JEREMI 25:6 - Bibəl ta Sar̄

⁶ Ī-ngɔ̄dī gō nə́ɓā kə́ rang gə̄ yā ndɔ̄ȳdə́ aĺ ō, ɔ́siī nosí nang tə́ nodə́ tə́ yā rɔȳdə́ aĺ ō, ādī wōn̄g rāām̄ gír kəla rāāsí gə̄ tə́ aĺ ō, anī m-ā m̄-rāā sesí yá̰á̰ kə́ majaĺ aĺ bátə́.

Bible sar

⁶ Ī-ngɔ̄dī gō nə́ɓā kə́ rang gə̄ yā ndɔ̄ȳdə́ aĺ ō, ɔ́siī nosí nang tə́ nodə́ tə́ yā rɔȳdə́ aĺ ō, ādī wōn̄g rāām̄ gír kəla rāāsí gə̄ tə́ aĺ ō, anī m-ā m̄-rāā sesí yá̰á̰ kə́ majaĺ aĺ bátə́.

JEREMI 25:6 Referans Kwoze

NDŪ NAJƏ̄ 8:19

Ré dɔsí ndígə̄nal dɔ Kɔ́ɔ̄ɓē Nə́ɓā yāsí tə́, adə̄ ə́laī dɔsí gír ɓesə̄ gə̄ tə́ ī-rāāī kəla ādīdə́ ō, ɔ́siī nosí nang tə́ nodə́ tə́ ō anī, m-ə́dásí kə́ ngáā tə́ ɓōólaā m-ādə̄ ōōī, ā ī-gətóoī kɔ̄ɔ́ malang.

JEREMI 35:15

m̄-to dan kəla ngé kəla yāḿ gə̄ ń i ngé koō ta gə̄ ní kə̄ rɔ̄sí tə́ kadə̄ ədan̄sí na: Sḭḭ̄ kógə̄ḿ kógə̄ḿ malang ní ī-tūrī háĺsí kə́ majaĺ gə̄ rɔ̄kum, ī-tūrī yá̰a̰ rāāsí gə̄ ō, ī-lōōī ngɔ̄də̄ gō nə́ɓā kə́ rang gə̄ yā ndɔ̄ȳdə́ ō. Anī ā ī-ndiī dɔ nang ń m-ādə̄ kaasí gə̄ ō, madə̄sí sḭḭ̄ ō ní tə́. Banī sḭḭ̄ ī-nēlī mbīsí ōōīneé najə̄ yāḿ alé.

JEREMI 7:6

ī-rāāī kum nge nam̄ ɓē ō, ngōn̄ hal ō, nge ngaa koy ō ndoō tə́ alé. Ī-ɓōkíī mósə́ kə́ kanjə̄ najə̄ dɔn tə́ nang tə́ loo ń toō tə́ alé, ī-ngɔ̄dī gō nə́ɓā kə́ rang gə̄ alé na sōgə́ yá̰á̰ kə́ to kum kaȳ aĺ əsō dɔsí tə́.

2 MBAN̄G 17:35

Kɔ́ɔ̄ɓē əhɔ madə̄ naā kə ngán Jakob gēé ba ədadə́ na kə rāān̄ ɓesə̄ gə̄ aĺ ō, kə ɔsən̄ nodə́ nang tə́ nodə́ tə́ aĺ ō, kə rāān̄ kəla kə adə̄n̄də́ aĺ ō, kə tunə̄n̄ yá̰a̰ kə adə̄n̄də́ aĺ ō.

NDŪ NAJƏ̄ 6:14

Ā ə́laī dɔsí gír ɓesə̄ gə̄ yā gír de kə́ rang gə̄ ń ndin̄ gīrə̄n̄ gidəsí tə́ ní alé.

JEREMI 7:9

Ní kə sḭḭ̄ ī-ɓogiī ō, ī-tɔ̄lī de gə̄ ō, ī-rāāī rāȳ ō, ī-túbī dɔ najə̄ kə́ rɔ̄kum aĺ tə́ ō, ī-róōī yá̰a̰ ndejə̄ gə̄ ādī Baal ō, ī-ngɔ̄dī gō nə́ɓā kə́ rang gə̄ kə́ ī-gerīdə́ aĺ tə́ ō,

1 MBAN̄G GƏ̄ 14:22

Juda gə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́. Nin̄ rāān̄ yá̰á̰ kə́ majaĺ gə̄ adə̄n̄neé Kɔ́ɔ̄ɓē wōn̄g tɔȳ yā kaadə́ gə̄ ɓáý.

JOJUE 24:20

Ré ā ə́ya̰ī Kɔ́ɔ̄ɓē kɔ̄ɔ́ yā rāań kəla kadə̄ nə́ɓā kə́ mbā gə̄ anī, ni a tūr̄ rɔ̄n kə̄ rɔ̄sí tə́ yā rāāsí majaĺ. Ni ń kété rāā majə sesí ní, a tél yā rāā kadə̄ ī-gətóoī kɔ̄ɔ́ malang.

NDŪ NAJƏ̄ 28:14

Ni a rāā majə seí tɔdɔ̄ ī-tɔ̄ɔ̄ geleé aĺ ō, ko̰ó̰ aĺ ō, dɔ róbə gə̄ malang ń m-ɔ́jə́sí ɓōólaā tə́ ní ō, ī-ndɔ̄ȳ ɓesə̄ gə̄ ń i nə́ɓā kə́ rang gə̄ ní aĺ ō.

NDŪ NAJƏ̄ 13:2

Majanī a dansí tə́ ní nge koō ta, aláa de kə́ nī rāān, a ḭḭ yā kədasí najə̄ yá̰á̰ kógə̄ḿ kə́ to ɓōĺ ngá̰ý kə́ a rāā yā rāā yá̰a̰.

Teē Ngán Israel gə̄ 20:23

Ā ī-rāāmī i nə́ɓā kə́ rāā kə gində̄ arjā̰a̰á̰ tə́ aĺ ō, nə́ɓā kə́ rāā kə́ lɔ́rɔ́ tə́ aĺ ō. Ā ī-rāāī nə́ɓā gə̄ ń noō tām̄ yāsí tə́ alé.

Teē Ngán Israel gə̄ 20:3

Ā ī-ndɔ̄ȳ nə́ɓā kə́ rang alé, i mā ngóy n ā ī-ndɔ̄ȳm̄ ní.

JEREMI 44:8

Tɔdɔ̄ sḭḭ̄ ī-rāāī ādə̄ wōn̄g rāām̄ sɔɔ̄ń kəla rāāsí gə̄. Ī-róōī yá̰a̰ ndējə̄ gə̄ ādī nə́ɓā kə́ rang gə̄ kem ɓē kə́ Ejiptə ń ī-reē ī-ɓɔ̄ɔ̄ī rɔ̄sí kemeé tə́ ní, kadə̄ óyiīneé yā təgā kɔ̄ɔ́ ō, kadə̄ ī-téliīneé yá̰á̰ kə́ de gə̄ kídə̄n̄ ō, yá̰á̰ kə́ to rɔ̄sɔl̄ ō, dan nápar de gə̄ malang kə́ dɔ nang tə́ tə́.

OJEE 1:7

Banī m-ā m̄-tár de kə́ Juda gə̄ ngándáńg. Mā Kɔ́ɔ̄ɓē Nə́ɓā yādə́ m-ā m-ájə́də́, ba i kanjə̄ ga̰ gərā ō, kaskar ō, gotə yá̰a̰ rɔ̄ɔ̄ kə́ rang gə̄ ō, kanjə̄ sə́nda gə̄ ō, ngé kal̄ sə́nda gə̄ ō.

JEREMI 32:30

Rɔ̄kum, kə ngōn̄ dūúdə́ bátə́ ɓōólaā ní Israel gə̄ ō, Juda gə̄ ō, ton̄ i dan rāā yá̰á̰ kə́ nel̄ kemḿ aĺ tə́. Ngán Israel gə̄ rāān̄ kəla kadə̄m̄ wōn̄g sɔɔ̄ń kəla rāādə́ gə̄.

JEREMI 44:7

Ngɔlaā ní Kɔ́ɔ̄ɓē Nə́ɓā kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beē: I tām̄ rí tə́ á sḭḭ̄ kɔ́ gə̄ ī-rāāī rɔ̄sí yá̰á̰ kə́ tōr̄ kum kə̄ kété kété, bátə́ adə̄ dəngam gə̄ ō, dəyá̰ gə̄ ō, ngáń kə́ dūú gə̄ ō, ngáń kásə̄ gə̄ ō, a oyn̄ yā təgā Juda tə́ kanjə̄ kadə̄ gotə de gə̄ sḛ́ý ndin̄ kə kumdə́ ní.