kēgə̄ naā tə́ gír loo mətá ō, ɓē gə̄ yā nápar de gə̄ tə́sōn̄ ō. Loo ń noō tə́ əga kem Nə́ɓā dɔ Babilon ń i ɓē kə́ bo ní tə́, yā kadə̄ ni-adə̄n kópə ń kasə wōn̄g yān a nēgə́ kemeé ní.

JEJU TEĒ KUM JA̰A̰ 14:8

Anī de kə́ dɔ rā̰ tə́ kə́ rang kə́ nge ko̰ jōó utə̄ gōn, əda na: Babilon ń i ɓē bo ní, əsō kɔ̄ɔ́, əsō kɔ̄ɔ́! Ni-adə̄ nápar de gə̄ malang kasə nduú ń i ájə́ba kɔ̄r̄ yān ní adə̄ a̰ȳn̄.

HABAKUK 2:7

De gə̄ ń adə̄n̄sí nar loo tə̄nā tə́ ní, a əhɔn̄sí dɔ jīsí tə́ gidə kógə̄ḿ. Nin̄ a ndólə̄n̄ dɔ ɓīī tə́, adə̄ nin̄ a rāān̄sí kadə̄ ā ī-ndewiī. Ta i dɔdə́ nin̄ tə́ kadə̄ ɓogən̄sí tā.

IJAI 21:9

Á̰a̰ī, deē kógə̄ḿ a reē noó! Ndi i kem púsə rɔ̄ɔ̄ kə́ sə́nda gə̄ jōó unən̄ tə́. Ni əga kɔŕ, əda na: Ɓē kə́ Babilon əsō, ɓē kə́ Babilon əsō! Yá̰á̰ kə́ tɔ́sə̄ kum gotə nə́ɓā yān gə̄ ton̄ nang tə́ malang, tétə̄n̄ rárák kɔ̄ɔ́.

IJAI 13:1

Najə̄ kə́ dɔ Babilon tə́ ń Ijai kə́ ngōn̄ Amots ənge kem yá̰á̰ ń ni a̰ā̰ tə́ ní.

PĀ GƏ̄ 37:13

Banī Kɔ́ɔ̄ɓē əgōn, tɔdɔ̄ ni-a̰a̰ ndɔ̄ yān ń a asə ní.

JEREMI 27:22

A ɔyn̄ gotə yá̰a̰ rāā kəla gə̄ ní yā kaw̄ń Babilon, kadə̄ a to noó bátə́ ndɔ̄ ń m-ā m̄-sāań nja yā tél reēń gogə́ loo ń toō tə́ ní. Najə̄ ń Kɔ́ɔ̄ɓē əda ní n noó.

JEREMI 34:1

Kɔ́ɔ̄ɓē ɔr̄ najə̄ kə Jeremi dan ń Nabukodonosor, mban̄g kə́ Babilon ō, ɓūtə̄ ngé rɔ̄ɔ̄ yān gə̄ malang ō, ənīn̄neé ɓē kə́ Jerusalem ō, ɓē gə̄ malang ń gīrə̄n̄ gidən ní ō rɔ̄ɔ̄ ní. Nabukodonosor ənīdə́ rɔ̄ɔ̄ naā tə́ kə ɓē ko̰o̰ gə̄ malang ń, ənīn̄ rɔ̄ɔ̄ Jerusalem ō, ɓē gə̄ malang ń a o̰o̰ ɓē dɔ tə́ ní ō kə gír de gə̄ malang ō.

JEREMI 44:30

M-ā m-ə́la Parao̰ Hopəra, mban̄g kə́ Ejiptə kem jī madə̄ ba̰ā̰n gə̄ tə́, adə̄ i kem jī ngé gə̄ ń sāān̄ tɔ̄lən tə́ ní, tītə̄ ń m-ə́lań Sedekias, mban̄g kə́ Juda, kem jī madə̄ ba̰ā̰n Nabukodonosor tə́, mban̄g kə́ Babilon ń sāā tɔ̄lən ní.

JEREMI 46:13

Kɔ́ɔ̄ɓē ɔr̄ najə̄ kə Jeremi nge koō ta əda na: Nabukodonosor, mban̄g kə́ Babilon a reē yā kənda ɓē kə́ Ejiptə.

DANIEL 2:37

Ḭ̄ i mban̄g kə́ ī-bo ī-tɔȳ mban̄g gə̄ malang. Nə́ɓā kə́ dɔ rāā tə́ adī ko̰o̰ ɓē ō ngan̄g ō tɔ́gə ō kɔsə gɔn ō.

DANIEL 4:22

A təbānī kɔ̄ɔ́ dan de gə̄ tə́. Ā ī-ndi i dan dā̰ kə́ bembeé gə̄ tə́. Ā ə́sa i mu tītə̄ yā man̄g gə̄ ō, tal a əhɔ dɔí tə́ ō. Ā ī-ndi i tītə̄ ń noō bátə́ ɓāl̄ sīrí. ré gír ɓāl̄ kə́ sīrí gə̄ gān̄g anī, ā ī-ger̄ kadə̄ Nə́ɓā kə́ dɔɔ́ sa̰y ngá̰ý aw̄ kə tɔ́gə dɔ ɓē ko̰o̰ yā deē ndul gə̄ tə́ ō, ni i nge kadə̄ deē ń kemən ndigə ní ko̰o̰ ɓē ō.

HABAKUK 2:8

Sḭḭ̄ ɔ́yiī yá̰a̰ yā nápar de gə̄ ngá̰ý dɔ gúú tə́. Adə̄ gotə gír de gə̄ ń na̰ȳn̄ ní, a ɔyn̄ yá̰a̰ yāsí gə̄ dɔ gúú tə́ tītə̄ ń noō ō. Tɔdɔ̄ sḭḭ̄ ī-ɓōkíī mósə de gə̄ nang tə́ ō, ī-rāāī yá̰a̰ kə dɔ́nɔ́ ō. Ī-rāāī yá̰á̰ ń noō i kə gō dɔ nang gēé ō kə ɓē gēé ō, kə de kə́ kemeé gēé ō!

EJEKIEL 30:24

M-ā m̄-rāā mban̄g kə́ Babilon kadə̄ tɔ́gə jīn to tɔȳ kə́ kété ō, m-ā m-ə́la kaskar yāḿ jīn tə́ ō. M-ā m̄-tétə̄ jī mban̄g kə́ Ejiptə kɔ̄ɔ́ ō, ni a sōḿ tītə̄ de kə́ ənge do kə́ asə yon beé ō.