JEREMI 26:19 - Bibəl ta Sar̄

¹⁹ Ní, Ejekias mban̄g kə́ Juda tə́ ō, gír deē yān gə̄ malang ō tɔ̄lə̄n̄ Mise a? Ní, de gə̄ ɓōlə́n̄ ndíĺ Kɔ́ɔ̄ɓē sɔlə̄n̄neé kemən aĺ a? I loo ń noō tə́ n Kɔ́ɔ̄ɓē lōō gíŕ yá̰á̰ kə́ to kum kaȳ aĺ ń əda kadə̄ rāādə́ ní tə́. Ba jḭḭ̄ ɓáa jə-sāāī i yá̰á̰ kə́ majə aĺ kə̄ dɔjí tə́.

Bible sar

¹⁹ Ní, Ejekias mban̄g kə́ Juda tə́ ō, gír deē yān gə̄ malang ō tɔ̄lə̄n̄ Mise a? Ní, de gə̄ ɓōlə́n̄ ndíĺ Kɔ́ɔ̄ɓē sɔlə̄n̄neé kemən aĺ a? I loo ń noō tə́ n Kɔ́ɔ̄ɓē lōō gíŕ yá̰á̰ kə́ to kum kaȳ aĺ ń əda kadə̄ rāādə́ ní tə́. Ba jḭḭ̄ ɓáa jə-sāāī i yá̰á̰ kə́ majə aĺ kə̄ dɔjí tə́.

JEREMI 26:19 Referans Kwoze

2 SAMUEL 24:16

De kə́ dɔ rā̰ tə́ əla jīn kə̄ dɔ ɓē kə́ Jerusalem tə́ yā nujəń kɔ̄ɔ́ anī Kɔ́ɔ̄ɓē lōō gír nujə loo tə́ ba ədan na: Asə beé, ī-tetə jīí kə̄ nang tə́. Nge kəla ní ra i kadə loo kənda kōō gémē yā Arona kə́ Yebus tə́.

Teē Ngán Israel gə̄ 32:14

Dan ń Kɔ́ɔ̄ɓē oō beé anī, lōō gír yá̰á̰ ń əda na n-a n-rāā kə gír deē yān gēé ní tə́ kɔ̄ɔ́.

KƏLA RĀĀ 5:39

Banī ré i yá̰a̰ yā Nə́ɓā anī, sḭḭ̄ ā ásiī nujəń alé. Ī-lōōī tél ngé rɔ̄ɔ̄ kə Nə́ɓāá gə̄! Ngé sarya gə̄ ndigən̄ najə̄ gō Gamaliyel tə́,

IJAI 37:4

Mban̄g kə́ Asiri əla ngol áskar yān gə̄ kə́ dɔ madə̄ gə̄ tə́ adə̄ reē tájə̄ Nə́ɓā kə́ ndi kə kumneé. Nə́ngētə́ Kɔ́ɔ̄ɓē Nə́ɓā yāí asə i koō ndū ń ni tájə̄ ní ō, asə i kəndan tām̄ najə̄ kɔrə̄n tə́ ō anī! Ḭ̄ Ijai, ɔ̄r̄ najə̄ kə Kɔ́ɔ̄ɓēé tām̄ yā de gə̄ kə́ dan gír deē yān gə̄ tə́ ń ndin̄ kə kumdə́ ní.

IJAI 37:1

Dan ń mban̄g Ejekias oō najə̄ ní anī, rə́yā̰ kūbə̄ kə́ rɔ̄n tə́ ō, əla kūbə̄ kəhɔ ndoō rɔ̄n tə́ ō, ba aw̄ kem kújə yā Kɔ́ɔ̄ɓē tə́.

JEJU TEĒ KUM JA̰A̰ 16:6

Dan ń nin̄-ɓōkə́n̄ mósə deē yāí gə̄ ō, mósə́ ngé koō ta yāí gə̄ ō nang tə́ ní, i gō tə́ kadə̄ ādə̄də́ mósə kadə̄ a̰ȳn̄.

MATIYE 23:35

Yā kadə̄ mósə de kə́ súmūú gə̄ ń a̰ȳ nang tə́ laā ní əsō dɔsí tə́ malang. Əla gír dɔ mósə Abel ń ni i de kə́ súmūú tə́, bátə́ ugə̄ń dɔ mósə Jakari kə́ ngōn̄ Barasi ń ī-tɔ̄l̄niī dɔ dán loo tun̄ yá̰á̰ tə́ kə loo kə́ táĺ ní tə́.

HABAKUK 2:10

Yá̰a̰ gə̄ ń sḭḭ̄ ī-númī rāā ní a əla rɔ̄sɔl̄ dɔ ngéésí gə̄ tə́. Dan ń sḭḭ̄ ī-nujiī gír de kə́ ngá̰ý gə̄ kɔ̄ɔ́ ní, ī-nujiī i kə rɔ̄sí sḭḭ̄ kɔ́ gɔ̄ɔ́.

JEREMI 44:7

Ngɔlaā ní Kɔ́ɔ̄ɓē Nə́ɓā kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beē: I tām̄ rí tə́ á sḭḭ̄ kɔ́ gə̄ ī-rāāī rɔ̄sí yá̰á̰ kə́ tōr̄ kum kə̄ kété kété, bátə́ adə̄ dəngam gə̄ ō, dəyá̰ gə̄ ō, ngáń kə́ dūú gə̄ ō, ngáń kásə̄ gə̄ ō, a oyn̄ yā təgā Juda tə́ kanjə̄ kadə̄ gotə de gə̄ sḛ́ý ndin̄ kə kumdə́ ní.

JEREMI 26:15

Banī ōōī majə. Ré ī-tɔ̄l̄mī anī, najə̄ yā de kə́ najə̄ gətóo dɔn tə́ a əsō dɔsí sḭḭ̄ kɔ́ gə̄ tə́ ō, dɔ ɓē ń toō tə́ ō, dɔ de gə̄ ń ndin̄ kemeé tə́ ní ō, tɔdɔ̄ kə́ rɔ̄kum tə́ ní, i Kɔ́ɔ̄ɓē n əlam̄ kəda najə̄ gə̄ malang ń toō tə́ kadə̄ ōōī ní.

JEREMI 26:3

Majanī a oōn̄ ō, náā nəkɔ́ ɓáa a əya̰ gō róbə njə̄rān kə́ gōtə́ aĺ ō, adə̄ m-ā m-ásə lōō gíŕ yá̰á̰ kə́ to kum kaȳ aĺ ń m̄-sāā rāā sedə́ najə̄ yā kəla rāādə́ kə́ gōtə́ aĺ gə̄ tə́ ní.

IJAI 26:21

Kɔ́ɔ̄ɓē a teē i mbée kɔ̄ɔ́ kem kújə yān tə́ kə̄ ndágá. Ni a ənda de kə́ dɔ nang tə́ gə̄ tām̄ yá̰a̰ rāādə́ kə́ gōtə́ aĺ gə̄ tə́. Dɔ nang a əya̰ mósə́ kə́ a̰ȳ nang tə́ yā kadə̄ de gə̄ a̰a̰n̄, de gə̄ ń tɔ̄lə̄n̄də́ ní, ni a ɓɔ̄ɔ̄də́ to̰ alé.

2 YÁ̰A̰ GƏ̄ 34:21

Āwī āw̄ ōōī ta Kɔ́ɔ̄ɓē tām̄ yāḿ tə́ ō, tām̄ yā gotə Israel gə̄ ń na̰yn̄ ní tə́ ō, Juda gə̄ tə́ ō, sɔɔ̄ń najə̄ gə̄ yā makətūbə̄ ń teēn̄ dɔ tə́ ní. Tɔdɔ̄ wōn̄g ń rāā Kɔ́ɔ̄ɓē sejí ní i wōn̄g kə́ ngá̰ý, tām̄ kaají gə̄ rāān̄ yá̰á̰ ń Kɔ́ɔ̄ɓē əda ní alé, tɔdɔ̄ rāān̄ yá̰a̰ malang ń i kə́ ndang kem makətūbə̄ ń toō tə́ ní alé.

2 YÁ̰A̰ GƏ̄ 32:20

Loo ń noō tə́ mban̄g Ejekias nin̄ kə Ijai nge koō ta kə́ ngōn̄ Amots ndɔ̄ȳn̄ tām̄ yā najə̄ ń noō tə́ ō, əgan̄ kɔŕ kə̄ dɔɔ́ dɔ rā̰ tə́ ō.

AMOS 7:3

Loo ń noō tə́ Kɔ́ɔ̄ɓē lōō gíŕ yá̰á̰ ń ni sāā rāā tə́ ní, adə̄ əda na: Yá̰á̰ ní a rāā yá̰a̰ alé.

JAKARI 7:2

De kə́ Betel gə̄ əlan̄ Sareser ō, Regem Melek ō, ngé kɔsə kum gotə kósə de gə̄ ō, kadə̄ aw̄n̄ kújə yā Kɔ́ɔ̄ɓē kə́ bo kə́ tɔ́gən i ngá̰ý tə́, kadə̄ dəjen̄ Nə́ɓā kadə̄ kə ɔjə kem majə yān kə̄ ndágá ō, kadə̄ dəjen̄ ngé tun̄ yá̰a̰ gə̄ ō, ngé koō ta gə̄ ō, najə̄ ń toō: Majə kadə̄ jə-nōō ngándáńg ō, jə-*ndi ɓō kem nāā kə́ nge ko̰ mí tə́ ō, tītə̄ ń j-a jə-rāań jóo gə̄ ní a?