JEREMI 27:5 - Bibəl ta Sar̄

⁵ I mā n m̄-rāā dɔ nang ō, de gə̄ ō, dā̰ gə̄ ō, kə́ tū tə́ ní. m̄-rāādə́ kə tɔ́gə́ḿ kə́ ngá̰ý, m-ɔ́jəń tɔ́gə́ḿ kə̄ ndágá ní. Deē nəkɔ́ ń kemḿ ndigə anī m-ādə̄n dɔ nang ní karī.

Bible sar

⁵ I mā n m̄-rāā dɔ nang ō, de gə̄ ō, dā̰ gə̄ ō, kə́ tū tə́ ní. m̄-rāādə́ kə tɔ́gə́ḿ kə́ ngá̰ý, m-ɔ́jəń tɔ́gə́ḿ kə̄ ndágá ní. Deē nəkɔ́ ń kemḿ ndigə anī m-ādə̄n dɔ nang ní karī.

JEREMI 27:5 Referans Kwoze

JEREMI 51:15

Ni-rāā dɔ nang kə ta kūl̄ tɔ́gəneé ō, əndā yá̰a̰ gə̄ malang kə kum kedə̄ yānneé ō, teē kem dɔ rā̰ kə̄ gogə́ kə gō ger̄ yá̰a̰ yānneé ō.

JEREMI 32:17

Á Kɔ́ɔ̄ɓē Nə́ɓā, i ḭ̄ n ī-rāā dɔ rā̰ ō, dɔ nang ō, kə ta kūl̄ tɔ́gí kə́ ngá̰ý ɔ́jəń tɔ́gí kə̄ ndágá ní. Yá̰á̰ kə́ dum̄ tɔ́gí gətóo.

DANIEL 4:17

Kāgə̄ ń á̰a̰ā̰ á tɔgə ō ngan̄g ō, ngāl̄ ugə̄ no rā̰ tə́ ō deē ra i rá dɔ nang tə́ gə̄gē a a̰a̰ ō,

IJAI 45:12

I mā n m̄-rāā dɔ nang ō, de gə̄ ń ndin̄ tū tə́ ní ō. I mā n m̄-tḛḛ̄ kem dɔ rā̰ ō, i mā n i nge kəda ɓūtə̄ tə́yō̰ kə́ ngá̰ý gə̄ yá̰á̰ kə́ kadə̄ rāān̄ ō ní.

KOLOSƏ 1:16

Nə́ɓā rāā yá̰a̰ malang kə́ dɔ rā̰ tə́ gə̄gē, dɔ nang tə́ gə̄gē, i kə ta kūl̄ Ngōnən. Ni-rāā yá̰á̰ kə́ deē asə ka̰a̰ kə kumneé ō, kə́ deē asə ka̰a̰ kə kumneé aĺ ō. I kɔ́ɔ̄ ɓē gə̄ ō, ngé ko̰o̰ ɓē gə̄ ō, kōr̄ kāgə̄ mbang yādə́ gə̄ ō. Nə́ɓā rāā yá̰a̰ malang i kə ta kūl̄neé ō, i tām̄ yān tə́ ō.

IJAI 42:5

Nə́ɓā, Kɔ́ɔ̄ɓē, rāā dɔ rā̰ ō, tútən kem naā tə́ ō. Ni teē kem dɔ nang kə kāgə̄ kə́ tū tə́ gə̄ malang. Gír de gə̄ ń ndin̄ tū tə́ ní, ni-rāā adə̄ ndin̄ kə kumdə́, ngé gə̄ ń ndin̄ kə kumdə́ tū tə́ ní, ni-adə̄də́ koō. Najə̄ ń ni-əda nge kəla yān ní n toó:

JEJU TEĒ KUM JA̰A̰ 4:11

Kɔ́ɔ̄ɓē Nə́ɓā yājí, ḭ̄ ásə kadə̄ ɔsən̄ gɔnií ō, rɔȳnī ō, ásə kənge tɔ́gə ō, tɔdɔ̄ i ḭ̄ n ī-rāā yá̰a̰ malang ní. Ḭ̄ ī-gḛy kadə̄ yá̰a̰ gə̄ ton̄ anī, yá̰a̰ gə̄ ní i kə́ kəndādə́.

HEBƏRO 1:2

Banī kem ndɔ̄ gə̄ ń toō tə́ ń i ta tɔ̄l̄ ta ndɔ̄ gə̄ ní, ni-ɔr̄ najə̄ sejí i kə ta kūl̄ Ngōnən. Ni-rāā yá̰a̰ malang i kə ta kūl̄ Ngōnən ní ō, i Ngōnən ní n ni gə̄rān kadə̄ ənge yá̰a̰ malang ní ō.

KƏLA RĀĀ 17:24

Nə́ɓā ń rāā dɔ rā̰ ō, dɔ nang ō, yá̰a̰ malang kə́ tū tə́ ō ní, ni i Kɔ́ɔ̄ɓē dɔ rā̰ tə́ ō dɔ nang tə́ ō. Tá kújə gə̄ ń de gə̄ rāān̄ kə jīdə́ tām̄ yān tə́ ní, ni-ndi kemeé aĺ ō.

KƏLA RĀĀ 14:15

Nin̄-əgan̄ kɔŕ ngá̰ý ədan̄ na: Madə̄jí gə̄, ā ī-rāāī i rí kə beē? Jḭḭ i deē ndul gə̄ kə́ jə-to tītə̄sí ō! Najə̄ kə́ Majə ń j-ədasí ní, i yā kadə̄ ə́ya̰īneé ɓesə̄ kə́ kanjə̄ kumən gə̄ ń toō kɔ̄ɔ́, ba kadə̄ ī-tūrīneé rɔ̄sí kə̄ rɔ̄ Nə́ɓā kə́ ndi kə kumneé tə́, ni ń rāā dɔ rā̰ ō, dɔ nang ō, bā bo ō, yá̰a̰ malang kə́ tū tə́ ō ní.

IJAI 51:13

Dɔí ndígə̄nal Kɔ́ɔ̄ɓē. Tá i ni n rāāī ní. I ni n teē kem dɔ rā̰ ō, əndā dɔ nang dɔ gír gisən gə̄ tə́ ō ní. Ḭ̄ ī-ndebə ndebə ɓōĺ kanjə̄ dəba, najə̄ wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ tə́ tə́, tītə̄ kə́ ni-ndi dɔ rɔ̄n tə́ kɔ̄ɔ́ yā nujə seí beē. Banī wōn̄g yā nge ko̰o̰ ɓē kə́ nge rāā de gə̄ yá̰á̰ kə́ tōr̄ ní i rá ngɔlaā?

IJAI 48:13

A̰á̰ā̰, i mā n m-ə̄ndā dɔ nang dɔ gír gisən gə̄ tə́ ní, i mā n m̄-tḛḛ̄ kem dɔ rā̰ ní. Dan nəkɔ́ ń m̄-ɓāŕdə́ anī, kə̄ ta jī tə́ noō nin̄-reē ran̄ noḿ tə́.

IJAI 44:24

Israel, Kɔ́ɔ̄ɓē i nge gān̄g dɔí, ni rāāī kété pá tá kadə̄ ojiīn̄ ɓáý. Ni ədaī na: Mā i Kɔ́ɔ̄ɓē. Yá̰a̰ malang ń toō ní, i mā n i nge rāān. I mə̄kɔ́ kə kérə́ḿ n m̄-tūtə́ dɔ rā̰ gidə naā tə́ ní. m̄-tḛḛ̄ kem dɔ nang i kanjə̄ kadə̄ deē kógə̄ḿ ɔsə kílə́ḿ loon tə́.

ESDRAS 1:2

Sirus mban̄g kə́ Persə ɔr̄ najə̄ i beé, əda na: Kɔ́ɔ̄ɓē, Nə́ɓā kə́ dɔ rā̰ tə́, adə̄m̄ ɓē ko̰o̰ gə̄ malang kə́ dɔ nang tə́ ō, nəkɔ́ əndā kəla rāā kújə́ kógə̄ḿ dɔḿ tə́ kadə̄ m̄-rāā m-ādə̄n kem ɓē kə́ Jerusalem kə́ Juda tə́ ō.

NDŪ NAJƏ̄ 2:7

Tām̄ Kɔ́ɔ̄ɓē Nə́ɓā yāsí rāā majə sesí tū kəla rāāsí gə̄ tə́ malang dan ń ə́ndaī dəla loo kə́ bo ngá̰ý ń toō ī-gāngī ní ō, əndā kumən gōsí tə́ ō. Kɔ́ɔ̄ɓē njə̄rā sesí ɓāl̄ kutə sɔ́ ngɔlaā ō, ī-nalī yá̰á̰ kógə̄ḿ aĺ ō.

PĀ GƏ̄ 102:25

Adə̄ m-ə́da na: Nə́ɓā yāḿ, ī-lōō kunəm̄ kɔ̄ɔ́ dan ń ɓālə̄ḿ ugə̄ kə̄ danaá ɓáý ní! Ḭ̄ ā ī-ndi i kə dɔ ɓāl̄ gə̄ malang.

NDŪ NAJƏ̄ 32:8

Dan ń Nə́ɓā kə́ dɔɔ́ sa̰y ngá̰ý gán̄g dɔ nang adə̄ nápar de gə̄ ō, ɔr̄ kam̄ de gə̄ naā tə́ ō ní, əndā dɔ nin̄ loo yā gír de gə̄ i kə gō kutə ngán Israel gēé.

NDŪ NAJƏ̄ 9:29

Kɔ́ɔ̄ɓē, nin̄ i gír deē yāí gə̄ ń ī-teē sedə́ kɔ̄ɔ́ kem ɓē kə́ Ejiptə tə́ kə tɔ́gí kə́ ngá̰ý ō, kə jīí kə́ kəla kə̄ dɔɔ́ ō ní.

NDŪ NAJƏ̄ 5:16

Ī-rɔȳ bɔbí nin̄ kə kó̰ó̰í tītə̄ ń Kɔ́ɔ̄ɓē Nə́ɓā yāí ədaīneé ní, yā kadə̄ ī-ndiń kə kumií ta kaw̄ jóo ō, kadə̄ rɔ̄í nelīiń dɔ nang ń Kɔ́ɔ̄ɓē Nə́ɓā yāí adī tə́ ní ō.

NDŪ NAJƏ̄ 4:35

Ɔjən̄sí yá̰a̰ gə̄ ń noō adə̄ á̰a̰ī kə kumsí i yā kadə̄ ī-gerīneé kadə̄ i Kɔ́ɔ̄ɓē ngóy n i Nə́ɓā ní. Nə́ɓā kə́ rang gətóo.

NDŪ NAJƏ̄ 4:32

Ī-gírī dɔ yá̰a̰ gə̄ ń rāān̄ yá̰á̰ kété jóo nosí tə́ ní, ə́laī gír dɔ ndɔ̄ ń Nə́ɓā əndāń deē dɔ nang tə́ ní tə́. Yá̰a̰ gə̄ ń rāān̄ yá̰á̰ gír dɔ nang tə́ laā ta kaw̄ kə̄ ta ngóý dɔ nang tə́ nú ní, ī-gírī á̰a̰ī ké yá̰á̰ kə́ bo ngá̰ý kə́ beé rāā yá̰á̰ kété ɓá wa. De gə̄ ədan̄ gotə najə̄ kə́ beé kété ɓá a?

NDŪ NAJƏ̄ 4:25

Loo ń ré ójiī ngán gə̄ ō, ngáńsí gə̄ ojən̄ ngán kaasí gə̄ ō, adə̄ ī-ndiī dɔ nang ń Kɔ́ɔ̄ɓē ənī míndən yā kadə̄sí tə́ ní dan i ngá̰ý anī, ī-lōōī rāā ɓesə̄ kəsōń kum majaĺ tə́ ō, tɔ́sə̄ yá̰á̰ kógə̄ḿ rāā kum gotə yá̰á̰ kə́rēý tə́ ō. Ī-lōōī rāā yá̰á̰ kə́ majaĺ ta kum Kɔ́ɔ̄ɓē Nə́ɓā yāsí tə́ kadə̄ adə̄n wōn̄g.

NDŪ NAJƏ̄ 4:17

ndíl dā̰ tə́, aké ndíl yel̄ tə́,

NDŪ NAJƏ̄ 2:21

I de kə́ tɔ́gə́də́ i ngá̰ý gə̄ ō, kutədə́ i ngá̰ý ō, ngālə̄n̄ ngá̰ý tītə̄ Anak gə̄ ō. Banī Kɔ́ɔ̄ɓē nujə sedə́ kɔ̄ɔ́ malang no Amon gə̄ tə́, adə̄ Amon gə̄ taān̄ dɔ nang yādə́ ndin̄ tū tə́.

NDŪ NAJƏ̄ 2:19

Ā ūgī dɔ nang yā ngán Amon ń ra nosí tə́ ní. Ī-lōōī sāā tadə́ ō, kənīdə́ rɔ̄ɔ̄ ō. Na m-ā m-ādə̄sí yá̰á̰ kógə̄ḿ dɔ nang yā ngán Amon gə̄ tə́ alé. Tām̄ nin̄ i ngán kaa Lot gə̄ ō, dɔ nang ń noō m-ādə̄də́ i nin̄ ō.

NDŪ NAJƏ̄ 2:9

Anī Kɔ́ɔ̄ɓē ədam̄ na: Ī-lōōī sāā ta Moab gə̄ ō, ī-lōōī kənīdə́ rɔ̄ɔ̄ ō, tām̄ m-ā m-ādə̄sí yá̰á̰ kógə̄ḿ dɔ nang yādə́ tə́ alé, tɔdɔ̄ dɔ nang kə́ Ar ní m-ādə̄də́ i nin̄ ngán kaa Lot gə̄.

Teē Ngán Israel gə̄ 20:11

Tɔdɔ̄ dɔ rā̰ ō, dɔ nang ō, bā bo ō, yá̰a̰ malang kə́ tū tə́ gə̄ ō ní, m̄-rāādə́ i kem ndɔ̄ mehḛ́, ba m-ɔ̄r̄ koō i kə ndɔ̄ kə́ nge ko̰ sīrí. I tām̄ najə̄ ń noō tə́ n mā Kɔ́ɔ̄ɓē m-ə́dań najə̄ kə́ majə dɔ ndɔ̄ sabat tə́ ō, m̄-ndigəń kadə̄ ɔr̄nən̄ tayā tām̄ yāḿ tə́ ō ní.

TA KƏLA 9:6

Deē ń ɓōkə́ mósə deē nang tə́ ní, gáŕ kadə̄ i deē n a ɓōkə́ mósə deē ń noō nang tə́ ō ní, tɔdɔ̄ Nə́ɓā əndā deē adə̄ teēn.

KƏLA RĀĀ 17:26

Ni-əndā gíŕ nápar de gə̄ malang i kə de kə́ kal kógə̄ḿ beē ō, əndādə́ dɔ nang tə́ malang ō. Ni-rāā ɓar ō ɓāl̄ ō tām̄ yādə́ tə́ ō, ɔjə dɔ nin̄ loo gə̄ ń kadə̄ ndin̄ tū tə́ ní ō.

TA KƏLA 1:25

Nə́ɓā rāā dā̰ kə́ bembeé gə̄ ō, yá̰a̰ kul̄ gə̄ ō, ngán dā̰ kə́ kagə nang tə́ gə̄ ō, kə gō gíŕdə́ gēé. Nə́ɓā a̰a̰ kadə̄ i yá̰á̰ kə́ majə.

PĀ GƏ̄ 96:5

Nə́ɓā gə̄ malang yā gír de gə̄ i yá̰á̰ kə́ kanjə̄ kumən, banī Kɔ́ɔ̄ɓē rāā dɔ rā̰.

JEREMI 27:4

Ā ə̄ndā najə̄ ń toō tadə́ tə́ kadə̄ ədan̄ kɔ́ɔ̄də́ gə̄: Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ɔ̄r̄ najə̄ i tītə̄ ń toō beé: Yá̰á̰ ń kadə̄ ə́daī kɔ́ɔ̄sí gə̄ ní n toó:

DANIEL 4:25

Yá̰a̰ gə̄ ń noō rāān̄ mban̄g Nabukodonosor malang.

DANIEL 5:18

Kété ní Nə́ɓā kə́ dɔɔ́ sa̰y ngá̰ý rāā adə̄ bɔbí Nabukodonosor ndi mban̄g kə́ bo ō, adə̄n kɔsə gɔn ō, hál de kə́ bo ō.

Teē Ngán Israel gə̄ 6:6

Adə̄ m̄-mērī kədadə́ najə̄ ń toō: Mā i Kɔ́ɔ̄ɓē. M-ā m-ɔ̄r̄sí ta kəla ngámbá tə́ ō, ta kəla ɓəlo tə́ jī de kə́ Ejiptə gə̄ tə́ ō kɔ̄ɔ́. M-ā m-ə́ndádə́ kə tɔ́gə́ḿ ń yá̰á̰ kə́ dum̄ tan gətóó ní kadə̄ a ɓōlə́n̄ ō, m-ā m̄-taāsí jīdə́ tə́ yā kəya̰sí dɔɔ́ ō.

1 MBAN̄G GƏ̄ 8:42

tɔdɔ̄ rīí a ɓār̄ ngá̰ý adə̄ de gə̄ a oōn̄ ō, a oōn̄ najə̄ yā jīí kə́ kə tɔ́gɔ́ ń ə́la kə̄ dɔɔ́ ní ō, ré tə̄rā ní reē tūr̄ kumən sɔɔ̄ kújə́ ń toō ndɔ̄yīneé anī,

NEHEMI 9:22

Ḭ̄ ə́la ɓē ko̰o̰ ō, gír de gə̄ ō, kem jīdə́ tə́. Nin̄ táān̄ dɔ nang kə́ kadə dɔ nang yādə́ tə́, adə̄ i dɔ nang yā Sihon mban̄g kə́ Hesəbon ō, dɔ nang yā Og mban̄g kə́ Basan ō.

DANIEL 2:38

Loo kə́ rá nəkɔ́ ń de gə̄ ō dā̰ gə̄ ō yel̄ gə̄ ō ndin̄ tū tə́ ní ni-əla dɔdə́ gír tɔ́gə yāí tə́. Nin̄ malang ní ni əndāī dɔdə́ tə́. Adə̄ dɔn kə́ rāā kə lɔ́rɔ́ ní i ḭ̄.

DANIEL 4:14

Yá̰á̰ ní a rāā yá̰a̰ i kə ta kūl̄ yá̰á̰ kə́ yā ndang kadə̄ yā rāā yā de kə́ dɔ rā̰ tə́ gēé, yā kadə̄ ngé ndi kə kumdə́ gə̄ malang ger̄nə̄n̄neé kadə̄ Nə́ɓā kə́ dɔɔ́ sa̰y ngá̰ý aw̄ kə tɔ́gə dɔ ko̰o̰ ɓē yā deē ndul gə̄ tə́. I deē ń kemən ndigə kadə̄n ko̰o̰ ɓē ní n ni a adə̄n ko̰o̰ ɓē ní. Deē ń tél kə rɔ̄neé kə̄ nang tə́ tɔȳ yā de gə̄ malang ní gə̄gē, ni asə kɔsən kə̄ dɔɔ́ yā kəndān dɔ ɓē tə́.

DANIEL 4:22

A təbānī kɔ̄ɔ́ dan de gə̄ tə́. Ā ī-ndi i dan dā̰ kə́ bembeé gə̄ tə́. Ā ə́sa i mu tītə̄ yā man̄g gə̄ ō, tal a əhɔ dɔí tə́ ō. Ā ī-ndi i tītə̄ ń noō bátə́ ɓāl̄ sīrí. ré gír ɓāl̄ kə́ sīrí gə̄ gān̄g anī, ā ī-ger̄ kadə̄ Nə́ɓā kə́ dɔɔ́ sa̰y ngá̰ý aw̄ kə tɔ́gə dɔ ɓē ko̰o̰ yā deē ndul gə̄ tə́ ō, ni i nge kadə̄ deē ń kemən ndigə ní ko̰o̰ ɓē ō.