JEREMI 27:15 - Bibəl ta Sar̄

¹⁵ M-ə́ládə́ aĺ ō, najə̄ gə̄ ń a ɔrə̄n̄ kə́ ngé koō ta gə̄ tə́ kə rīḿ ní i najə̄ kə́ rɔ̄kum aĺ ō. Adə̄ i tām̄ ń toō tə́ ń sḭḭ̄ ō, ngé koō ta yāsí gə̄ ō ní, m-ā m̄-tə̄ndā yā tḭ̄ḭ̄sí ō, ā oyiī ō ní.

Bible sar

¹⁵ M-ə́ládə́ aĺ ō, najə̄ gə̄ ń a ɔrə̄n̄ kə́ *ngé koō ta gə̄ tə́ kə rīḿ ní i najə̄ kə́ rɔ̄kum aĺ ō. Adə̄ i tām̄ ń toō tə́ ń sḭḭ̄ ō, *ngé koō ta yāsí gə̄ ō ní, m-ā m̄-tə̄ndā yā tḭ̄ḭ̄sí ō, ā oyiī ō ní.

JEREMI 27:15 Referans Kwoze

JEREMI 27:10

I najə̄ kə́ rɔ̄kum alé n ngé koō ta gə̄ ń noō ədan̄sí kadə̄ ə́ya̰īneé dɔ nang yāsí kɔ̄ɔ́ ní. Kə́ rɔ̄kum tə́ ní, m-ā m̄-tə̄ndā yā tḭ̄ḭ̄sí ō, ā óyiī ō.

2 YÁ̰A̰ GƏ̄ 25:16

Dan ń a əda Amasia najə̄ ń noō ɓáý anī Amasia dəjen na ké əndānən̄ nge kadə̄ mban̄g kɔjə̄ wa. Ré gḛy kadə̄ əndanən̄ aĺ ɓáa kə lōō kaw̄ kə najə̄ ní kə̄ kété. Nge koō ta aw̄ kə najə̄ ní kə̄ kété to̰ alé banī əda na: Mā m̄-ger̄ kadə̄ Nə́ɓā gḛy rāā kadə̄ óy kɔ̄ɔ́ tām̄ ḭ̄ ī-rāā yá̰á̰ ń noō ō, ōō najə̄ yāḿ aĺ ō.

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

MATIYE 24:24

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō a ḭḭn̄, ba a rāān̄ yá̰á̰ kə́ yáā kə́ bo ngá̰ý gə̄ ō, yá̰á̰ kə́ to kɔr kum gə̄ ō yā góləń de gə̄. Adə̄ nə́ngētə́ asə i naā tə́ anī a gólə̄n̄ ngé gə̄ ń Nə́ɓā gə̄rādə́ ní gə̄gē.

MATIYE 15:14

Ní, ə́ya̰īdə́ na nin̄ i ngé kum tɔ̄ɔ̄ gə̄ kə́ ngé ndɔ́r̄ madə̄də́ gə̄ ta kāgə̄! Ba ré de kə́ kum tɔ̄ɔ̄ ndɔ́r̄ nge kum tɔ̄ɔ̄ madə̄n ta kāgə̄ anī, nin̄ a əsōn̄ bəloó jōó mbak.

JEREMI 29:9

Nin̄ unən̄ rīḿ ɔrə̄n̄neé najə̄ sesí kə́ ngé koō ta gə̄ tə́, ba i najə̄ kə́ rɔ̄kum alé, tɔdɔ̄ m-ə́ládə́ alé. Najə̄ ń Kɔ́ɔ̄ɓē əda ní n noó.

JEREMI 23:21

M-ə́lá ngé koō ta gə̄ ń noō alé, banī unən̄ ngɔ̄də̄ aw̄n̄. M-ɔ̄r̄ najə̄ sedə́ alé, ba oōn̄ najə̄ ədan̄.

JEREMI 23:15

Anī Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ kə́ dɔ ngé koō ta gə̄ tə́ əda na: M-ā m-ādə̄də́ man̄ ngəra kāgə̄ kə́ katə̄ kárárá ō, man̄ kə́ yḛl kum ō, kadə̄ a̰ȳn̄, tɔdɔ̄ i ngé koō ta kə́ Jerusalem tə́ gə̄ n ndóōn̄ ɓē kə taá malang loo kim̄ Nə́ɓā ní.

JEREMI 20:6

Banī ḭ̄ Pasəhur ō, de gə̄ malang ń ndin̄ kem kújə yāí tə́ ō ní, a əhɔn̄sí yā kaw̄ sesí dɔ ɓē kə́ rang tə́. Ā āw̄ yā kugə̄ Babilon ō, ā óy i noō ō. A dubə̄nī ḭ̄ ō, madí gə̄ malang ń ī-gól̄də́ kə najə̄ kɔrīí kə́ loo nge koō ta kə́ rɔ̄kum aĺ tə́ ní ō i loo ń noō tə́.

JEREMI 23:25

M-ōō najə̄ kə́ sor̄ gə̄ ń ngé koō ta gə̄ ədan̄ kə rīḿ na: Nī rāām̄, nī rāām̄ ní.

JEREMI 29:8

Kə́ rɔ̄kum tə́ ní, Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé: Ādī ngé koō ta gə̄ ń i dɔ dáńsí tə́ ní ō, kɔdə̄ sāā yāsí gə̄ ō gólə̄n̄sí alé. Ə̄ndāī kumsí gír nī gə̄ ń a rāān̄sí ní tə́ alé.

JEREMI 14:14

Kɔ́ɔ̄ɓē ədam̄ na: Najə̄ ń ngé koō ta gə̄ ədan̄ kə rīḿ ní, i najə̄ kə́ rɔ̄kum alé. M-ə́ládə́ aĺ ō, m̄-dəjedə́ yá̰á̰ kógə̄ḿ aĺ ō, m-ɔ̄r̄ najə̄ sedə́ aĺ ō. Yá̰a̰ gə̄ ń a̰ā̰n̄ ní, i yá̰á̰ kə́ rɔ̄kum aĺ gə̄ ō, najə̄ gə̄ ń ədan̄ na n oōn̄ na i taḿ mā tə́ ní, i gír̄ yādə́ nin̄ kɔ́ gə̄ ō.

JEREMI 38:22

Dəyá̰ gə̄ malang ń na̰yn̄ kem kújə yā mban̄g kə́ Juda tə́ ɓáý ní, aw̄n̄ sedə́ kum kə̄ rɔ̄ de kə́ bo gə̄ yā mban̄g kə́ Babilon tə́. Dəyá̰ gə̄ ní ədan̄ na: Madə̄ taí kə́ ngá̰ý gə̄ kɔ́lnī ba o̰o̰n̄ ɓē dɔí tə́. Dan ń njaí dubə̄ bɔrɔɔ́ anī, nin̄ ɔrə̄n̄ rɔ̄də́ kɔ̄ɔ́.