JEREMI 27:11 - Bibəl ta Sar̄

¹¹ Banī nápar de gə̄ ń ndigən̄ kənī njúkə yā mban̄g kə́ Babilon tə́, míndə́də́ tə́ ō rāā kəla kadə̄n ō ní, m-ā m-ə́yá̰də́ kadə̄ ndin̄ jəke dɔ nang yādə́ tə́, a ndɔrə̄n̄ dɔ nang ō, a ndin̄ tū tə́ ō. Najə̄ ń Kɔ́ɔ̄ɓē əda ní n noó.

Bible sar

¹¹ Banī nápar de gə̄ ń ndigən̄ kənī njúkə yā mban̄g kə́ Babilon tə́, míndə́də́ tə́ ō rāā kəla kadə̄n ō ní, m-ā m-ə́yá̰də́ kadə̄ ndin̄ jəke dɔ nang yādə́ tə́, a ndɔrə̄n̄ dɔ nang ō, a ndin̄ tū tə́ ō. Najə̄ ń Kɔ́ɔ̄ɓē əda ní n noó.

JEREMI 27:11 Referans Kwoze

JEREMI 27:8

Nápar de gə̄ ō, ɓē ko̰o̰ ō ń mbātə́n̄ rāā kəla kadə̄ Nabukodonosor, mban̄g kə́ Babilon tə́ ō, mbātə́n̄ kənī njúkə yān míndə́də́ tə́ ō ní, m-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāā kadə̄ nəkɔ́ tɔ̄l̄də́ kə jīneé malang kɔ̄ɔ́. Najə̄ ń Kɔ́ɔ̄ɓē əda ní n noó.

JEREMI 27:2

Mā Kɔ́ɔ̄ɓē m-ɔ̄r̄ najə̄ i tītə̄ ń toō beé: Ī-səre kəlā gə̄ ō, ī-tɔ́ĺ sáa kāgə̄ gə̄ njúkə́ tə́ ō. Ā ə̄nī njúkə́ ní míndí ḭ̄kɔ́ tə́ ō,

JEREMI 21:9

Deē ń a ndi kem ɓē ń toō tə́ ní a oy yo kaskar ō, yo ɓō ō, yo mo̰y ngāl̄bɔ̄gīí ō. Banī deē ń a teē yā kaw̄ nam̄ Kalde gə̄ ń gīrə̄n̄ gidəsí ní a ndi kə kumneé ō, a rāā rɔ̄nel̄ teē ń teē ta yo tə́ ní ō.

JEREMI 38:2

Najə̄ ń Kɔ́ɔ̄ɓē əda ní n toó Deē ń a ndi kem ɓē ń toō tə́ ní, a oy yo kaskar ō, yo ɓō ō, yo mo̰y ngāl̄bɔ̄gīí ō. Deē ń a teē yā kaw̄ nam̄ Kalde gə̄ anī, a ndi kə kumneé ō, a rāā rɔ̄nel̄ teē ń ni teē ta yo tə́ ní ō. Rɔ̄kum ni a ndi kə kumneé.

JEREMI 27:12

Ba Sedekias, mban̄g kə́ Juda tə́ tā anī, m-ɔ̄r̄ najə̄ seneé tītə̄ ń toō m-ə́dan na: Ə̄nīī njúkə yā mban̄g kə́ Babilon tə́ míndə́sí tə́, ī-rāāī kəla ādə̄niī ni ō, gír deē yān gə̄ ō, anī ā ī-ndiī kə kumsí.

EJEKIEL 28:25

Najə̄ ń Kɔ́ɔ̄ɓē Nə́ɓā ɔr̄ ní n toó: Ngán Israel gə̄ ń m̄-tə̄ndā m̄-tḭ̄ḭ̄də́ dan gír de gə̄ tə́ ní, m-ā m-ɔ́sə njadə́ kə̄ naā tə́. I tītə̄ ń noō n m-ā m-ɔ́jəń gotə nápar de gə̄ kadə̄ mā i Nə́ɓā kə́ táĺ ní. Ngán Israel gə̄ a ndin̄ dɔ nang yādə́ tə́, dɔ nang ń m-ādə̄ nge kəla yāḿ Jakob ní.