JEREMI 27:3 - Bibəl ta Sar̄

³ ā ə́lań yā kadə̄ mban̄g kə́ Edom ō, kə́ Moab ō, mban̄g yā Amon gə̄ ō, mban̄g kə́ Tir ō, kə́ Sidon ō. Ā ādə̄ i ngé kɔsə kum gotə ɓē ko̰o̰ gə̄ ń ugə̄n̄ Jerusalem rɔ̄ Sedekias, mban̄g kə́ Juda tə́ ní n kadə̄ aw̄n̄neé adə̄n̄ mban̄g gə̄ ní.

Bible sar

³ ā ə́lań yā kadə̄ mban̄g kə́ Edom ō, kə́ Moab ō, mban̄g yā Amon gə̄ ō, mban̄g kə́ Tir ō, kə́ Sidon ō. Ā ādə̄ i ngé kɔsə kum gotə ɓē ko̰o̰ gə̄ ń ugə̄n̄ Jerusalem rɔ̄ Sedekias, mban̄g kə́ Juda tə́ ní n kadə̄ aw̄n̄neé adə̄n̄ mban̄g gə̄ ní.

JEREMI 27:3 Referans Kwoze

AMOS 1:9

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Penisi gə̄ kə́ Tir dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Ndūdə́ gə̄ ń ənīn̄ adə̄n̄ naā á ɓoodə́ naā tə́ kə Israel tītə̄ kə́ nin̄ i ngákó̰o̰ naā gə̄ beé ní, nin̄ ɓōlə́n̄ gidə alé. Tɔdɔ̄ nin̄ ɔyn̄ de kə́ kem ɓēé gə̄ kə taá malang aw̄ əlan̄də́ jī Edom gə̄ tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

EJEKIEL 29:18

Ḭ̄ ngōn̄ deē, ōō! Nabukodonosor, mban̄g kə́ Babilon ra kə ngé rɔ̄ɔ̄ yān gēé adə̄ rāān̄ kəla ngan̄g ngá̰ý gə̄ yā rɔ̄ɔń Tir. Nənga dɔ áskar yān gə̄ ɔr̄ kɔ̄ɔ́ malang ō, əngen̄ do dɔ bɔ̄gə̄də́ gə̄ tə́ ō. Ɓá tā ba yá̰á̰ ń mban̄g nin̄ kə ngé rɔ̄ɔ̄ yān gēé loo rɔ̄ɔ̄ ɓē kə́ Tir tə́ ní, nin̄ əngen̄ yá̰á̰ kógə̄ḿ gírí jī ɓē kə́ Tir tə́ alé.

2 YÁ̰A̰ GƏ̄ 36:13

Mban̄g Nabukodonosor ń ni ənī míndən adə̄n kə rī Nə́ɓāá ní ni mbātə́ kadə̄ ndi dɔn tə́ ō. Ni rāā dɔ ngan̄g, mbātə́ tél kə̄ rɔ̄ Kɔ́ɔ̄ɓē Nə́ɓā yā Israel tə́.

IJAI 23:4

Ḭ̄ ɓē kə́ Sidon, ḭ̄ ń i loo ɓɔ̄ɔ̄ rɔ̄ yā bā bo ní, ādə̄ rɔ̄í sɔlī. Tām̄ bā bo ɔr̄ najə̄ i beé: m̄-ndigə kadə̄ rɔ̄ḿ gə̄ tōr̄mə̄n̄ aĺ ō, m̄-ndigə kojə ngán gə̄ aĺ ō. m̄-ndigə kətō ngáń kə́ dəngam gə̄ aĺ ō, m̄-ndigə ngɔ̄m̄ ngáń kə́ dəyá̰ gə̄ kadə̄ tɔgən̄ aĺ ō.

JEREMI 27:4

Ā ə̄ndā najə̄ ń toō tadə́ tə́ kadə̄ ədan̄ kɔ́ɔ̄də́ gə̄: Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ɔ̄r̄ najə̄ i tītə̄ ń toō beé: Yá̰á̰ ń kadə̄ ə́daī kɔ́ɔ̄sí gə̄ ní n toó:

JEREMI 27:12

Ba Sedekias, mban̄g kə́ Juda tə́ tā anī, m-ɔ̄r̄ najə̄ seneé tītə̄ ń toō m-ə́dan na: Ə̄nīī njúkə yā mban̄g kə́ Babilon tə́ míndə́sí tə́, ī-rāāī kəla ādə̄niī ni ō, gír deē yān gə̄ ō, anī ā ī-ndiī kə kumsí.

JEREMI 28:1

Kem ɓāl̄ gə̄ ń Sedekias mban̄g kə́ Juda tə́ o̰o̰ń ɓē tə́ ní, kə nāā kə́ nge ko̰ mí yā ɓāl̄ kə́ nge ko̰ sɔ́ anī, Hanania nge koō ta kə́ ngōn̄ Ajur ń i de kə́ Gabaon ní, ɔr̄ najə̄ seḿ kem kújə yā Kɔ́ɔ̄ɓē tə́, ta kum ngé tun̄ yá̰a̰ gə̄ tə́ ō, Juda gə̄ tə́ malang ō ədam̄ na: