JEREMI 25:15 - Bibəl ta Sar̄

¹⁵ Yá̰á̰ ń Kɔ́ɔ̄ɓē, Nə́ɓā yā Israel ədam̄ ní n toó: Ī-taā kópə kasə nduú ń toō jīḿ tə́, ādə̄ nápar de gə̄ malang ń m-ā m-ə́laī kə̄ rɔ̄də́ tə́ ní ādə̄ a̰ȳn̄, i kasə wōn̄g yāḿ.

Bible sar

¹⁵ Yá̰á̰ ń Kɔ́ɔ̄ɓē, Nə́ɓā yā *Israel ədam̄ ní n toó: Ī-taā kópə kasə *nduú ń toō jīḿ tə́, ādə̄ nápar de gə̄ malang ń m-ā m-ə́laī kə̄ rɔ̄də́ tə́ ní ādə̄ a̰ȳn̄, i kasə wōn̄g yāḿ.

JEREMI 25:15 Referans Kwoze

PĀ GƏ̄ 75:8

Tɔdɔ̄ i Nə́ɓā n i nge gān̄g sarya ní. Ni-tél kə nge kə́rēý kə̄ nang tə́ ō, tél un nge kə́ noō dɔɔ́ gogə́ ō.

IJAI 51:17

Jerusalem, ī-ndól̄, ī-ndól̄! Ḭ́ḭ ī-ra dɔɔ́! Kɔ́ɔ̄ɓē rāā adə̄ ā̰ȳ kasə kə́ kem kópə wōn̄g yān tə́. Ḭ̄ ā̰ȳ i malang, adə̄ ḭḭ̄ noí.

JEJU TEĒ KUM JA̰A̰ 14:10

kɔ́ɔ̄ a a̰ȳ kasə nduú wōn̄g yā Nə́ɓā ō. Ɓōkə́n̄ kasə nduú ní kem kópə wōn̄g yā Nə́ɓā tə́ i kanjə̄ yá̰á̰ kə́ rang kum tə́. Adə̄ yá̰á̰ kə́ tōr̄ a rāā kɔ́ɔ̄ kum hor tə́ ō, kum bursu tə́ ō, ta kum de kə́ dɔ rā̰ tə́ kə́ táĺ gə̄ tə́ ō, ta kum Ngōn̄ batə̄ tə́ ō.

Makətūbə̄ yā Job 21:20

Ādə̄ ni-a̰a̰ nujə ń ni a nujə sák sák ní kə kumneé ō, ādə̄ tan nāā wōn̄g yā Nə́ɓā kə́ tɔ́gən i ngá̰ý ō!

IJAI 51:22

Najə̄ ń Kɔ́ɔ̄ɓē, ngolií, Nə́ɓā yāí, nge rɔ̄ɔ̄ dɔ gír deē yān gə̄ tə́, əda ní n toó: Kopə wōn̄g yāḿ ń i kópə kə́ a ḭḭ̄ no deē ní, m-ā m̄-tél yā taā jīí tə́ kɔ̄ɔ́. Ā ā̰ȳ yá̰á̰ kə́ kemeé to̰ aĺ i kə́ bátə́ gə̄ tə́.

JEJU TEĒ KUM JA̰A̰ 14:19

Anī de kə́ dɔ rā̰ tə́ ní ənī ngorong yān dɔ nang tə́ əjań kan̄ kāgə̄ nduú kə́ dɔ nang tə́, ba ɓōkə́ kem bay kə́ bo ń i bay wōn̄g yā Nə́ɓā ní tə́.

JEREMI 51:7

Kopə lɔ́r ń Kɔ́ɔ̄ɓē əhɔ kem jīn tə́ ní, i Babilon. Kasə kə́ kemeé rāā de gə̄ malang kə́ dɔ nang tə́. Nápar de gə̄ a̰ȳn̄ kasə nduú yān, bátə́ adə̄ gerə̄n̄ kum najə̄ to̰ alé.

PĀ GƏ̄ 11:6

Ādə̄ ni-rāā yā̰l̄ hor ō, hor bursu ō adə̄ edən̄ kə́ man̄ tə́ dɔdə́ tə́. Ādə̄ nél man̄ bā kə́ bo undə́ no kem! Yá̰a̰ kəndā nja yādə́ n noó.

PĀ GƏ̄ 60:3

Nə́ɓā ḭ̄ ī-mbātə́jí, ī-tə̄ndā ī-tḭ̄jí kə̄ loo gə̄ tə́. I wōn̄g n rāāī ní ba úńjí dɔɔ́ gogə́ rang.

IJAI 51:23

M-ā m-ə́lan kem jī ngé rāāī yá̰á̰ kə́ tōr̄ tə́. Kété ní, nin̄ ədaīn̄ na: Ī-to nang tə́! J-a jə-njə̄rā dɔí tə́. Adə̄ kété ní, ī-rāā dūnīí i loo kə́ yā mān̄ tū tə́ tə́, i róbə́ ń nin̄ njə̄rān̄ tū tə́ ní tə́.

JEREMI 1:5

Pá tá kadə̄ m-ə̄ɓāī kem kó̰ó̰í tə́ ní, m̄-gerī kɔ̄ɔ́ ɓá. M-ɔ̄r̄ kamīí m-ə̄ndāī tayā kadə̄ ī-tél nge koō ta tām̄ yā nápar de gə̄ tə́.

JEREMI 43:11

Ni a reē ō, a ənda ɓē kə́ Ejiptə ō. Deē ń i tām̄ yā yo tə́ ní a oy. Deē ń i tām̄ yā kəhɔn kaw̄ seneé dɔ ɓē kə́ rang tə́ ní a aw̄n̄ seneé. Deē ń i tām̄ yā kadə̄ kaskar tɔ̄lən ní a oy yo kaskar.

JEREMI 46:1

Gō tə́ anī, Kɔ́ɔ̄ɓē ɔr̄ najə̄ kə́ dɔ nápar de gə̄ kə Jeremi.

JEREMI 48:26

Ādīin̄ kasə ādə̄ rāān, tām̄ ni ɔjə kə̄ ndágá kadə̄ na n-bo n-tɔȳ Kɔ́ɔ̄ɓē. Á̰a̰ī i ni n to a ndūbə̄rū kum tōmbə̄ tə́ toō. Ta i dɔn tə́ kadə̄ ni-tél kur̄ kəgō tā.

JEREMI 49:12

Rɔ̄kum, najə̄ ń Kɔ́ɔ̄ɓē əda ní n toó: Á̰a̰ī tá, ngé gə̄ ń majə kadə̄ yá̰a̰ tōr̄ rāādə́ aĺ ní, gāngə̄n̄ sarya dɔdə́ tə́ kadə̄ yá̰á̰ kə́ tōr̄ rāādə́. Ní ḭ̄ tá ā ī-teē kum tə́ karī a? Ā ī-teē kum tə́ karī alé. A ɔdə rɔ̄í gáŕ!

EJEKIEL 23:32

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Ā ā̰ȳ yá̰á̰ kə́ kem bay kə́ kógə̄ḿ beē tə́ sḭḭ̄ kə ngōkó̰ó̰í kə́ dəyá̰. I bay kə́ ta laa ō, rúu ō. De gə̄ a əgōīn̄ ō, a mbóon̄ seí ō, tām̄ bay ní rosə ngá̰ý.

EJEKIEL 23:33

Ka̰a̰ tápə̄ a rāāī kə́ kasə tə́. I bay ndi kə kéré ō, i bay rɔ̄nel̄ aĺ ō. Ba ngōkó̰ó̰í kə́ dəyá̰ ń i Samari ní, a̰ȳ yá̰á̰ ní kɔ̄kə́ ɓá.

EJEKIEL 29:12

M-ā m̄-rāā ɓē kə́ Ejiptə kadə̄ tél dəla loo kə́ ndágə doy tɔȳ gotə dəla loo gə̄ malang. Ɓē yān gə̄ a nujən̄ tɔȳ gotə ɓē gə̄ malang. M-ā m̄-rāā de kə́ Ejiptə gə̄ kadə̄ a tḭ̄ḭ̄n̄ naā kə̄ loo gə̄ tə́ kə̄ dan nápar de gə̄ tə́ ō, bátə́ ɓāl̄ kutə sɔ́.

EJEKIEL 36:5

A̰á̰ā̰, mā Kɔ́ɔ̄ɓē Nə́ɓā, kem hor wōn̄g yāḿ kə́ ngá̰ý tə́ ní, m-ə́da kadə̄ i rɔ̄kum, m-ɔ̄r̄ najə̄ m̄-rɔ̄ɔń kə nápar de kə́ rang gə̄ ō, kə Edom kə taá malang ō. Nin̄ taān̄ ɓē yāḿ kə rɔ̄nel̄ kə́ ngá̰ý ō, kə kídə̄ loo kə́ ngá̰ý ō, yā kɔyń yá̰a̰ gə̄ kə́ kem loo gə̄ ń a aw̄n̄ kə yá̰a̰ kul̄ gēé ko̰ó̰ tū tə́ ní tə́.

ABƏDIAS 1:16

Israel gə̄, sḭḭ̄ ā̰yī yá̰á̰ kə́ kem kópə wōn̄g yāḿ tə́ kɔ̄ɔ́ ɓá, dɔ mbal̄ yāḿ kə́ táĺ tə́. I beé ní, nápar de gə̄ a a̰ȳn̄ tītə̄ yāsí ō, kanjə̄ dəba. A a̰ȳn̄ bátə́ kadə̄ rāādə́ kə́ kasə tə́. Gō tə́ anī, nin̄ a gətóon̄ kɔ̄ɔ́ malang.

HABAKUK 2:16

Ba sḭḭ̄, a rāān̄sí kadə̄ rɔ̄sí a sɔl̄sí banī a rɔȳn̄sí i mbée alé! Ta i dɔsí tə́ kadə̄ sḭḭ̄ ā̰yī yá̰á̰ ní ba ɔ́jiīń de gə̄ rɔ̄sí kə́ karī! Kɔ́ɔ̄ɓē a ra sesí ta ka̰ȳ yá̰á̰ kə́ kem kópə wōn̄g yān tə́. Kadə̄ rɔȳ ń rɔȳn̄sí ní, tél i rɔ̄sɔl̄ kə́ əlan̄ dɔsí tə́.

PĀ GƏ̄ 75:9

Kɔ́ɔ̄ɓē əhɔ kópə kógə̄ḿ jīn tə́, ɓōkə́ kasə nduú kə́ ngan̄g ō, kə́ tām̄ ō, kemeé. Ngé mbātə́ Nə́ɓā gə̄ malang kə́ dɔ nang tə́ a a̰ȳn̄ ō, a tō̰nə́n̄ bɔrən kə́ na̰y gírí gə̄gē dɔ tə́ ō.

IJAI 14:26

Yá̰á̰ ń Kɔ́ɔ̄ɓē gḛy rāā kə de gə̄ malang kə́ dɔ nang tə́ ní n noó, yá̰á̰ ń ni əlań ɓōĺ kem nápar de gə̄ malang tə́ ní noó.

IJAI 34:2

Wōn̄g rāā Kɔ́ɔ̄ɓē kə nápar de gə̄ malang, wōn̄g rāān kə ɓūtə̄ yādə́ malang. Ni gḛy nujə sedə́ kɔ̄ɔ́ malang. Ni-aw̄ sedə́ loo tɔ̄l̄də́ tə́.

JEREMI 36:2

Ún ndāŕ ndang najə̄ kógə̄ḿ kə́ ɓír̄ gidə naā tə́ ba ī-ndang najə̄ gə̄ malang ń m-ə́daī sɔɔ̄ dɔ Israel ō, Juda ō, nápar de gə̄ ō ní tū tə́. Əla gír dɔ ndɔ̄ ń m-ɔ̄rəń najə̄ seí ɓāl̄ yā Josias tə́ ní bátə́ ɓōólaā.

JEREMI 45:5

Ḭ̄ ī-sāā rāā yá̰á̰ kə́ bo ngá̰ý gə̄ ní, ī-lōō gír̄ dɔ tə́ to̰. M-ā m̄-rāā kadə̄ yá̰á̰ kə́ to kum kaȳ aĺ əsō dɔ de gə̄ tə́ malang, banī m-ā m-ādə̄ ā ī-teē ta yo tə́, loo malang ń ā āw̄ tū tə́ ní tə́. Najə̄ ń Kɔ́ɔ̄ɓē əda ní n noó.