JEREMI 26:16 - Bibəl ta Sar̄

¹⁶ De kə́ bo gə̄ ō, de gə̄ malang kə́ kem ɓēé ō ədan̄ ngé tun̄ yá̰a̰ gə̄ ō, ngé koō ta gə̄ ō na: J-adī deē ń toō oy alé, tɔdɔ̄ ni-ɔr̄ najə̄ sejí i kə rī Kɔ́ɔ̄ɓē Nə́ɓā yājí.

Bible sar

¹⁶ De kə́ bo gə̄ ō, de gə̄ malang kə́ kem ɓēé ō ədan̄ *ngé tun̄ yá̰a̰ gə̄ ō, *ngé koō ta gə̄ ō na: J-adī deē ń toō oy alé, tɔdɔ̄ ni-ɔr̄ najə̄ sejí i kə rī Kɔ́ɔ̄ɓē Nə́ɓā yājí.

JEREMI 26:16 Referans Kwoze

KƏLA RĀĀ 23:29

Ba m-á̰a̰ kadə̄ sekə́nən̄ i najə̄ yā yá̰a̰ gə̄ kə́ tū ndū najə̄ yādə́ tə́ kə́ nin̄ kɔ́ gə̄ a nējə̄n̄ naā najə̄ dɔ tə́ tə́. Ba yá̰á̰ kógə̄ḿ kə́ yā kadə̄ deē tɔ̄l̄nəń, aláa tṵ́ṵ̄nəń kə súĺ ní gətóo.

KƏLA RĀĀ 23:9

Loo ń noō tə́ najə̄ ɓār̄ sow. Ngé ngé ndóō de gə̄ ndū najə̄ kə́rēý gə̄ kə́ dām̄ yā Parijiyḛ gə̄ tə́ ḭḭ tṵ́ṵ̄n̄ rɔ̄ kə ngangāá ngá̰ý ədan̄ na: Jḭḭ j-a̰a̰ yá̰á̰ kógə̄ḿ kə́ majaĺ kə́ deē ń toō rāā alé. Ba ré i ndíl deē kógə̄ḿ, aláa i de kə́ dɔ rā̰ tə́ kógə̄ḿ n ɔr̄ najə̄ seneé ní a i náā n-ger̄?

KƏLA RĀĀ 25:25

Mā tā a m-á̰a̰ kadə̄ ni-rāā yá̰á̰ kógə̄ḿ kə́ asə kadə̄ oyń alé. Ba dan ń nəkɔ́ gḛy kaw̄ kə sarya yānneé rɔ̄ Sejar tə́ ní, m̄-ndigə kəla seneé rɔ̄n tə́.

JEREMI 36:25

Elnatan ō Delaya ō Gemariya ō rāān̄ mban̄g ɓɔ̄ɔ̄ kadə̄ róō ndāŕ ndang najə̄ kə́ ɓír̄ gidə naā tə́ ní aĺ gə̄gē ba ni oō najə̄ yādə́ alé.

JEREMI 36:19

De kə́ bo gə̄ ədan̄ Baruk na: Ḭ̄ ō, Jeremi ō, āw̄ ī-ɓɔ̄ɔ̄ī rɔ̄sí ādə̄ deē kógə̄ḿ gə̄gē a ger̄ loo ń sḭḭ̄ i tū tə́ ní alé.

Najə̄ kə́ Majə yā Jeju ń Luk ndang ní 23:47

Loo ń ngol áskar gə̄ a̰a̰ yá̰a̰ gə̄ ń toō beé ní, a ɔsə gɔn Nə́ɓā, əda na: Rɔ̄kum, deē ń toō i de kə́ súmūú!

Najə̄ kə́ Majə yā Jeju ń Luk ndang ní 23:41

Yājí jḭ̄ i gō tə́, tɔdɔ̄ rāān̄jí i yá̰á̰ kə́ asə gotə yājí gə̄ ń jə-rāā tə́ ní. Ba ni, ni-rāā yá̰á̰ kógə̄ḿ kə́ majaĺ sḛ́ý aĺ bátə́.

MATIYE 27:54

Ngol áskar gə̄ ō, áskar gə̄ ń ngɔ̄mə̄n̄ Jeju seneé ní ō, a̰a̰n̄ dɔ nang ń ndebə ní ō, yá̰a̰ ń rāā yá̰á̰ ní ō anī, ɓōlə́n̄ ngá̰ý ba ədan̄ na: Deē ń toō i Ngōn̄ Nə́ɓā rɔ̄kum!

JEREMI 26:11

Ngé tun̄ yá̰a̰ gə̄ ō, ngé koō ta gə̄ ō, ədan̄ de kə́ bo gə̄ ō, de gə̄ malang kə́ kem ɓēé ō na: Majə kadə̄ deē ń toō oy. Tɔdɔ̄ ni-ɔr̄ najə̄ dɔ yá̰a̰ gə̄ ń a rāān̄ ɓē ń toō tə́ ní adə̄ sḭḭ̄ kɔ́ gə̄ ōōī kə mbīsí.

Gōsə̄ najə̄ gə̄ 16:7

Dan ń hál deē nel̄ Kɔ́ɔ̄ɓē anī ni a rāā kadə̄ madə̄ ba̰ā̰n gə̄ gə̄gē tél aw̄n̄ naā tə́ seneé.

ESTER 4:14

Tɔdɔ̄ ré na ndi tan mbóo dan ń toō tə́ anī, a rāān̄ kə Jipə gēé kə ta róbə́ kə́ rangaá kadə̄ nin̄ a ajən̄. Banī ni na a oy, adə̄ ta gír kojə yān na a udə kɔ̄ɔ́. Tá i náā n ger̄? Majanī ni na tél nə̄yá̰ mban̄g i kadə̄ əndāń rɔ̄n ta yá̰á̰ kə́ beé gə̄ tə́.

JEREMI 34:10

Anī de kə́ bo gə̄ malang ō, de gə̄ malang ń ənīn̄ ndūdə́ kadə̄ n-əya̰n̄ ɓəlo yādə́ kə́ dəngam gə̄ aláa kə́ dəyá̰ gə̄ dɔɔ́ ō, kadə̄ n-əhɔn̄də́ ɓəloó gogə́ to̰ aĺ ō ní, rāān̄ yá̰á̰ ń ədan̄ ní. Nin̄ ran̄ dɔ ndūdə́ tə́ adə̄ əya̰n̄ ɓəlo yādə́ gə̄ dɔɔ́.

JEREMI 37:15

Wōn̄g rāā de kə́ bo gə̄ ní adə̄ əndan̄ Jeremi ō, əlanən̄ dəngáyá kem kújə yā Yonatan, nge ndang makətūbə̄ tə́ ō. Nin̄ rāān̄ kújə yān ní i kújə dəngáý tə́.

PĀ GƏ̄ 94:16

I náā n a ḭḭ yā mbātə́ najə̄ gō ngé kem ndul gə̄ ń noō tə́ yā rɔ̄ɔń dɔḿ tə́ ní? I náā n a ḭḭ yā kənī najə̄ gírə́ḿ tə́ yā rɔ̄ɔń kə ngé rāā majaĺ gə̄ ń noō ní?