JEREMI 25:38 - Bibəl ta Sar̄

³⁸ De gə̄ ɔtən̄ aw̄n̄ tītə̄ ń ɓɔl a əya̰ń loo ton ní beē. Wōn̄g kə́ ngá̰ý yā Kɔ́ɔ̄ɓē ō, kaskar yān kə́ kumən o̰o̰n aĺ ō, rāān̄ ɓē yādə́ adə̄ téĺ ndágə loo kə́ to kum ko̰.

Bible sar

³⁸ De gə̄ ɔtən̄ aw̄n̄ tītə̄ ń ɓɔl a əya̰ń loo ton ní beē. Wōn̄g kə́ ngá̰ý yā Kɔ́ɔ̄ɓē ō, kaskar yān kə́ kumən o̰o̰n aĺ ō, rāān̄ ɓē yādə́ adə̄ téĺ ndágə loo kə́ to kum ko̰.

JEREMI 25:38 Referans Kwoze

JEREMI 4:7

Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.

OJEE 5:14

Tɔdɔ̄ i mā Kɔ́ɔ̄ɓē n m-ə̄nī Epəraim rɔ̄ɔ̄ tītə̄ ɓɔl beé ní ō, m̄-rɔ̄ɔ̄ Juda tītə̄ balsáa ɓɔl beé ní ō. I mā n m-ā m̄-rə́yā̰sí naā tə́ ní. Gō tə́ anī, m-ā m-úńsí yā kaw̄ sesí tītə̄ batə̄ beé ō, de kə́ yā taāsí jīḿ tə́ a gətóo ō.

JEREMI 5:6

I tām̄ ń toō tə́ n ɓɔl kə́ kem ku kāgə̄ gə̄ tə́ a əhɔdə́ ō, soó kə́ kem kə̄sā gə̄ tə́ a rə́yā̰də́ naā tə́ ō ní. Kagə gə̄ a tə́nīn̄ rɔ̄də́ yā gīr̄ gidə ɓē gə̄ ō, a rə́yā̰n̄ de gə̄ ń a teēn̄ kemeé ní naā tə́ kɔ̄ɔ́ ō. tɔdɔ̄ mbātə́ najə̄ yādə́ al̄ naā ngá̰ý ō, túy taā kem yādə́ to kə̄ ndágá ngá̰ý ō.

JAKARI 2:3

Gō tə́ anī, Kɔ́ɔ̄ɓē ɔjəm̄ kɔdə̄ gə̄ sɔ́ adə̄ m-á̰á̰də́.

AMOS 8:8

I tām̄ najə̄ ń toō tə́ n dɔ nang a ndew ní. De kə́ kem ɓēé gə̄ malang a əhɔn̄ ndoō. Tītə̄ bā Nil kə́ Ejiptə kə́ rosə kem kārə̄n ba rə̄ɓā kə̄ ndágá ní, nin̄ malang a ḭḭn̄, ba gō tə́ anī, a əsōn̄.

OJEE 11:10

De gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, njə̄rān̄ kumdə́ kə̄ kété, nin̄ unən̄ gō Kɔ́ɔ̄ɓē, kə́ nge nōō tītə̄ ɓɔl beé. Dan ń ngánən kə́ no ɓē tə́ gə̄ oōn̄ nōōn anī, reēn̄ kə rɔ̄ ndebeé.

JEREMI 50:44

Tɔdɔ̄ i náā n to tītə̄ḿ mā ní? Tītə̄ ɓɔl kə́ al̄ bup teē dɔ gɔ́sə bā Jurdḛ tə́ yā kaw̄ kum kə̄ loo kə́ man̄ ra tū tə́ tə́ beē. M-ā m̄-rāā kadə̄ de gə̄ a̰ȳn̄ naā kɔ̄ɔ́ Babilon tə́ gidə kógə̄ḿ, m-ā m̄-bə̄gā ngé rɔ̄ɔ̄ kə́ balsáa gə̄ dɔn tə́. I nge kul̄ yá̰á̰ kə́ rá n a asə dum̄ taḿ mā ní?

JEREMI 49:19

Tītə̄ ń ɓɔl teēń kem ku kāgə̄ gə̄ kə́ dɔ gɔ́sə bā Jurdḛ tə́, ba aw̄ kumən sɔɔ̄ gong gə̄ kə́ yá̰a̰ kul̄ gə̄ i ngá̰ý kemeé tə́ ní, i tītə̄ ń noō n m-ā m̄-tə̄ɓāńdə́ kɔ̄ɔ́ gidə kógə̄ḿ tītə̄ kum kə́ kənda sapə beé, kadə̄ aw̄n̄ sa̰y kɔ̄ɔ́ rɔ̄n tə́ ní. M-ā m-ə́lá ngé rɔ̄ɔ̄ kə́ balsáa gə̄ kadə̄ aw̄n̄ láẃ rɔ̄n tə́. Tɔdɔ̄ i náā n to tītə̄ḿ mā ní? I náā n asə ɓārə́m̄ loo sarya tə́ ní? I nge kul̄ yá̰á̰ kə́ rá n a asə dum̄ taḿ mā ní?

PĀ GƏ̄ 76:2

Nə́ɓā rāā adə̄ ger̄nən̄ dɔ nang kə́ Juda tə́, rīn ɓār̄ ngá̰ý dɔ nang kə́ Israel tə́.

JEREMI 12:13

De gə̄ dubə̄n̄ gémē, ba əjan̄ i kōn̄ ngar̄. De gə̄ rāān̄ kəla ɔrən̄, ba yá̰á̰ kə́ teēdə́ yá̰á̰ tə́ gətóó bátə́. Ādə̄ rɔ̄sí sɔl̄sí tām̄ kɔr kə́ to kə̄ dɔsí tə́. I wōn̄g kə́ ngá̰ý yā Kɔ́ɔ̄ɓē n rāā yá̰á̰ ní.

JEREMI 25:30

Ba ḭ̄ ā ə́dádə́ najə̄ gə̄ malang ń m-ɔ̄r̄ seí ní, ā ə́dádə́ na: Kɔ́ɔ̄ɓē ndán̄g rɔ̄n kə̄ dɔ rā̰ tə́, ndūn ɓār̄ kə̄ kem kújə yān kə́ táĺ tə́. Ni ndán̄g rɔ̄n dɔ ɓē yān tə́. Ni ur kɔĺ dɔ de gə̄ malang ń ndin̄ dɔ nang tə́ ní, tītə̄ yā ngé mbə̄sā kan̄ kāgə̄ nduú kə njadə́ beē.

JEREMI 50:16

Nge dubə̄ kōō ō, ngé kəja kōō kə ngorongoó gə̄ dan yā sāā kōō gə̄ tə́ ō ní, ɔ̄rīdə́ kɔ̄ɔ́. Āyī naā kógə̄ḿ kógə̄ḿ ta kaskar kə́ kumən o̰o̰n aĺ tə́ kə̄ dan gír deē yāsí gə̄ tə́ ō, ādə̄ náā nəkɔ́ a̰ȳ kum kə̄ ɓē yān tə́.

JEREMI 12:10

Kósə ngé kul̄ yá̰a̰ gə̄ nujən̄ kə ndɔr̄ kāgə̄ nduú yāḿ sák sák kɔ̄ɔ́ ō, tə́ɓān̄ ndɔr̄ yāḿ njadə́ tə́ ō, rāān̄ ndɔr̄ ngeé ń toō ń majə ngá̰ý ní adə̄ tél dəla loo kə́ to kum ko̰ ō.

JEREMI 25:11

Ɓē ń noō kə taá malang a tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, nápar de gə̄ ń noō a rāān̄ kəla adə̄n̄ mban̄g kə́ Babilon kem ɓāl̄ kutə sīrí.