JEREMI 25:11 - Bibəl ta Sar̄

¹¹ Ɓē ń noō kə taá malang a tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, nápar de gə̄ ń noō a rāān̄ kəla adə̄n̄ mban̄g kə́ Babilon kem ɓāl̄ kutə sīrí.

Bible sar

¹¹ Ɓē ń noō kə taá malang a tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, nápar de gə̄ ń noō a rāān̄ kəla adə̄n̄ mban̄g kə́ *Babilon kem ɓāl̄ kutə sīrí.

JEREMI 25:11 Referans Kwoze

DANIEL 9:2

Anī kem ɓāl̄ ko̰o̰ ɓē yān kə́ ta kəga dɔ tə́ ní, mā Daniel m̄-tə́da kutə ɓāl̄ gə̄ ń ɓē kə́ Jerusalem i kə́ nujə sák sák kɔ̄ɔ́ ní kə ta kūl̄ makətūbə̄ kə́ táĺ gə̄, anī m-á̰a̰ kadə̄ ɓāl̄ i kutə sīrí tītə̄ ń Kɔ́ɔ̄ɓē ədań Jeremi nge koō ta ní.

JAKARI 1:12

Anī nge kaw̄ kəla yā Kɔ́ɔ̄ɓē əda na: Kɔ́ɔ̄ɓē nge rāā dɔ rā̰ ō dɔ nang ō, ń toō asə ɓāl̄ kutə sīrí kɔ̄ɔ́ tā n ī-rāań wōn̄g kə ɓē kə́ Jerusalem ō, kə gotə ɓē kə́ rang gə̄ kə́ Juda tə́ ō ní. Ní, ā ī-ngóō i ɓāl̄ kóndóńg ɓáý to̰ tá kadə̄ kumií a o̰o̰īń tām̄ yān tə́ ní?

JAKARI 7:5

yá̰á̰ ń ni tūr̄ əda ní, kə m-ə́dá ngé tun̄ yá̰a̰ gə̄ ō, de kə́ kem ɓēé gə̄ malang ō, kadə̄ gerə̄n̄. Najə̄ ń ni tūr̄ əda ní n toó: Sḭḭ̄ ī-*ndiī ɓō tām̄ yā Nə́ɓā tə́ ō, ə̄nī pā yo ō, kem nāā kə́ nge ko̰ mí tə́ ō, sīrí tə́ ō, asə ɓāl̄ kutə sīrí kɔ̄ɔ́ ɓá. Ba ī-*ndiī ɓō tām̄ yā Nə́ɓā tə́ ní, i tām̄ yāḿ mā tə́ rɔ̄kum a?

JEREMI 25:12

Banī dan ń ɓāl̄ kə́ kutə sīrí gə̄ ní a təgān̄ anī, m-ā m-ə́nda mban̄g kə́ Babilon ō, nápar de gə̄ ń noō ō. M-ā m-ə́nda ɓē yā Kalde gə̄ ō, m-ā m̄-rāān kadə̄ a tél ndágə loo kə́ to kum ko̰ kə́ njɔ́ḿ gə̄ tə́. Najə̄ ń Kɔ́ɔ̄ɓē əda ní n noó.

JEREMI 4:27

Najə̄ ń Kɔ́ɔ̄ɓē əda ní n toó: Dɔ nang malang kə taá a téĺ yá̰á̰ kə́ to kum ko̰ ngá̰ý banī m-ā m̄-nujəń malang alé.

LEBI GƏ̄ 26:32

M-ā m̄-nujə ɓē yāsí sák sák kadə̄ a ɔr kum madə̄ ba̰ā̰sí gə̄ ń a reēn̄ yā ndi kemeé ní.

IJAI 5:6

M-ā m̄-rāān dɔ nang kə́ kem bembeé tə́. Deē a gán̄g ta jī kāgə̄ kə́ kemeé gə̄ aĺ ō, deē a ró̰ȳ mu kə́ kemeé aĺ ō. Túpə kōn̄ gə̄ a əɓan̄ kem ndɔr̄ kāgə̄ nduú yāḿ tə́ ō, m-ā m-ɔ̄gə̄ kil̄ man̄ gə̄ kəya̰ man̄ kadə̄ edə dɔ tə́ ō.

JEREMI 27:22

A ɔyn̄ gotə yá̰a̰ rāā kəla gə̄ ní yā kaw̄ń Babilon, kadə̄ a to noó bátə́ ndɔ̄ ń m-ā m̄-sāań nja yā tél reēń gogə́ loo ń toō tə́ ní. Najə̄ ń Kɔ́ɔ̄ɓē əda ní n noó.

JEREMI 28:14

Tɔdɔ̄ najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: I njúkə gində̄ n m-ā m-ə̄nī míndə́ nápar de gə̄ malang ń toō tə́ yā kadə̄ rāān̄eé kəla adə̄n̄ Nabukodonosor mban̄g kə́ Babilon tə́ ní, a rāān̄ kəla yā kadə̄n. M-ā m-ə́la dā̰ gə̄ kə́ bembeé gə̄gē kem jīn tə́.

JEREMI 29:10

Kɔ́ɔ̄ɓē ɔr̄ najə̄ i tītə̄ ń toō beé: Ré ɓāl̄ ɓē ko̰o̰ kə́ Babilon tə́ mān̄ asə kutə sīrí anī, m-ā m̄-gír̄ dɔsí tə́. M-ā m̄-rāā kadə̄ ndūḿ ń m-ə̄nī yā tél reē sesí gogə́ loo ń toō tə́ ní, a udə gírí majə.

JEREMI 43:10

Gō tə́ anī ā ə́dádə́ na: Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: M-ā m-ə́la gō nge kəla yāḿ Nabukodonosor mban̄g kə́ Babilon tə́, m-ā m-ə̄ndā kōr̄ kāgə̄ mbang yān dɔ mbal̄ gə̄ ń ī-dubə̄ tə́ ní ō, ni a udə təndā mban̄g yān dɔ tə́ dɔɔ́ ō.

JEREMI 44:22

Kɔ́ɔ̄ɓē asə tə́gā tan dɔ kəla rāāsí kə́ kə kem nduluú gə̄ tə́ ō, dɔ yá̰á̰ kə́ majaĺ ngá̰ý gə̄ ń ī-rāāī tə́ ní ō. Adə̄ ɓē yāsí tél loo kə́ nujə sák sák kɔ̄ɔ́ ō, ndágə loo kə́ to kum ko̰ ō, yá̰á̰ kə́ ndɔ̄ĺ ō, ɓē kə́ de gə̄ gətóon̄ kemeé ō, yá̰á̰ ń rāā yá̰a̰ ngɔlaā ní n toó.

MISE 7:13

Gotə loo kə́ rang gə̄ a télən̄ i dəla loo, najə̄ kem ndul yā de gə̄ ń ndin̄ tū tə́ ní tə́.

2 YÁ̰A̰ GƏ̄ 36:20

De gə̄ ń teēn̄ ta yo kaskar tə́ ní, mban̄g kə́ Babilon ɔydə́ aw̄ sedə́ Babilon. Nin̄ télən̄ ɓəlo yān gə̄ ō, yā ngánən gə̄ ō, yā ngán kaan gə̄ ō, bátə́ Persə gə̄ reē o̰o̰n̄neé ɓē.

JEREMI 4:26

M-á̰a̰ loo anī, m-á̰a̰ kadə̄ loo ń kāgə̄ gə̄ i ngá̰ý tū tə́ ní tél loo kə́ ndágə doy. Kɔ́ɔ̄ɓē əla hor dɔ ɓē gə̄ tə́ malang kə wōn̄g yān kə́ al̄ naā ngá̰ý.

JEREMI 25:38

De gə̄ ɔtən̄ aw̄n̄ tītə̄ ń ɓɔl a əya̰ń loo ton ní beē. Wōn̄g kə́ ngá̰ý yā Kɔ́ɔ̄ɓē ō, kaskar yān kə́ kumən o̰o̰n aĺ ō, rāān̄ ɓē yādə́ adə̄ téĺ ndágə loo kə́ to kum ko̰.

JEREMI 27:7

Ni ō, ngōnən ō, ngōn̄ kaan ō ní, nápar de gə̄ malang a rāān̄ kəla yā kadə̄də́. Gō tə́ anī, yá̰á̰ ń rāā ɓē ń toō ní, a rāā ɓē yān ō. Nápar de kə́ ngá̰ý gə̄ ō, mban̄g kə́ tɔ́gə́də́ i ngá̰ý gə̄ ō a o̰o̰n̄ ɓē dɔ ɓē yān tə́.

EJEKIEL 6:14

M-ā m-ɔ́jə́ tɔ́gə́ḿ kə̄ ndágá dɔdə́ tə́. M-ā m̄-nujə ɓē yādə́ kɔ̄ɔ́. M-ā m-ə́lá gír i kem dəla loo kə́ dām̄ mbɔ́r ɓē kə́ geleé tə́ bátə́ kem ɓē kə́ Ribəla tə́ dām̄ mbɔ́r ɓē kə́ ko̰ó̰ tə́. Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē.

EJEKIEL 12:19

Gō tə́ anī, ā ə́da de kə́ kem ɓēé gə̄ na: Najə̄ ń Kɔ́ɔ̄ɓē Nə́ɓā əda ní n toó: Gotə de kə́ Jerusalem tə́ gə̄ ń na̰yn̄ dɔ nang kə́ Israel tə́ ní a əsan̄ mápa yādə́ i kə sōlōó ō, a a̰ȳn̄ man̄ yādə́ i kə ɓōĺ kə́ a ndewdə́ ō. Tɔdɔ̄ a nujən̄ ɓē yādə́ sák sák kɔ̄ɔ́, tām̄ de kə́ kemeé gə̄ rāān̄ adə̄ yá̰a̰ rāā kə́ kə dɔ́nɔ́ taā loo kem ɓēé.

EJEKIEL 29:11

Deē aké dā̰ kə́ yā mān̄ loo ń noō tə́ a gətóo ō, ɓē kə́ Ejiptə a rāā ɓāl̄ kutə sɔ́ kanjə̄ kadə̄ deē kógə̄ḿ i kemeé ō.