JEREMI 25:22 - Bibəl ta Sar̄

²² mban̄g gə̄ malang kə́ Tir tə́ ō, kə́ Sidon tə́ ō, kə́ gō nang kə́ gidə bā bo tə́ ō,

Bible sar

²² mban̄g gə̄ malang kə́ Tir tə́ ō, kə́ Sidon tə́ ō, kə́ gō nang kə́ gidə bā bo tə́ ō,

JEREMI 25:22 Referans Kwoze

JEREMI 47:4

Tām̄ ndɔ̄ kə́ yā kadə̄ Pilistin gə̄ oyn̄neé malang ō, kadə̄ gāngə̄n̄neé gír yā ngé gə̄ malang ń teēn̄ ta yo tə́ Tir ō, Sidon ō, á əɓan̄ kum kaw̄ dḭḭ̄də́ ní, asə kɔ̄ɔ́. Rɔ̄kum Kɔ́ɔ̄ɓē nujə kə Pilistin gə̄ kə́ dor̄ kə Kapətor tə́ ń ndin̄ kə kumdə́ ní.

EJEKIEL 32:30

Ngār gə̄ malang yā gír de gə̄ kə́ dām̄ mbɔ́r ɓē kə́ ko̰ó̰ tə́ nin̄ i noó ō, naā tə́ kə de kə́ Sidon gə̄ ń oy aw̄n̄ ɓádá ní. Kété ní nin̄ əhɔn̄ rɔ̄də́ tɔgə ngá̰ý, adə̄ nin̄ rāān̄ adə̄ ɓōĺ rāā de gə̄ adə̄ ndewn̄. Ba ngɔlaā ní, de kə́ dəngam gə̄ kə́ kəja mɔtədə́ aĺ gə̄ ń noō ton̄ naā tə́ kə ngé gə̄ ń oyn̄ ta rɔ̄ɔ̄ tə́ ní. Rɔ̄də́ sɔl̄də́ naā tə́ kə de gə̄ ń ton̄ ɓádá ní.

EJEKIEL 29:18

Ḭ̄ ngōn̄ deē, ōō! Nabukodonosor, mban̄g kə́ Babilon ra kə ngé rɔ̄ɔ̄ yān gēé adə̄ rāān̄ kəla ngan̄g ngá̰ý gə̄ yā rɔ̄ɔń Tir. Nənga dɔ áskar yān gə̄ ɔr̄ kɔ̄ɔ́ malang ō, əngen̄ do dɔ bɔ̄gə̄də́ gə̄ tə́ ō. Ɓá tā ba yá̰á̰ ń mban̄g nin̄ kə ngé rɔ̄ɔ̄ yān gēé loo rɔ̄ɔ̄ ɓē kə́ Tir tə́ ní, nin̄ əngen̄ yá̰á̰ kógə̄ḿ gírí jī ɓē kə́ Tir tə́ alé.

JEREMI 31:10

Nápar de gə̄, ōōī najə̄ yā Kɔ́ɔ̄ɓē. Ə̄nīī mbēr̄ yān ādī ngé gə̄ ń ndin̄ loo kə́ sa̰y ngá̰ý tə́ ní oōn̄. Ədaī na: Nge ń tə̄ndā ngán Israel gə̄ tḭ̄ḭ̄də́ naā tə́ ní a ɔsə dɔdə́ naā tə́. Ni ngɔ̄m̄də́ tītə̄ ń nge kul̄ yá̰a̰ ngɔ̄məń yá̰a̰ kul̄ yān gə̄ ní beē.

JEREMI 27:3

ā ə́lań yā kadə̄ mban̄g kə́ Edom ō, kə́ Moab ō, mban̄g yā Amon gə̄ ō, mban̄g kə́ Tir ō, kə́ Sidon ō. Ā ādə̄ i ngé kɔsə kum gotə ɓē ko̰o̰ gə̄ ń ugə̄n̄ Jerusalem rɔ̄ Sedekias, mban̄g kə́ Juda tə́ ní n kadə̄ aw̄n̄neé adə̄n̄ mban̄g gə̄ ní.

IJAI 23:1

Najə̄ yā ɓē kə́ Tir. Sḭḭ̄ to bo gə̄ kə́ dan ɓūl̄ bā bo gə̄ tə́, úniī pā yo. Nujən̄ ta kā̰ kə́ Tir kɔ̄ɔ́, kújə gə̄ gətóon̄ kɔ̄ɔ́. I dan ń nin̄ reē ugə̄n̄ dor̄ kə́ Sipər tə́ ní n ōōn̄ gotə najə̄ ní.

IJAI 23:4

Ḭ̄ ɓē kə́ Sidon, ḭ̄ ń i loo ɓɔ̄ɔ̄ rɔ̄ yā bā bo ní, ādə̄ rɔ̄í sɔlī. Tām̄ bā bo ɔr̄ najə̄ i beé: m̄-ndigə kadə̄ rɔ̄ḿ gə̄ tōr̄mə̄n̄ aĺ ō, m̄-ndigə kojə ngán gə̄ aĺ ō. m̄-ndigə kətō ngáń kə́ dəngam gə̄ aĺ ō, m̄-ndigə ngɔ̄m̄ ngáń kə́ dəyá̰ gə̄ kadə̄ tɔgən̄ aĺ ō.

IJAI 23:15

Loo ń noō tə́ dɔ de gə̄ a ndígə̄nal ɓē kə́ Tir bátə́ ɓāl̄ kutə sīrí, adə̄ i ɓāl̄ ń mban̄g a ndiń kə kumneé ní. Ré gír ɓāl̄ kə́ kutə sīrí gə̄ ń noō gān̄g anī, yá̰á̰ ń a rāā ɓē kə́ Tir ní, i yá̰á̰ ń rāā dəyá̰ ájə́ba kə́ kem pā ń toō tə́ ní:

EJEKIEL 39:6

M-ā m-ə́la hor dɔ ɓē yā Magog tə́ ō, dɔ ɓē yā de gə̄ ń ndin̄ kə̄ dɔ dor̄ loo gə̄ tə́ á gírə̄n̄ kadə̄ yá̰á̰ kógə̄ḿ na a rāādə́ aĺ ní ō. Loo ń noō tə́ nin̄ a gerə̄n̄ kadə̄ Kɔ́ɔ̄ɓē i mā.

EJEKIEL 27:27

Yá̰a̰ kənge yāí gə̄ ō, yá̰a̰ gātə̄ yāí gə̄ ō, rāā gātə̄ yāí ō, ngé rāā kəla kem to bo yāí gə̄ tə́ ō, ngé rāā loo kə́ nujə gə̄ kə́ tū to bo yāí gə̄ tə́ ō, ngé rɔ̄ɔ̄ gə̄ kə́ ngé rāā kəla yāí gə̄ ō, kósə de kə́ ɓēé looí gə̄ ō, yá̰a̰ malang a aw̄ kum bā bo tə́ ndɔ̄ ń ā ī-jə̄ngań ta kaw̄ gír maná tə́ ní.

EJEKIEL 28:1

Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 28:20

Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 28:21

Ḭ̄ ngōn̄ deē, ī-tūr̄ kumií kə̄ dɔ ɓē kə́ Sidon tə́, ba ɔ̄r̄ najə̄ kə de kə́ kemeé gə̄ ādə̄m̄.