JEREMI 25:31 - Bibəl ta Sar̄

³¹ Kōn ɓār̄ bátə́ ugə̄ ta ngóy dɔ nang tə́, tɔdɔ̄ Kɔ́ɔ̄ɓē nējə̄n̄ naā najə̄ tə́ kə nápar de gēé, ni-rāā sarya kə de gēé kógə̄ḿ kógə̄ḿ. Əya̰ de gə̄ ń najə̄ i dɔdə́ tə́ ní adə̄ oyn̄ yo kaskar. Najə̄ ń Kɔ́ɔ̄ɓē əda ní n noó.

Bible sar

³¹ Kōn ɓār̄ bátə́ ugə̄ ta ngóy dɔ nang tə́, tɔdɔ̄ Kɔ́ɔ̄ɓē nējə̄n̄ naā najə̄ tə́ kə nápar de gēé, ni-rāā sarya kə de gēé kógə̄ḿ kógə̄ḿ. Əya̰ de gə̄ ń najə̄ i dɔdə́ tə́ ní adə̄ oyn̄ yo kaskar. Najə̄ ń Kɔ́ɔ̄ɓē əda ní n noó.

JEREMI 25:31 Referans Kwoze

OJEE 4:1

Kɔ́ɔ̄ɓē a rāā i sarya kə de kə́ kem ɓēé gēé. Sḭḭ̄ Israel gə̄, ōōī najə̄ ń ni-ɔr̄ ní: Laā ní deē ra dɔ ndūn tə́ to̰ aĺ ō, deē rāā majə to̰ aĺ ō. De kə́ kem ɓēé ń toō tə́ gə̄ gerə̄mə̄n̄ kə́ Nə́ɓā tə́ to̰ alé.

JOEL 3:2

Kem ndɔ̄ gə̄ ngeé ń noō tə́ ní, m-ā m̄-rāā kadə̄ Ndílə́ḿ risə dɔ ngé kəla kə́ dəngam gə̄ tə́ ō, dɔ ngé kəla kə́ dəyá̰ gə̄ tə́ ō.

MISE 6:2

Mbal̄ gə̄ ō, sḭḭ̄ gír gisə dɔ nang kə́ ra ngan̄g gə̄ ō, ōōī najə̄ ń Kɔ́ɔ̄ɓē a rāań sarya kə gír deē yān gēé ní. A̰á̰ā̰, Kɔ́ɔ̄ɓē a rāā i sarya kə gír deē yān gēé, ni-dəje Israel gíŕ yá̰a̰ rāān gə̄.

IJAI 66:16

A̰á̰ā̰, Kɔ́ɔ̄ɓē reē i gān̄g saryaá dɔ deē ndul gə̄ tə́ malang kə horoó ō, kə kaskaraá ō. Yo a to ngá̰ý.

OJEE 12:2

Epəraim adə̄ de gə̄ kə́ Ejiptə tə́ yibə̄ ō, əndā jīn gír makətūbə̄ koō naā yādə́ kə de kə́ Asiri gēé tə́ ō. I tītə̄ ń noō n ni ulə̄ń rɔ̄n kə nélé ō, a̰ȳń ngɔ̄də̄ gō néĺ kə́ dūn̄ ɓē tə́ dəloí bátə́ loo tíbə dɔn tə́ ō ní. Ni seĺ sor̄ kə̄ loo gə̄ tə́ ō, nujə loo ɔyń yá̰a̰ yā de gə̄ dɔ gúú tə́ ō.

IJAI 34:8

I ndɔ̄ ń Kɔ́ɔ̄ɓē a daləń ba̰ā̰ dɔ dɔ Edom gə̄ tə́ ní, i ɓāl̄ ń nge rɔ̄ɔ̄ dɔ ɓē kə́ Siyo̰ tə́ a dəjeńdə́ gíŕ yá̰a̰ rāādə́ gə̄ ní.

EJEKIEL 38:22

M-ā m̄-gān̄g sarya dɔí tə́ kadə̄ mo̰y ngāl̄bɔ̄gīí əsō dɔí tə́ ō, kadə̄ óy ta rɔ̄ɔ̄ tə́ ō. M-ā m-ə́la kə man̄ kə́ edə ngá̰ý ō, kɔ̄sə̄ ō, hor bursu ō, bumbə́ru kə́ təngā ō, dɔí tə́ ō, dɔ ngé rɔ̄ɔ̄ yāí gə̄ tə́ ō, dɔ de kə́ ngá̰ý gə̄ ń ɓoon̄ rɔ̄də́ tū yāí tə́ ní ō.

JEREMI 45:5

Ḭ̄ ī-sāā rāā yá̰á̰ kə́ bo ngá̰ý gə̄ ní, ī-lōō gír̄ dɔ tə́ to̰. M-ā m̄-rāā kadə̄ yá̰á̰ kə́ to kum kaȳ aĺ əsō dɔ de gə̄ tə́ malang, banī m-ā m-ādə̄ ā ī-teē ta yo tə́, loo malang ń ā āw̄ tū tə́ ní tə́. Najə̄ ń Kɔ́ɔ̄ɓē əda ní n noó.

IJAI 33:3

Dan ń gír de gə̄ oōn̄ ndūí anī, a̰ȳn̄ naā. Dan nəkɔ́ ń ḭ̄ ḭ́ḭ dɔɔ́ anī, nápar de gə̄ aw̄n̄ kə̄ loo gə̄ tə́.

JEREMI 2:35

Ḭ̄ ə́da na: Mā i kanjə̄ najə̄ dɔḿ tə́, wōn̄g yān a rāān dɔḿ tə́ to̰ alé. Banī mā m-ā m̄-rāā sarya kə́ gōtə́ seí, tɔdɔ̄ ḭ̄ ə́da na: m̄-rāā majaĺ alé.

IJAI 34:2

Wōn̄g rāā Kɔ́ɔ̄ɓē kə nápar de gə̄ malang, wōn̄g rāān kə ɓūtə̄ yādə́ malang. Ni gḛy nujə sedə́ kɔ̄ɔ́ malang. Ni-aw̄ sedə́ loo tɔ̄l̄də́ tə́.

JEREMI 23:19

Á̰a̰ī nél ń əla kə tɔ́gɔ́ noō i wōn̄g yā Kɔ́ɔ̄ɓē kə́ ngá̰ý n ḭḭ seneé ní. Nél balway əla kə ngangá ngá̰ý kum kə̄ dɔ de gə̄ ń najə̄ i dɔdə́ tə́ ní.

EJEKIEL 30:3

A̰á̰ā̰, ndɔ̄ yā Kɔ́ɔ̄ɓē a reē noó, dɔ to ngɔr ngá̰ý. I ndɔ̄ kə́ kil̄ man̄ a ndul ndí ndḭ́. I kum mbang ń a gāngə̄nəń sarya dɔ nápar de gə̄ tə́ ní.