JEREMI 25:4 - Bibəl ta Sar̄

⁴ Kɔ́ɔ̄ɓē əla ngé kəla yān gə̄ malang ń i ngé koō ta gə̄ ní rɔ̄sí tə́ kanjə̄ kɔr ta tə́, banī sḭḭ̄ ōōī najə̄ yādə́ aĺ ō, ī-nēlī mbīsí ōōīneé najə̄ kɔr̄də́ aĺ ō.

Bible sar

⁴ Kɔ́ɔ̄ɓē əla ngé kəla yān gə̄ malang ń i *ngé koō ta gə̄ ní rɔ̄sí tə́ kanjə̄ kɔr ta tə́, banī sḭḭ̄ ōōī najə̄ yādə́ aĺ ō, ī-nēlī mbīsí ōōīneé najə̄ kɔr̄də́ aĺ ō.

JEREMI 25:4 Referans Kwoze

JEREMI 25:3

Əla gír kem ɓāl̄ kə́ nge ko̰ kutə gidə i mətá ń Josias ngōn̄ Amon ndiń mban̄g dɔ ɓē kə́ Juda tə́ bátə́ ɓōólaā, adə̄ i kem ɓāl̄ kutə jōó gidə i mətá tə́ ní, Kɔ́ɔ̄ɓē ɔr̄ najə̄ seḿ ō, m̄-to dan kɔr̄ najə̄ sesí ō, banī sḭḭ̄ ōōī najə̄ ń m-ɔ̄r̄ ní alé.

JEREMI 26:5

ōōī najə̄ kə́ ta ngé kəla yāḿ gə̄ ń i ngé koō ta gə̄ á m-ə́ládə́ rɔ̄sí tə́ kə nja naā tə́ ní aĺ anī,

HEBƏRO 12:25

I beé ní, ī-ndāī kumsí gíŕ yá̰á̰ ń toō tə́ majə. Ī-lōōī mbātə́ koō najə̄ yā nge ń a ɔr̄ najə̄ sesí ní. Tɔdɔ̄ Moijə tāā ngán Israel gə̄ dɔ nang tə́ laā, ba nin̄-mbātə́n̄ koō najə̄ yān ní, ndéy ɔdədə́. Yājí jḭḭ̄ ɓáa, Nə́ɓā ndi i dɔ rā̰ tə́ n ɔrə̄ń najə̄ sejí ní. Ré jə-tūrī gidəjí tan tə́ anī, j-a j-əngeī ndéy kadə̄ tɔȳ loo ń noō aĺ a?

JEREMI 36:31

M-ā m̄-rāān ni ō, de kə́ gír kojə yān tə́ gə̄ ō, ngé kəla yān gə̄ ō, yá̰á̰ kə́ tōr̄ najə̄ yá̰á̰ kə́ gōtə́ aĺ gə̄ ń rāān̄ tə́ ní. M-ā m̄-rāā kadə̄ yá̰á̰ kə́ to kum kaȳ aĺ ngá̰ý gə̄ malang ń m-ɔ̄r̄ najə̄n sedə́ á oōn̄ aĺ ní a əsō dɔdə́ tə́ ō, dɔ de gə̄ ń ndin̄ ɓē Jerusalem tə́ ní, dɔ de kə́ Juda tə́ gə̄ ō.

JEREMI 32:33

nin̄ tūrə̄n̄ i gə́ra gōdə́ n adə̄mə̄n̄ ní ba i nɔtə nodə́ alé. m̄-ndóōdə́ yá̰a̰ kanjə̄ kɔr ta tə́ gə̄gē, ba nin̄ əndān̄ mbīdə́ gírí aĺ ō, ndigən̄ yá̰a̰ gə̄ ń m̄-ndóōdə́ ní aĺ ō.

JEREMI 29:19

Tɔdɔ̄ nin̄ oōn̄ najə̄ yāḿ alé. Nin̄ ń m̄-to dan kəla ngé kəla yāḿ gə̄ ń i ngé koō ta gə̄ rɔ̄də́ tə́ ní, oōn̄ najə̄ yāḿ alé. Najə̄ ń Kɔ́ɔ̄ɓē əda ní n noó.

JEREMI 22:21

M-ɔ̄r̄ najə̄ seí dan ń usiīneé dɔ yá̰a̰ tə́ aĺ ní. ba ī-tél ə́da na: m̄-gḛy koō ngōn̄ najə̄ sḛ́ý aĺ bátə́. I yá̰á̰ ń noō n ī-rāā kə ngōn̄ dūúí bátə́ ɓōólaā ní. Ḭ̄ ōō najə̄ yāḿ nja kógə̄ḿ alé.

JEREMI 19:15

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ ní əsōn̄ dɔ Jerusalem tə́ ō, dɔ ɓē gə̄ malang ń ni-o̰o̰ ɓē dɔ tə́ ní ō, tɔdɔ̄ nin̄ rāān̄ dɔ ngan̄g ō, mbātə́n̄ koō najə̄ yāḿ gə̄ ō.

JEREMI 18:12

Banī nin̄ ədan̄ na: Yá̰á̰ kə́ yā rāā to̰ gətóo. Jḭḭ, j-a j-un i gō yá̰á̰ ń jə-gír̄ yā rāā ní ō, náā nəkɔ́ ɓáa a rāā dɔ ngan̄g kə́ al̄ naā kə̄ non tə́ ō.

JEREMI 17:23

Nin̄ oōn̄ najə̄ yāḿ alé ō, nēlə̄n̄ mbīdə́ alé ō. Ba rāān̄ dɔ ngan̄g adə̄ mbātə́n̄ koō yá̰a̰ gə̄ ń m-ɔ́jə́də́ ní ō, mbātə́n̄ kun dɔdə́ tə́ ō.

JEREMI 16:12

Sḭḭ̄ tā anī ī-rāāī yá̰a̰ majaĺ tɔȳ yā kaasí gə̄ ɓáý. Náā nəkɔ́ ɓáa rāā dɔ ngan̄g kə́ dum̄ kəda ta tə́ kə̄ non tə́ ba ōōī najə̄ yāḿ alé.

JEREMI 25:7

Banī ōōī najə̄ kɔrə̄ḿ alé. Ī-tél ī-nujiī kemḿ kə kəla rāāsí gə̄ ə̄nīīneé yá̰á̰ kə́ to kum kaȳ aĺ kə̄ dɔsí tə́. Najə̄ ń Kɔ́ɔ̄ɓē əda ní n noó.

2 YÁ̰A̰ GƏ̄ 33:10

Kɔ́ɔ̄ɓē ɔr̄ najə̄ kə mban̄g Manase ō, kə gír deē yān gə̄ ō, banī de kə́ əndā kumən gírí gətóo.

JEREMI 6:17

m̄-ɓāŕ ngé ngɔ̄m̄ loo gə̄ kadə̄ əndān̄ kumdə́ gíŕsí tə́. Ī-nēlī mbīsí majə ōōneé kōō tōw̄. Ba nin̄ ədan̄ na: J-a jə-nēl̄ mbījí alé.

2 YÁ̰A̰ GƏ̄ 24:19

Gō tə́ anī Kɔ́ɔ̄ɓē əla ngé koō ta yān gə̄ kadə̄ tél reēn̄ sedə́ gogə́ rɔ̄n tə́, banī deē oō najə̄ yādə́ alé.

JAKARI 1:4

Ī-lōōī ndájə̄ kaasí gə̄. Kété ní, m-ə̄ndā ɓār̄ yāḿ ta ngé koō ta gə̄ tə́ adə̄ ɓārə́n̄də́, ədan̄ na: Ī-lōōī gíŕ háĺsí kə́ majaĺ tə́ ō, gíŕ yá̰a̰ rāāsí gə̄ kə́ majaĺ tə́ ō. Banī nin̄ oōn̄ najə̄ yāḿ aĺ ō, usədə́ dɔḿ tə́ aĺ ō.