JEREMI 27:14 - Bibəl ta Sar̄

¹⁴ Ī-lōōī koō najə̄ yā ngé koō ta gə̄ ń ədan̄sí na; Rɔ̄kum ā ī-rāāī kəla yā kadə̄ mban̄g kə́ Babilon tə́ aĺ bátə́. Ní, nin̄ ədasí i najə̄ kə́ rɔ̄kum alé.

Bible sar

¹⁴ Ī-lōōī koō najə̄ yā *ngé koō ta gə̄ ń ədan̄sí na; Rɔ̄kum ā ī-rāāī kəla yā kadə̄ mban̄g kə́ Babilon tə́ aĺ bátə́. Ní, nin̄ ədasí i najə̄ kə́ rɔ̄kum alé.

JEREMI 27:14 Referans Kwoze

JEREMI 14:14

Kɔ́ɔ̄ɓē ədam̄ na: Najə̄ ń ngé koō ta gə̄ ədan̄ kə rīḿ ní, i najə̄ kə́ rɔ̄kum alé. M-ə́ládə́ aĺ ō, m̄-dəjedə́ yá̰á̰ kógə̄ḿ aĺ ō, m-ɔ̄r̄ najə̄ sedə́ aĺ ō. Yá̰a̰ gə̄ ń a̰ā̰n̄ ní, i yá̰á̰ kə́ rɔ̄kum aĺ gə̄ ō, najə̄ gə̄ ń ədan̄ na n oōn̄ na i taḿ mā tə́ ní, i gír̄ yādə́ nin̄ kɔ́ gə̄ ō.

JEREMI 23:21

M-ə́lá ngé koō ta gə̄ ń noō alé, banī unən̄ ngɔ̄də̄ aw̄n̄. M-ɔ̄r̄ najə̄ sedə́ alé, ba oōn̄ najə̄ ədan̄.

1 JA̰A̰ 4:1

Kó tár yāḿ gə̄, ī-taāī kem ndíl gə̄ malang alé, banī ī-nāāī ndíl gə̄ á̰a̰ī ké ḭḭn̄ i rɔ̄ Nə́ɓā tə́ wa. Tɔdɔ̄ ngé koō ta kə́ rɔ̄kum aĺ gə̄ teēn̄ ngá̰ý kə̄ loo gə̄ tə́ dɔ nang tə́.

PILIPƏ 3:2

Ə̄ndāī kum kedə̄ dɔ rɔ̄sí tə́ najə̄ yā ngé rāā kəla kə́ majaĺ gə̄ tə́, bísə gə̄ ń noō ń nin̄ i ngé kəja mɔtə kə́ rɔ̄kum aĺ gə̄ ní!

MATIYE 7:15

Ī-ngɔ̄mī rɔ̄sí tām̄ yā ngé koō ta kə́ rɔ̄kum aĺ gə̄ tə́. A reēn̄ kə̄ rɔ̄sí tə́ a gidədə́ i gidə batə̄ gə̄, ba kemdə́ i kem soó gə̄ kə́ a nārə̄n̄ yá̰a̰ kul̄ gə̄.

MISE 2:11

Tá de kə́rēý gə̄ ɔrə̄n̄ najə̄ kə́ sor̄ gə̄, ədan̄ na: Ā ā̰yī kasə nduú ō, kasə kə́ ngan̄g ō. Tá ngé kɔr̄ najə̄ wa gə̄ ngeé ń toō ədan̄ ɓáý to̰ na: Israel gə̄ ń teēn̄ ta yo tə́ ní, Nə́ɓā a ɔsə njadə́ kə̄ naā tə́.

JEREMI 28:15

Tā anī, Jeremi əda Hanania na: Hanania ī-nēl̄ mbīí ōōń. Kɔ́ɔ̄ɓē əlaī alé. I ḭ̄ n ā ī-rāā kadə̄ gír de gə̄ ń toō gólə̄n̄ rɔ̄də́ kə najə̄ kə́ rɔ̄kum aĺ gə̄ ní.

JEREMI 23:25

M-ōō najə̄ kə́ sor̄ gə̄ ń ngé koō ta gə̄ ədan̄ kə rīḿ na: Nī rāām̄, nī rāām̄ ní.

JEREMI 37:19

Ngé koō ta yāsí gə̄ ń ədan̄sí na mban̄g kə́ Babilon na a reē yā kənīsí rɔ̄ɔ̄ aĺ ō, kənī ɓē ń toō rɔ̄ɔ̄ aĺ ō ní, nin̄ i rá?

JEREMI 38:22

Dəyá̰ gə̄ malang ń na̰yn̄ kem kújə yā mban̄g kə́ Juda tə́ ɓáý ní, aw̄n̄ sedə́ kum kə̄ rɔ̄ de kə́ bo gə̄ yā mban̄g kə́ Babilon tə́. Dəyá̰ gə̄ ní ədan̄ na: Madə̄ taí kə́ ngá̰ý gə̄ kɔ́lnī ba o̰o̰n̄ ɓē dɔí tə́. Dan ń njaí dubə̄ bɔrɔɔ́ anī, nin̄ ɔrə̄n̄ rɔ̄də́ kɔ̄ɔ́.

NŌŌ RƆ̄ 2:14

Ngé koō ta yāí gə̄ a̰a̰n̄ yá̰á̰ kə́ kanjə̄ kumən gə̄ ō, kə́ rɔ̄kum aĺ gə̄ ō tām̄ yāí tə́. Nin̄ ɔjən̄ yá̰á̰ kə́ gōtə́ aĺ yāí kə̄ ndágá wáńg alé, yā kadə̄ yá̰á̰ ń a reē kə̄ dɔí tə́ ní kə rāāī gáŕ. Yá̰a̰ gə̄ ń nin̄ a̰ā̰n̄ ba ədanī ní i yá̰á̰ kə́ kanjə̄ kumən gə̄ ō, i gól̄ loo ō.

JAKARI 10:2

Nə́ɓā kə́ rɔ̄kum aĺ gə̄, a ədan̄ i najə̄ kə́ rɔ̄kum aĺ gə̄ ō, kɔdə̄ sāā gə̄, a a̰a̰n̄ i yá̰á̰ kə́ rɔ̄kum aĺ gə̄ ō. Nī gə̄ ń nin̄ a ənīn̄ gotə ní, i nī kə́ kanjə̄ kumən gə̄ ō, nin̄ a sɔlə̄n̄ kem deē i kə nélé ō. I tām̄ najə̄ ń noō tə́ n ngán Israel gə̄ aw̄n̄ tītə̄ ɓūtə̄ yá̰a̰ kul̄ gə̄ kə́ kumdə́ tō ndoō beé ní, tɔdɔ̄ nge kul̄də́ gətóo.