JEREMI 25:37 - Bibəl ta Sar̄

³⁷ Gɔng gə̄ ń yá̰a̰ kul̄ gə̄ rosə ní tél ton̄ kúkúkú dan ń wōn̄g yā Kɔ́ɔ̄ɓē ḭḭ seneé kə ngangá ngá̰ý ní.

Bible sar

³⁷ Gɔng gə̄ ń yá̰a̰ kul̄ gə̄ rosə ní tél ton̄ kúkúkú dan ń wōn̄g yā Kɔ́ɔ̄ɓē ḭḭ seneé kə ngangá ngá̰ý ní.

JEREMI 25:37 Referans Kwoze

IJAI 32:14

Əya̰n̄ kújə ndi mban̄g gə̄ kɔ̄ɔ́, ɓē ń ká̰a̰ de gə̄ ɓār̄ gijə gijə kemeé ní, deē kógə̄ḿ gē gətóo kemeé. Opel ō, kújə ngɔ̄m̄ ɓē kə́ ngāl̄ ɓururu ō ń i kem ɓē kə́ Jerusalem tə́ ní, télən̄ i dɔ nang gə̄ kə́ əya̰n̄də́ kɔ̄ɔ́ kə́ njɔ́ḿ gə̄ tə́. Kərō kə́ bembeé gə̄ əngen̄ rɔ̄nel̄ yādə́ i loo ń noō tə́ ō, ɓūtə̄ yá̰a̰ kul̄ gə̄ a əsan̄ mu i loo ń noō tə́ ō.

HEBƏRO 12:29

Tɔdɔ̄ Nə́ɓā yājí i hor kə́ a o̰o̰ yá̰a̰.

PĀ GƏ̄ 97:1

Kɔ́ɔ̄ɓē i mban̄g. Ādə̄ dɔ nang tḭ́ḭ̄ bal walya, ādə̄ de gə̄ malang ń ndin̄ ta kaw̄ nú ní rāān̄ rɔ̄nel̄!

IJAI 66:15

Tām̄ á̰a̰ī Kɔ́ɔ̄ɓē n toó: Ni a reē i kum hor tə́, púsə rɔ̄ɔ̄ yān gə̄ ton̄ tītə̄ nél man̄ kə́ əla kə ngangá ngá̰ý beē. Ni-reē i kɔjə wōn̄g yān kə́ to ɓōĺ ngá̰ý tə́ ō, i kəla ɓōló kem de gə̄ tə́ tə́ kə ta ndo̰ hor gēé ō.

JEREMI 5:17

Əsan̄ kōō yāí ō, mápa yāí ō. Nin̄ əsan̄ ngání kə́ dəngam gə̄ ō kə́ dəyá̰ gə̄ ō. Əsan̄ yá̰a̰ kul̄ yāí kə́ dūú ō, kə́ bo ō. Əsan̄ kan̄ kāgə̄ nduú yāí ō, kan̄ kāgə̄ kótə̄ yāí ō. Nin̄ reēn̄ kə kaskaraá nujən̄neé ɓē yāí kə́ ngan̄g gə̄ ń ī-ndi kemeé kanjə̄ sōl̄ yá̰á̰ kógə̄ḿ ní.

JEREMI 12:13

De gə̄ dubə̄n̄ gémē, ba əjan̄ i kōn̄ ngar̄. De gə̄ rāān̄ kəla ɔrən̄, ba yá̰á̰ kə́ teēdə́ yá̰á̰ tə́ gətóó bátə́. Ādə̄ rɔ̄sí sɔl̄sí tām̄ kɔr kə́ to kə̄ dɔsí tə́. I wōn̄g kə́ ngá̰ý yā Kɔ́ɔ̄ɓē n rāā yá̰á̰ ní.

JEREMI 13:20

Ún kumií kə̄ dɔɔ́ ba á̰a̰ loo: I nin̄ n ḭḭn̄ mbɔ́r ɓē kə́ ko̰ó̰ tə́ a reēn̄ toó. Gír de gə̄ ń ɓɔ̄ɔ̄īn̄ ní i rá? Ɓūtə̄ yá̰a̰ kul̄ yāí kə́ majə ngá̰ý gə̄ ní i rá?

JEREMI 25:36

De gə̄ a oōn̄ kōō kɔŕ kə́ ngé kul̄ yá̰a̰ gə̄ əgan̄ ō, kōō kɔ́ɔ̄ yá̰a̰ kul̄ gə̄ kə́ a nōōn̄ naā ō. Kɔ́ɔ̄ɓē a nujə kə loo kəsa yá̰a̰ yādə́ sák sák kɔ̄ɔ́.

JEREMI 12:10

Kósə ngé kul̄ yá̰a̰ gə̄ nujən̄ kə ndɔr̄ kāgə̄ nduú yāḿ sák sák kɔ̄ɔ́ ō, tə́ɓān̄ ndɔr̄ yāḿ njadə́ tə́ ō, rāān̄ ndɔr̄ ngeé ń toō ń majə ngá̰ý ní adə̄ tél dəla loo kə́ to kum ko̰ ō.