JEREMI 25:28 - Bibəl ta Sar̄

²⁸ Ré nin̄ mbātə́n̄ taā kópə kasə ní jīí tə́ ka̰ȳ anī, ā ə́dádə́ na: Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ā ā̰yī gáŕ.

Bible sar

²⁸ Ré nin̄ mbātə́n̄ taā kópə kasə ní jīí tə́ ka̰ȳ anī, ā ə́dádə́ na: Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ i tītə̄ ń toō beé: Ā ā̰yī gáŕ.

JEREMI 25:28 Referans Kwoze

Makətūbə̄ yā Job 34:33

Anī kə gō ń ḭ̄ ī-gírəń tə́ ní, i gáŕ kadə̄ Nə́ɓā ənda deē ní tām̄ majaĺ yān tə́ a? m̄-ger̄ kadə̄ usiī ḭ̄ alé. Ḭ̄ ī-gḛy kadə̄ i tītə̄ ń noō, nge ń noō i ḭ̄ ba i mā alé. Ɓá tā ba yá̰á̰ ń ī-ger̄ tū tə́ ní, ə́da kə̄ noí tə́.

EPEJƏ 1:11

J-əngeī yá̰á̰ ń Nə́ɓā ənī míndən yā kadə̄jí ní, i kə ta kūl̄ ɓoo kə́ jə-ɓooī naā kə Kərist. Tām̄ Nə́ɓā gə̄rājí kété i kə gō ń ni-núməń ní. Ba ni a rāā yá̰a̰ malang i tītə̄ ń ni-gḛyń ní.

KƏLA RĀĀ 4:28

Nin̄-rāān̄ yá̰a̰ malang ń īkɔ́ ɔ́jə loon kété kə gō tɔ́gə yāí ō, kə gō kem ndigə yāí ō ní.

JEREMI 51:29

Dɔ nang ndebə̄ ō, ndām̄ ngin ngin ō, dan ń Kɔ́ɔ̄ɓē rāā yá̰á̰ ń ni núm̄ yā rāā kə Babilon ní. N rāān adə̄ téĺ ndágə loo kə́ to kum ko̰ ō, kə́ deē gətóo tū tə́ ō.

JEREMI 49:12

Rɔ̄kum, najə̄ ń Kɔ́ɔ̄ɓē əda ní n toó: Á̰a̰ī tá, ngé gə̄ ń majə kadə̄ yá̰a̰ tōr̄ rāādə́ aĺ ní, gāngə̄n̄ sarya dɔdə́ tə́ kadə̄ yá̰á̰ kə́ tōr̄ rāādə́. Ní ḭ̄ tá ā ī-teē kum tə́ karī a? Ā ī-teē kum tə́ karī alé. A ɔdə rɔ̄í gáŕ!

JEREMI 4:28

I tām̄ ń toō tə́ n dɔ nang əhɔ ndoō ní. No rā̰ əga ndul dɔɔ́ nú, tɔdɔ̄ i yá̰á̰ kə́ m-ún ndūḿ dɔ tə́ kɔ̄ɔ́ ɓá, i yá̰á̰ kə́ m̄-nóm̄ rāā i jóo ngá̰ý. M-ā m̄-lōō gírí alé, m-ā m̄-tūr̄ ndūḿ alé.

JEREMI 25:17

m̄-taā kópə jī Kɔ́ɔ̄ɓē tə́ ō, m-ādə̄ nápar de gə̄ malang ń Kɔ́ɔ̄ɓē əlam̄ kə̄ rɔ̄də́ tə́ ní m-ādə̄ a̰ȳn̄ ō.

JEREMI 27:8

Nápar de gə̄ ō, ɓē ko̰o̰ ō ń mbātə́n̄ rāā kəla kadə̄ Nabukodonosor, mban̄g kə́ Babilon tə́ ō, mbātə́n̄ kənī njúkə yān míndə́də́ tə́ ō ní, m-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāā kadə̄ nəkɔ́ tɔ̄l̄də́ kə jīneé malang kɔ̄ɔ́. Najə̄ ń Kɔ́ɔ̄ɓē əda ní n noó.

ABƏDIAS 1:16

Israel gə̄, sḭḭ̄ ā̰yī yá̰á̰ kə́ kem kópə wōn̄g yāḿ tə́ kɔ̄ɔ́ ɓá, dɔ mbal̄ yāḿ kə́ táĺ tə́. I beé ní, nápar de gə̄ a a̰ȳn̄ tītə̄ yāsí ō, kanjə̄ dəba. A a̰ȳn̄ bátə́ kadə̄ rāādə́ kə́ kasə tə́. Gō tə́ anī, nin̄ a gətóon̄ kɔ̄ɔ́ malang.