JEREMI 25:32 - Bibəl ta Sar̄

³² Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Yá̰á̰ kə́ to kum kaȳ aĺ ɔr̄ gō gír de gə̄ tə́ kə gō naá. Néĺ kə́ bo ngá̰ý əla ta ngóy dɔ nang gə̄ tə́.

Bible sar

³² Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Yá̰á̰ kə́ to kum kaȳ aĺ ɔr̄ gō gír de gə̄ tə́ kə gō naá. Néĺ kə́ bo ngá̰ý əla ta ngóy dɔ nang gə̄ tə́.

JEREMI 25:32 Referans Kwoze

JEREMI 23:19

Á̰a̰ī nél ń əla kə tɔ́gɔ́ noō i wōn̄g yā Kɔ́ɔ̄ɓē kə́ ngá̰ý n ḭḭ seneé ní. Nél balway əla kə ngangá ngá̰ý kum kə̄ dɔ de gə̄ ń najə̄ i dɔdə́ tə́ ní.

IJAI 34:2

Wōn̄g rāā Kɔ́ɔ̄ɓē kə nápar de gə̄ malang, wōn̄g rāān kə ɓūtə̄ yādə́ malang. Ni gḛy nujə sedə́ kɔ̄ɔ́ malang. Ni-aw̄ sedə́ loo tɔ̄l̄də́ tə́.

2 YÁ̰A̰ GƏ̄ 15:6

Nápar de gə̄ a rɔ̄ɔ̄n̄ i naā ō, ɓē gə̄ a rɔ̄ɔ̄n̄ i naā ō, tɔdɔ̄ Nə́ɓā yéȳdə́ kə wur kɔl kə́ tayā tayā gə̄ kə́ əsōn̄ dɔ ɓē tə́.

JEREMI 30:23

Á̰a̰ī néĺ ń əla kə tɔ́gɔ́ noō. I wōn̄g yā Kɔ́ɔ̄ɓē n ḭḭ seneé ní. Nél balway əla kə ngangá ngá̰ý kum kə̄ dɔ de gə̄ ń najə̄ i dɔdə́ tə́ ní.

IJAI 30:30

Kɔ́ɔ̄ɓē a rāā kadə̄ de gə̄ a oōn̄ ndūn kə́ to ɓōĺ ngá̰ý ō, ni a rāā kadə̄ de gə̄ a a̰a̰n̄ tɔ́gə jīn ō. Ni a ɔjə wōn̄g yān kə́ ngá̰ý kə̄ ndágá dan ndo̰ hor kə́ a o̰o̰ tə́ ō, a dān̄ gō kə nél man̄ kə́ əla kə ngangá ngá̰ý ō, kə man̄ kə́ edə kə kɔ̄sɔ̄ɔ́ ō.

Najə̄ kə́ Majə yā Jeju ń Luk ndang ní 21:25

Yá̰á̰ kə́ yáā gə̄ ō, kə́ yā kɔjəń dɔ yá̰a̰ gə̄ ń a reēn̄ ní ō, a teēn̄ kum mbang tə́ ō, kum nāā tə́ ō, kum tə́yō̰ gə̄ tə́ ō. Adə̄ dɔ nang tə́ ní, kem gíŕ nápar de gə̄ a tetə man̄ ō, a sōlə̄n̄ kekəre tām̄ yā kōō bā bo kə́ a ɓār̄ tə́ ō, tām̄ yā bəngál bā bo tə́ ō.

Najə̄ kə́ Majə yā Jeju ń Luk ndang ní 21:10

Gō tə́ anī ədadə́ na: Nápar de gə̄ a ḭḭn̄ yā rɔ̄ɔ̄ nápar de kə́ rang gə̄ ō, gíŕ ɓē ko̰o̰ gə̄ a ḭḭn̄ yā rɔ̄ɔ̄ ɓē ko̰o̰ kə́ rang gə̄ ō.

SOPONI 3:8

Kɔ́ɔ̄ɓē əda wáńg kə̄ ndágá na: I beé ní, ī-ngóōī ndɔ̄ ń kadə̄ m̄-reēń yā kəndā najə̄ dɔsí tə́ ní! m̄-gḛy kɔsə dɔ gotə nápar de kə́ rang gə̄ kə̄ naā tə́, m̄-gḛy kɔsə dɔ ɓē ko̰o̰ gə̄ kə̄ naā tə́, yā kadə̄ m̄-bə̄gań wōn̄g yāḿ kə́ ngá̰ý dɔdə́ tə́. A̰á̰ā̰, hor wōn̄g yāḿ a o̰o̰ dɔ nang kə taá malang.

IJAI 66:18

Kɔ́ɔ̄ɓē əda na: m̄-ger̄ yá̰a̰ rāādə́ ō, gír̄ yādə́ ō. m̄-reē i kɔsə dɔ nápar de gə̄ malang kə́ ta kɔr̄də́ i tayā tayā tə́ kə̄ naā tə́. Nin̄ a reēn̄ ō, a a̰a̰n̄ kɔsə go̰n yāḿ ō.

IJAI 5:28

Kum gərā yādə́ gə̄ i kə́ tadə́ atə limbēȳ limbēȳ, ga̰ gərā yādə́ gə̄ i kə́ kɔr gō malang. Hḛ̄l̄ nja sə́nda yādə́ gə̄ i kə́ ngan̄g tītə̄ mbal̄ beé ō, nja púsə́ sə́nda yādə́ gə̄ rə̄ngō tītə̄ nél man̄ kə́ əla kə ngangá ngá̰ý beē ō.

JEREMI 6:22

Najə̄ ń Kɔ́ɔ̄ɓē əda ní n toó: Gír deē kógə̄ḿ gə̄ ḭḭn̄ mbɔ́r ɓē kə́ ko̰ó̰ tə́ a reēn̄ noó, nápar de kə́ ngá̰ý gə̄ ḭḭn̄ ta ngóy dɔ nang tə́ a reēn̄ noó.

JEREMI 6:23

Nin̄ əlan̄ ga̰ gərā ō, nənga ō kum kə̄ dɔɔ́. Kumdə́ o̰o̰də́ aĺ ō, a̰a̰n̄ kum to ndoō yā deē aĺ ō. Kōōdə́ ɓār̄ tītə̄ kōō bā bo beé. Ngōmandə kə́ Siyo̰, nin̄ ndin̄ dɔ sə́nda gə̄ tə́, ba ran̄ kə ta naá tītə̄ ɓūtə̄ ngé rɔ̄ɔ̄ gə̄ kə́ aw̄n̄ kə̄ kənīí rɔ̄ɔ̄ tə́ beé.