JEREMI 25:21 - Bibəl ta Sar̄

²¹ Edom gə̄ ō, Moab gə̄ ō, Amon gə̄ ō,

Bible sar

²¹ Edom gə̄ ō, Moab gə̄ ō, Amon gə̄ ō,

JEREMI 25:21 Referans Kwoze

JEREMI 48:1

Najə̄ kə́ dɔ ɓē kə́ Moab tə́. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Yá̰á̰ kə́ to kum kaȳ aĺ əsō dɔ ɓē kə́ Nebo tə́, nujən̄ seneé sák sák kɔ̄ɔ́. Taān̄ ɓē kə́ Kiryataim adə̄ rɔ̄n sɔlə̄n. Ɓē kə́ ngan̄g ngá̰ý ń toō əsō adə̄ rɔ̄n sɔlə̄n.

PĀ GƏ̄ 137:7

Yá̰á̰ ń Edom gə̄ rāān̄ ndɔ̄ ń ɓē kə́ Jerusalem əsōń tə́ ní, Kɔ́ɔ̄ɓē, ādə̄ dɔí ndígə̄nal alé. Nin̄ əgan̄ kɔŕ ədan̄ na: Ī-tɔ̄ɔ̄ī bɔr kə́ Jerusalem, ī-tɔ̄ɔ̄ī dɔɔ́ gān̄g nja tə́ nang tə́!

ABƏDIAS 1:18

Kojə yā Jakob ō, yā Jəjep ō, a ton̄ tītə̄ hor beé. Nin̄ a nujən̄ de gə̄ kə́ kem kojə yā Esau tə́ malang kɔ̄ɔ́ tītə̄ mu beé. De kə́ yā ndi kə kumneé a gətóo. I mā Kɔ́ɔ̄ɓē n m-ə́da najə̄ ń noó ní.

AMOS 1:11

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Edom gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ ngɔ̄də̄n̄ ngákó̰ó̰də́ Israel gə̄ kə kaskaraá jīdə́ tə́. Kumdə́ o̰o̰də́ tām̄ yādə́ tə́ sḛ́ý aĺ bátə́ asədə́ tɔ̄l̄ deē alé, sɔɔ̄ń wōn̄g kə́ kemdə́ tə́. Gír kəhɔ deē kem tə́ yādə́ gān̄g aĺ bátə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

EJEKIEL 32:29

Edom ō, mban̄g yādə́ gə̄ ō, ngār yādə́ gə̄ ō ní, nin̄ i noó ō. Nin̄ əhɔn̄ rɔ̄də́ tɔ́gə́ ɓá tā, banī ɓoon̄də́ naā tə́ kə de gə̄ ń oyn̄ ta rɔ̄ɔ̄ tə́ ní. Dubə̄n̄də́ naā tə́ kə de kə́ dəngam kə́ kəja mɔtədə́ aĺ gə̄ ń aw̄n̄ ɓádá ní.

JEREMI 27:3

ā ə́lań yā kadə̄ mban̄g kə́ Edom ō, kə́ Moab ō, mban̄g yā Amon gə̄ ō, mban̄g kə́ Tir ō, kə́ Sidon ō. Ā ādə̄ i ngé kɔsə kum gotə ɓē ko̰o̰ gə̄ ń ugə̄n̄ Jerusalem rɔ̄ Sedekias, mban̄g kə́ Juda tə́ ní n kadə̄ aw̄n̄neé adə̄n̄ mban̄g gə̄ ní.

IJAI 25:10

Jī Kɔ́ɔ̄ɓē ngɔ̄m̄ mbal̄ Siyo̰. Banī rējə̄n̄ Moab gotə loo kə́ kógə̄ḿ beē tə́ tītə̄ mu kə́ rējə̄n̄ kem bəlo ɓōkə́ yedə̄ dā̰ gə̄ tə́ beē.

JEREMI 40:14

ba ədanən̄ na: Baalis, mban̄g yā Amon gə̄ mēr̄ Ismael, ngōn̄ Netania tɔ̄lī ní ī-ger̄ aĺ a? Banī Gedalia, ngōn̄ Ahikam mbātə́ taā kem najə̄ kɔr̄də́.

JEREMI 49:1

Kə́ tām̄ yā Amon gə̄ tə́ ní, najə̄ ń Kɔ́ɔ̄ɓē əda ní n toó: Israel ojə ngōn̄ aĺ a? Ngé kán̄ ta yá̰a̰ ndəbān gə̄ gətóon̄ a? Ní, i tām̄ rí tə́ á ɓesə̄ Milkom o̰o̰ ɓē Gad tə́ ō, gír deē yān gə̄ ndin̄ kem ɓē gə̄ tə́ ō ní?

JEREMI 49:7

Kə́ tām̄ yā Edom tə́ ní, najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Gír kum kedə̄ gān̄g kɔ̄ɔ́ Teman tə́ i mbée a? Gír̄ yá̰a̰ reē dɔ nge ger̄ kum najə̄ láẃ tə́ to̰ aĺ i mbée a? Kum kedə̄ yādə́ majə aĺ i mbée kɔ̄ɔ́ a?

AMOS 1:13

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Amon gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ gḛyn̄ teē kem ɓē yādə́ kə̄ gogə́, adə̄ njárə̄n̄ kem dəyá̰ kə́ ndān̄ ngán gə̄ kə́ dɔ nang kə́ Galaad tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

AMOS 2:1

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Moab gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ róōn̄ kə̄ngā mban̄g kə́ Edom ba rāān̄ būn. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

JEREMI 27:2

Mā Kɔ́ɔ̄ɓē m-ɔ̄r̄ najə̄ i tītə̄ ń toō beé: Ī-səre kəlā gə̄ ō, ī-tɔ́ĺ sáa kāgə̄ gə̄ njúkə́ tə́ ō. Ā ə̄nī njúkə́ ní míndí ḭ̄kɔ́ tə́ ō,

EJEKIEL 25:1

Kɔ́ɔ̄ɓē ɔr̄ najə̄ seḿ, ədam̄ na: