JEREMI 25:9 - Bibəl ta Sar̄

⁹ m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

Bible sar

⁹ m-ā m-ə́la gō gír de kə́ mbɔ́r ɓē kə́ ko̰ó̰ tə́ gə̄ ō, m-ā m̄-ɓār̄ nge kəla yāḿ Nabukodonosor, mban̄g kə́ *Babilon tə́ ō, yā reē sedə́ kadə̄ rɔ̄ɔ̄n̄ ɓē ń toō ō, de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ ń ndin̄ kemeé ní ō, kadə̄ rɔ̄ɔ̄n̄ nápar de gə̄ malang ń gīrə̄n̄ gidə ní ō. M-ə̄ndādə́ dɔ jīḿ yā rāādə́ kadə̄ télən̄ ndágə loo kə́ to kum ko̰, kə́ de gə̄ a əgan̄ kɔŕ ɓōĺ dɔ tə́ ō, yá̰á̰ kə́ nujə sák sák kə́ njɔ́ḿ gə̄ tə́ ō.

JEREMI 25:9 Referans Kwoze

JEREMI 18:16

Nin̄ rāān̄ ɓē yādə́ adə̄ téĺ ndágə loo kə́ to kum ko̰ kə́ de gə̄ a əgan̄ kɔŕ ɓōĺ dɔ tə́. De gə̄ malang ń mānə̄n̄ loo ń noō tə́ ní ɔr̄ kumdə́ ō, tə́gān̄ dɔdə́ nek nek ō.

JEREMI 1:15

M-ā m̄-ɓāŕ gír kaa gə̄ malang yā ɓē ko̰o̰ gə̄ kə́ mbɔ́r ɓē kə́ ko̰ó̰ tə́. Najə̄ ń Kɔ́ɔ̄ɓē əda ní n noó. Nin̄ a reēn̄ yā tə́ndā kōr̄ kāgə̄ mban̄g yādə́ gə̄ ta róbə́ gə̄ kə́ yā kudə ń kə̄ Jerusalem tə́, ta ndogə̄ gə̄ kə́ kəndā kə mbalá adə̄ gīr̄ gidə tə́ ō, ta ɓē bo gə̄ kə́ Juda tə́ malang ō.

IJAI 13:3

Ngé gə̄ ń əndān̄də́ kə rī rāā kəla yāḿ ní, i mā n m-ə́dádə́ yá̰a̰ gə̄ ń kadə̄ rāān̄ ní. m̄-ɓāŕ áskar yāḿ kə́ ger̄ rɔ̄ɔ̄ majə gə̄, ngé gə̄ ń rāān̄ rɔ̄nel̄ tetə rɔ̄ɔ̄ yāḿ ní, yā bə̄gań wōn̄g yāḿ.

JEREMI 43:10

Gō tə́ anī ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m-ə́la gō nge kəla yāḿ Nabukodonosor mban̄g kə́ Babilon tə́, m-ā m-ə̄ndā kōr̄ kāgə̄ mbang yān dɔ mbal̄ gə̄ ń ī-dubə̄ tə́ ní ō, ni a udə təndā mban̄g yān dɔ tə́ dɔɔ́ ō.

JEREMI 24:9

M-ā m-ūtə̄ kumḿ njárárá, ba m-ā m̄-rāādə́ kadə̄ télən̄ yá̰á̰ kə́ to ɓōĺ tām̄ yā ɓē ko̰o̰ gə̄ malang kə́ dɔ nang tə́ tə́. A ənīn̄ pā sedə́ ō, a lurən̄də́ ō, a tájə̄n̄də́ ō, a ndɔ̄lə́n̄də́ ō, kə gō loo gə̄ malang ń m̄-tə̄ndā m̄-tḭ̄ḭ̄də́ tū tə́ tə́ ní.

IJAI 44:28

M-ɔ̄r̄ najə̄ yā Sirus m-ə́da na: Ni i nge kɔr no gír deē yāḿ gə̄. Ni a rāā kadə̄ yá̰a̰ malang ń m̄-ndigə ní teē majə. Ni a adə̄ ndūn kadə̄ tél rāān̄ ɓē kə́ Jerusalem gogə́, kadə̄ tél rāān̄ kújə́ yā Kɔ́ɔ̄ɓē gogə́.

IJAI 39:7

De gə̄ ń ḭ̄ ójə́də́ ní, a ɔyn̄ ngá̰ý gə̄ dandə́ tə́ yā kaw̄ sedə́ nú. A rāān̄də́ áji mbang gə̄ tə́, adə̄ nin̄ a rāān̄ kəla kem kújə ngol yā mban̄g kə́ Babilon tə́.

EJEKIEL 26:7

Yá̰á̰ ń mā Kɔ́ɔ̄ɓē Nə́ɓā m-ə́dá ɓáý to̰ ní n toó: Nabukodonosor, mban̄g kə́ Babilon ń i mban̄g kə́ bo tɔȳ madə̄n gə̄ ní, m-ā m̄-rāā kadə̄ ni a ḭḭ dām̄ mbɔ́r kə́ geleé tə́ yā reē rɔ̄ɔ̄ī ḭ̄ ɓē kə́ Tir. Ni a reē kə sə́nda gə̄ ō, kə púsə rɔ̄ɔ̄ gə̄ ō, kə ngé kal̄ sə́nda gə̄ ō, kə ngé rɔ̄ɔ̄ kə́ ngá̰ý gə̄ ō.

JEREMI 40:2

Ni-a̰a̰ gōn majə ba ədan na: I Kɔ́ɔ̄ɓē Nə́ɓā yāí n əda kadə̄ yá̰á̰ kə́ to kum kaȳ aĺ ń toō reē dɔ loo ń toō tə́ ní.

JEREMI 8:16

Kōō sə́nda yān gə̄ ɓār̄ kə̄ Dan nú. Dɔ nang kə taá malang ndebə dan ń oō kōō nōō sə́nda yān gə̄ ní. Nin̄ reē nujən̄ kə dɔ nangaá ō, kə yá̰á̰ kə́ kemeé gēé ō, kə ɓēé ō, kə de kə́ kemeé gēé ō.

JEREMI 6:1

Ngán Benjamḛ gə̄, ī-teēī kɔ̄ɔ́ Jerusalem ba ī-sāāī loo ɓɔ̄ɔ̄ rɔ̄ yāsí loo kə́ rang tə́. Ī-kɔ̄ríī tōw̄ Tekoa tə́. Ə́laī dərapóo kə̄ dɔɔ́ dɔ ɓē kə́ Bet Kerem tə́. Yá̰á̰ kə́ to kum kaȳ aĺ ḭḭ dām̄ mbɔ́r ɓē kə́ ko̰ó̰ tə́ a reēsí noó, ā ī-nujiī nujə kə́ to ɓōĺ ngá̰ý.

IJAI 10:5

Kɔ́ɔ̄ɓē əda na: I yá̰á̰ kə́ to kum kaȳ aĺ kə́ ba̰ý beē tām̄ yā Asiri tə́, ni ń wōn̄g rāām̄ anī m-únən m-ə́ndań ndéý ní! M-ā m-ɔ́jə wōn̄g ní i kāgə̄ ń ni-əhɔ jīn tə́ ní.

Gōsə̄ najə̄ gə̄ 21:1

Ngarā̰ kem mban̄g to i tītə̄ kə̄lá man̄ kə́ i jī Kɔ́ɔ̄ɓē n a ɔjən loo ń a nūgə́ kə̄ tū tə́ ní.

NDŪ NAJƏ̄ 28:37

Gír de gə̄ malang ń Kɔ́ɔ̄ɓē Nə́ɓā yāí a aw̄ seí ɓēé loodə́ ní a ɔr kumdə́ seí. A əgōnī ō, a lurnī ō.

2 YÁ̰A̰ GƏ̄ 29:8

Loo ń noō tə́ wōn̄g rāā Kɔ́ɔ̄ɓē kə ɓē kə́ Jerusalem ō, kə dɔ nang kə́ Juda ō. Yá̰á̰ ń ni-rāā sedə́ ní i yá̰á̰ kə́ to ndíl ka̰ȳ ō, kə́ to kɔr kum ō, kə́ to kadə̄ deē lurdə́ ō, tītə̄ ń sḭḭ̄ kɔ́ gə̄ á̰a̰īń kə kumsí ní.

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.

JEREMI 10:22

De gə̄ oōn̄ kōō yá̰á̰ kógə̄ḿ kə́ a reē kə̄ dɔdə́ tə́ ō, kə́ ḭḭ dām̄ mbɔ́r ɓē kə́ ko̰ó̰ tə́ ba yéȳ yá̰a̰ kə ngangāá ngá̰ý ō. A reē yā rāā ɓē kə́ Juda tə́ kadə̄ tél loo kə́ to kum ko̰ ō, kadə̄ telən̄ loo ra tal̄ gə̄ ō.

JEREMI 20:4

Tɔdɔ̄ najə̄ ń Kɔ́ɔ̄ɓē əda ní n toó: Á̰a̰ā̰, m-ā m-ādə̄ yá̰á̰ kə́ to ɓōĺ ngá̰ý a əsō dɔí īkɔ́ tə́ ō, madí gə̄ tə́ ō. Madə̄ ba̰ā̰də́ gə̄ a tɔ̄lə̄n̄də́ kə kaskaraá kadə̄ ā á̰a̰ā̰ kə kumií. M-ā m-ə́la de kə́ Juda tə́ gə̄ jī mban̄g kə́ Babilon tə́. A əhɔdə́ dɔ gúú tə́ yā kaw̄ sedə́ Babilon ō, a tɔ̄l̄də́ kə kaskaraá ō.

JEREMI 25:8

Anī najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Sḭḭ̄ ōōī najə̄ yāḿ gə̄ aĺ kɔ̄ɔ́ ɓáá ní,

JEREMI 29:18

M-ā m̄-tə̄ɓā gōdə́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāādə́ kadə̄ a télən̄ yá̰á̰ kə́ to ɓōĺ kə́ ɓē ko̰o̰ gə̄ malang kə́ dɔ nang tə́ a ndɔ̄lə́n̄ naā i kə rīneé ō, yá̰á̰ kə́ to kum ko̰o̰ kə́ de gə̄ a əgan̄ kɔŕ ɓōĺ dɔ tə́ ō, a tájə̄n̄ ō, kem ɓē yā nápar de gə̄ ń m̄-tə̄ndā m̄-tḭ̄ḭ̄də́ tū tə́ ní.

JEREMI 36:2

Ún ndāŕ ndang najə̄ kógə̄ḿ kə́ ɓír̄ gidə naā tə́ ba ī-ndang najə̄ gə̄ malang ń m-ə́daī sɔɔ̄ dɔ Israel ō, Juda ō, nápar de gə̄ ō ní tū tə́. Əla gír dɔ ndɔ̄ ń m-ɔ̄rəń najə̄ seí ɓāl̄ yā Josias tə́ ní bátə́ ɓōólaā.

JEREMI 36:29

Ā ə́da Joakim, mban̄g kə́ Juda na najə̄ ń mā Kɔ́ɔ̄ɓē m-ə́dá ní n toó: Ī-róō ndāŕ ndang najə̄ kə́ ɓír̄ gidə naā tə́ ń toō ō, ī-gákə̄m̄ ə́da na ké i tām̄ rí tə́ á m̄-ndang najə̄ kemeé m-ə́da na mban̄g kə́ Babilon tə́ na a reē yā nujə kə ɓē ń toō gáŕ ō, na a rāā kadə̄ de gə̄ ō, dā̰ gə̄ ō kə́ kemeé na a gətóon̄ kɔ̄ɔ́ ō ní wa?

EJEKIEL 12:20

De kə́ kem ɓēé gə̄ a gətóon̄ kɔ̄ɔ́ ō, ɓē a tél dəla loo ō. Loo ń noō tə́ ā ī-gerī kadə̄ Kɔ́ɔ̄ɓē i mā.

EJEKIEL 36:5

A̰á̰ā̰, mā Kɔ́ɔ̄ɓē Nə́ɓā, kem hor wōn̄g yāḿ kə́ ngá̰ý tə́ ní, m-ə́da kadə̄ i rɔ̄kum, m-ɔ̄r̄ najə̄ m̄-rɔ̄ɔń kə nápar de kə́ rang gə̄ ō, kə Edom kə taá malang ō. Nin̄ taān̄ ɓē yāḿ kə rɔ̄nel̄ kə́ ngá̰ý ō, kə kídə̄ loo kə́ ngá̰ý ō, yā kɔyń yá̰a̰ gə̄ kə́ kem loo gə̄ ń a aw̄n̄ kə yá̰a̰ kul̄ gēé ko̰ó̰ tū tə́ ní tə́.

DANIEL 5:18

Kété ní Nə́ɓā kə́ dɔɔ́ sa̰y ngá̰ý rāā adə̄ bɔbí Nabukodonosor ndi mban̄g kə́ bo ō, adə̄n kɔsə gɔn ō, hál de kə́ bo ō.

2 MBAN̄G 24:2

Loo ń noō tə́ Kɔ́ɔ̄ɓē əla ɓūtə̄ ngé ɓogə gə̄ kə́ dɔ nang kə́ Kalde tə́ ō, kə́ Aram tə́ ō, kə́ Moab gə̄ ō, kə́ Amon gə̄ gə̄ ō, dɔ Joakim tə́. Ni əladə́ kadə̄ nujə ɓē kə́ Juda sák sák tītə̄ ń Kɔ́ɔ̄ɓē əndāń ta ngé koō ta gə̄ kété adə̄ ədan̄ ní.

2 YÁ̰A̰ GƏ̄ 36:21

Najə̄ ń Kɔ́ɔ̄ɓē əndā ta Jeremi nge koō ta tə́ adə̄ əda ní rāā yá̰a̰ i tītə̄ ń noō. Jeremi əda kété na: A əya̰n̄ ɓē kɔ̄ɔ́ ɓāl̄ kutə sīrí kadə̄ dɔ nang ɔrə̄ń koō kum gotə ndɔ̄ sabat gə̄ ń ngán Israel gə̄ əndān̄ kumdə́ gírí aĺ ní tə́.

JEREMI 1:14

Kɔ́ɔ̄ɓē ədam̄ na: I dām̄ mbɔ́r ɓē kə́ ko̰ó̰ tə́ n yá̰á̰ kə́ to kum kaȳ aĺ a teē tū tə́ yā rāā de kə́ kem ɓēé gə̄ malang ní.

JEREMI 2:15

Ngán ɓɔl gə̄ do̰o̰nən̄ rɔ̄ɔ̄, nin̄ nōōn̄ kə kɔrɔ́. De gə̄ rāān̄ adə̄ ɓē yān nujə sák sák kɔ̄ɔ́. Əlan̄ hor dɔ ɓē bo yān gə̄ tə́, De gə̄ təgān̄ kɔ̄ɔ́ kem ɓē bo gə̄ ní tə́.

JEREMI 12:14

Najə̄ ń Kɔ́ɔ̄ɓē əda ní n toó: Madə̄ ɓēḿ gə̄ malang kə́ ngé kem ndul gə̄ ń əlan̄ jīdə́ ɔdən̄neé yá̰á̰ kənge ń m-ādə̄ Israel gír deē yāḿ gə̄ ní, m-ā m-ɔ̄r̄də́ kə ngəradə́ kɔ̄ɔ́ dɔ nang yādə́ tə́. M-ā m-ɔ̄r̄ de kə́ Juda tə́ gə̄ kə ngəradə́ kɔ̄ɔ́ ō dɔ dáńdə́ tə́.

JEREMI 35:11

I dan ń Nabukodonosor, mban̄g kə́ Babilon taāń ɓē tə́ ní n j-əda naā na: I só tə́ kadə̄ j-a̰yī ɓūtə̄ ngé rɔ̄ɔ̄ yā Kalde gə̄ ō, Aram gə̄ ō, ba j-awī Jerusalem. Gír ndijí Jerusalem n noó.

JEREMI 46:20

Ejiptə i mandə man̄g kə́ majə ngá̰ý, banī kón̄g mba gə̄ ḭḭn̄ dām̄ mbɔ́r ɓē kə́ ko̰ó̰ tə́ reē əhɔn̄ loo dɔn tə́.

JEREMI 49:19

Tītə̄ ń ɓɔl teēń kem ku kāgə̄ gə̄ kə́ dɔ gɔ́sə bā Jurdḛ tə́, ba aw̄ kumən sɔɔ̄ gong gə̄ kə́ yá̰a̰ kul̄ gə̄ i ngá̰ý kemeé tə́ ní, i tītə̄ ń noō n m-ā m̄-tə̄ɓāńdə́ kɔ̄ɔ́ gidə kógə̄ḿ tītə̄ kum kə́ kənda sapə beé, kadə̄ aw̄n̄ sa̰y kɔ̄ɔ́ rɔ̄n tə́ ní. M-ā m-ə́lá ngé rɔ̄ɔ̄ kə́ balsáa gə̄ kadə̄ aw̄n̄ láẃ rɔ̄n tə́. Tɔdɔ̄ i náā n to tītə̄ḿ mā ní? I náā n asə ɓārə́m̄ loo sarya tə́ ní? I nge kul̄ yá̰á̰ kə́ rá n a asə dum̄ taḿ mā ní?

EJEKIEL 16:40

Gō tə́ anī nin̄ a sə̄lān̄ kósə de gə̄ dɔí tə́ ō, a tə́nīīn̄ kə mbalá yā tə́nī tɔ̄lī ō, a tə́gāīn̄ kə kaskaraá yā tə́gā gángī naā tə́ ō,

EJEKIEL 21:11

Ba ḭ̄ ngōn̄ deē ń yá̰á̰ kə́ yā kadə̄ ə̄ndā kemií dɔ tə́ to̰ gətóo ō, wurií atī ō ní, ī-tó̰ō̰ rus rus ta kumdə́ tə́ malang.

HABAKUK 1:12

Nəkɔ́ ń jóo toó ní, i ḭ̄ n i Kɔ́ɔ̄ɓē ní. Ḭ̄ i Nə́ɓā yāḿ. Ḭ̄ i de kə́ Táĺ ō, ḭ̄ óy aĺ ō. Kɔ́ɔ̄ɓē, ḭ̄ ī-gə̄rā Babilon gə̄ yā rāań sarya sejí. Ḭ̄ i mbal̄ yāḿ kə́ ngan̄g. Ḭ̄ ī-mēr̄də́ kəndají, najə̄ yá̰a̰ rāājí kə́ gōtə́ aĺ tə́.

HABAKUK 1:17

Ndɔ̄ kógə̄ḿ nin̄ a lōōn̄ gír kəla ń nin̄ a rāān̄ kə réng yādə́ ní tə́ yā tɔ̄ləń nápar de gə̄ kanjə̄ ka̰a̰ kum tō ndoō yādə́ a?