JEREMI 25:13 - Bibəl ta Sar̄

¹³ M-ā m̄-rāā kadə̄ yá̰a̰ gə̄ malang ń m-ɔ̄r̄ najə̄də́ dɔ ɓē ń toō tə́ ní, a reēn̄ dɔn tə́. Yá̰a̰ malang ń ndangən̄ kem makətūbə̄ ń toō tə́ ní ō, najə̄ ń Jeremi oō taḿ tə́ á ɔr̄ sɔɔ̄ dɔ de gə̄ ní ō.

Bible sar

¹³ M-ā m̄-rāā kadə̄ yá̰a̰ gə̄ malang ń m-ɔ̄r̄ najə̄də́ dɔ ɓē ń toō tə́ ní, a reēn̄ dɔn tə́. Yá̰a̰ malang ń ndangən̄ kem makətūbə̄ ń toō tə́ ní ō, najə̄ ń Jeremi oō taḿ tə́ á ɔr̄ sɔɔ̄ dɔ de gə̄ ní ō.

JEREMI 25:13 Referans Kwoze

JEREMI 1:10

Ī-ger̄ majə kadə̄ m-ādī ndū ko̰o̰ ɓē dɔ nápar de gə̄ tə́ ō, dɔ ɓē ko̰o̰ gə̄ tə́ ō ɓōólaā, yā kadə̄ ī-ró̰ȳ kə ngəraá ō, ī-ɓéngə̄lē ō, yā kadə̄ ī-nujəń ō, ī-bótə̄yō̰ ō, yā kadə̄ ī-rāā ō, ə̄ndā ō.

JEREMI 1:5

Pá tá kadə̄ m-ə̄ɓāī kem kó̰ó̰í tə́ ní, m̄-gerī kɔ̄ɔ́ ɓá. M-ɔ̄r̄ kamīí m-ə̄ndāī tayā kadə̄ ī-tél nge koō ta tām̄ yā nápar de gə̄ tə́.

JEJU TEĒ KUM JA̰A̰ 10:11

Loo ń noō tə́ ədamə̄n̄ na majə kadə̄ najə̄ ń Nə́ɓā əndā taḿ tə́ tām̄ yā gír de kə́ ngá̰ý gə̄ tə́ ō, nápar de kə́ ngá̰ý gə̄ tə́ ō, gír ta kə́ ngá̰ý gə̄ tə́ ō, mban̄g kə́ ngá̰ý gə̄ tə́ ō ní, kə m̄-tél kə m-ə́dá ɓáý to̰.

DANIEL 5:28

Peres ní kumən na gāngə̄n̄ naā tə́, adə̄ gāngə̄n̄ ko̰o̰ ɓē yāí naā tə́ yā kadə̄ Medə gə̄ núsən kógə̄ḿ ō, yā kadə̄ Persə gə̄ núsən kə́rēý ō.

JEREMI 30:2

Mā Kɔ́ɔ̄ɓē, Nə́ɓā yā Israel m-ɔ̄r̄ najə̄ i tītə̄ ń toō beé: Ī-ndang najə̄ gə̄ malang ń m-ə́daī ní kem makətūbūú.

JEREMI 36:2

Ún ndāŕ ndang najə̄ kógə̄ḿ kə́ ɓír̄ gidə naā tə́ ba ī-ndang najə̄ gə̄ malang ń m-ə́daī sɔɔ̄ dɔ Israel ō, Juda ō, nápar de gə̄ ō ní tū tə́. Əla gír dɔ ndɔ̄ ń m-ɔ̄rəń najə̄ seí ɓāl̄ yā Josias tə́ ní bátə́ ɓōólaā.

JEREMI 36:4

Jeremi ɓāŕ Baruk, ngōn̄ Neriya, kadə̄ ndang najə̄ gə̄ malang ń Kɔ́ɔ̄ɓē ɔr̄ seneé ní kem ndāŕ ndang najə̄ kógə̄ḿ kə́ ɓír̄ gidə naā tə́ ní tə́.

JEREMI 36:29

Ā ə́da Joakim, mban̄g kə́ Juda na najə̄ ń mā Kɔ́ɔ̄ɓē m-ə́dá ní n toó: Ī-róō ndāŕ ndang najə̄ kə́ ɓír̄ gidə naā tə́ ń toō ō, ī-gákə̄m̄ ə́da na ké i tām̄ rí tə́ á m̄-ndang najə̄ kemeé m-ə́da na mban̄g kə́ Babilon tə́ na a reē yā nujə kə ɓē ń toō gáŕ ō, na a rāā kadə̄ de gə̄ ō, dā̰ gə̄ ō kə́ kemeé na a gətóon̄ kɔ̄ɔ́ ō ní wa?

IJAI 55:11

To i tītə̄ ń noō tām̄ yā najə̄ kə́ teē taḿ tə́ ō, ni-tél reē gogə́ rɔ̄ḿ tə́ kanjə̄ rāā kadə̄ yá̰á̰ kógə̄ḿ to alé. Yá̰á̰ ń mā m̄-ndigə ní, ni-rāā adə̄ udə gírí, kəla ń m-ə̄ndā dɔn tə́ ní, ni-rāā tɔ̄l̄ ta.