JEREMI 24:6 - Bibəl ta Sar̄

⁶ M-ā m-ə̄ndā kumḿ dɔdə́ tə́ majə ō, m-ā m̄-tél yā reē sedə́ gogə́ kem ɓē ń toō tə́ ō. M-ā m-ə̄ndādə́ tītə̄ kújə́ kə́ ngan̄g ō, m-ā m̄-nujə sedə́; to̰ aĺ bátə́ ō. M-ā m̄-mā̰ā̰də́ tītə̄ loo mā̰ā̰ kāgə̄ ō, m-ā m̄-ró̰ȳdə́ to̰ aĺ bátə́ ō.

Bible sar

⁶ M-ā m-ə̄ndā kumḿ dɔdə́ tə́ majə ō, m-ā m̄-tél yā reē sedə́ gogə́ kem ɓē ń toō tə́ ō. M-ā m-ə̄ndādə́ tītə̄ kújə́ kə́ ngan̄g ō, m-ā m̄-nujə sedə́; to̰ aĺ bátə́ ō. M-ā m̄-mā̰ā̰də́ tītə̄ loo mā̰ā̰ kāgə̄ ō, m-ā m̄-ró̰ȳdə́ to̰ aĺ bátə́ ō.

JEREMI 24:6 Referans Kwoze

JEREMI 42:10

Ré ī-ndigiī ndi kem ɓē ń toō tə́ anī, m-ā m̄-ə̄ndāsí kemeé ō, m-ā m̄-nujə sesí to̰ aĺ ō. M-ā m̄-mbūsə̄sí kadə̄ ī-raī ngan̄g ō, m-ā m-ɔ̄r̄sí to̰ aĺ i kə́ bátə́ gə̄ tə́ ō. Yá̰á̰ kə́ majaĺ ń m̄-rāā sesí ní, m-ā m̄-tə́ndā gír yā gán̄g kɔ̄ɔ́ ō.

JEREMI 29:10

Kɔ́ɔ̄ɓē ɔr̄ najə̄ i tītə̄ ń toō beé: Ré ɓāl̄ ɓē ko̰o̰ kə́ Babilon tə́ mān̄ asə kutə sīrí anī, m-ā m̄-gír̄ dɔsí tə́. M-ā m̄-rāā kadə̄ ndūḿ ń m-ə̄nī yā tél reē sesí gogə́ loo ń toō tə́ ní, a udə gírí majə.

JEREMI 33:7

M-ā m̄-tél yā kəndā Juda gə̄ ō, Israel gə̄ ō kijə. M-ā m̄-rāā kadə̄ nin̄ tél ndin̄ majə gogə́ tītə̄ kə́ kété.

JEREMI 32:41

Rɔ̄ḿ a nelə̄m̄ tām̄ majə kə́ m̄-rāā sedə́ tə́. Rɔ̄kum, m-ā m-ə̄ndādə́ kə́ rɔ̄ rɔ́ gə̄ tə́ kem ɓē ń toō tə́ kadə̄ tə́lan̄ ngəradə́ ngan̄g. M-a m̄-rāā yá̰á̰ ń noō i kə ngarā̰ kemḿ malang ō, i kə rɔ̄ḿ kə taá ō.

JEREMI 12:15

Ba gō tə́ dan ń m-ā m-ɔ̄r̄də́ kə ngəradə́ oy anī, kumḿ a tél yā ko̰o̰m̄ sedə́. Adə̄ m-ā m̄-tél yā reē sedə́ kógə̄ḿ kógə̄ḿ kem ɓē yādə́ tə́ ō, ta yá̰a̰ kənge yādə́ tə́ ō.

JEREMI 1:10

Ī-ger̄ majə kadə̄ m-ādī ndū ko̰o̰ ɓē dɔ nápar de gə̄ tə́ ō, dɔ ɓē ko̰o̰ gə̄ tə́ ō ɓōólaā, yā kadə̄ ī-ró̰ȳ kə ngəraá ō, ī-ɓéngə̄lē ō, yā kadə̄ ī-nujəń ō, ī-bótə̄yō̰ ō, yā kadə̄ ī-rāā ō, ə̄ndā ō.

JEREMI 32:37

M-ā m-ḭ́ḭ sedə́ kə gō ɓē gə̄ malang ń m̄-tə̄ndā m̄-tḭ̄ḭ̄də́ tū tə́ kə wōngōó ō, wōn̄g kə́ ngá̰ý ō, kə́ al̄ naā ngá̰ý ō ní yā kɔsə dɔdə́ naā tə́. M-ā m̄-tél yā reē sedə́ gogə́ loo ń toō tə́ ō, m-ā m-ə̄ndādə́ kadə̄ ndin̄ laā kanjə̄ kadə̄ yá̰á̰ kógə̄ḿ a̰ȳ ndíĺdə́ ō.

PĀ GƏ̄ 34:15

Ādə̄ kɔ́ɔ̄ ɔr̄ rɔ̄n kɔ̄ɔ́ kadə yá̰á̰ kə́ majaĺ tə́ ō, rāā yá̰á̰ kə́ majə ō, sāā róbə kem sɔl̄ lɔm ō, a̰ȳ ngɔ̄də̄ gō tə́ ō.

1 PIYER 3:12

Tɔdɔ̄ kum Kɔ́ɔ̄ɓē i dɔ de kə́ ngé rāā yá̰a̰ gō tə́ gə̄ tə́ ō, ni nēl̄ mbīn yā koōń ndɔ̄ȳ yādə́ ō. Banī ni-mbātə́ najə̄ gō ngé rāā yá̰a̰ majaĺ gə̄ tə́.

EJEKIEL 36:24

M-ā m-ɔ̄r̄sí kɔ̄ɔ́ dan nápar de gə̄ tə́ ō, m-ā m-ɔ́ýsí kem ɓē gə̄ ń ī-ndiī tū tə́ ní tə́ yā kɔsə njasí naā tə́ ba reē sesí gogə́ dɔ nang yāsí tə́.

JEREMI 23:3

Mā m-ā m̄-kán̄ nja gotə yá̰a̰ kul̄ yāḿ gə̄ ń m̄-tə̄ndā m̄-tḭ̄ḭ̄də́ kə̄ gō ɓē gēé ní naā tə́ malang. M-ā m̄-tél yā reē sedə́ gogə́ dɔ mu kə́ mbōl̄ tə́. A ojən̄ naā ngá̰ý.

NEHEMI 5:19

Nə́ɓā yāḿ, ādə̄ əga kemií dɔ yá̰a̰ malang ń m̄-rāā tām̄ yā gír de gə̄ ń toō tə́ ní ba ī-rāā kem majə seḿ.

2 YÁ̰A̰ GƏ̄ 16:9

Tām̄ kum Kɔ́ɔ̄ɓē a̰a̰ loo dɔ nang tə́ malang i yā kɔsəń kíĺ ngé gə̄ ń kemdə́ i yān kə taá malang ní kə̄ dɔɔ́. I beé n a ī-rāā yá̰a̰ i tītə̄ de kə́ kur̄ dɔn gətóo ní. Adə̄ əla gír ɓōólaā bátə́ kə̄ no tə́ ní ā ī-ra i dan rɔ̄ɔ́.

NDŪ NAJƏ̄ 11:12

I dɔ nang kə́ Kɔ́ɔ̄ɓē Nə́ɓā yāsí a̰a̰ gō, əndā kumən gírí kanjə̄ kɔr ta tə́ ɓālāá ō, ɓaraá ō.

JEREMI 21:10

Kə́ rɔ̄kum tə́ ní, m-ā m̄-tūr̄ rɔ̄ḿ kə̄ rɔ̄ ɓē ń toō tə́ yā rāā yá̰á̰ kə́ majaĺ seneé, ba i yā yá̰á̰ kə́ majə seneé alé. A əlanən̄ jī mban̄g kə́ Babilon tə́ kadə̄ əla hor dɔn tə́. Najə̄ ń Kɔ́ɔ̄ɓē əda ní n noó.

PĀ GƏ̄ 44:2

Nə́ɓā, yá̰á̰ kə́ to rī ɓār̄ gə̄ ń ī-rāā kété jóo ɓāl̄ yā kaají gə̄ tə́ ní, bɔbə̄jí gə̄ ənīn̄jí gotə, adə̄ j-oō kə mbījí.

JEREMI 16:15

Kɔ́ɔ̄ɓē ń rāā adə̄ ngán Israel gə̄ teēn̄ kem ɓē kə́ mbɔ́r ɓē kə́ ko̰ó̰ tə́ ō, kem ɓē gə̄ malang ń tə̄ndā tḭ̄ḭ̄də́ tū tə́ ní ō ní na ndi kə kumneé noō. Tɔdɔ̄ m-ā m̄-tél yā reē sedə́ dɔ nang ń m-ādə̄ kaadə́ gə̄ ní tə́ rɔ̄kum. Najə̄ ń Kɔ́ɔ̄ɓē əda ní n noó.

JEREMI 31:4

m̄-ndigə kəndā bɔr yāí gə̄ kijə, adə̄ ngōmandə kə́ Israel a əndānī gogə́ rang. Ā ī-tél yā kənge kɔdə yāí kə́ majə ngá̰ý gə̄ gogə́ ō, ā ɔ́r no ngé ndām̄ kə rɔ̄nelēé gə̄ ō.

JEREMI 31:28

Gō tə́ anī, m-ā m-ə̄ndā kumḿ gíŕdə́ tə́ majə yā rāādə́ tītə̄ loo rāā ɓē ō, yā kəndādə́ tītə̄ loo kəndā kāgə̄ ō. A to i tītə̄ ń m-ə̄ndań kumḿ gíŕdə́ tə́ majə kété á m̄-ró̰yń yá̰a̰ kə ngəraá ō, m̄-ɓéngə̄leń ō, m̄-bótə̄yoń ō, m̄-nujəń ō, m̄-rāań yá̰á̰ kə́ tōr̄ ō ní. Najə̄ ń Kɔ́ɔ̄ɓē əda ní n noó.

JEREMI 33:9

Ɓē ń toō a tél yá̰a̰ rāā rɔ̄nel̄ ō, yá̰a̰ tɔ̄ȳ ō, yá̰á̰ súū rɔ̄ ō, tām̄ yāḿ mā tə́, dɔ dáń nápar de gə̄ malang kə́ dɔ nang tə́ ń a oōn̄ kōō yá̰á̰ kə́ majə gə̄ malang ń m̄-rāā tām̄ yā Juda tə́ ō Israel tə́ ō ní. M-ā m-ādə̄ a ndin̄ majə ō, m-ā m-ādə̄də́ yá̰á̰ ngá̰ý ō, adə̄ a ɔr kumdə́ ō, a ndewn̄ ō.

AMOS 9:14

Israel gə̄ ń i gír deē yāḿ gə̄ ní, m-ā m̄-rāādə́ kadə̄ a tél a ndin̄ tītə̄ kə́ kété. Ɓē bo kə́ nujə kɔ̄ɔ́ gə̄ ní, nin̄ a télən̄ yā rāā gogə́ ō, a télən̄ yā ndi kem ɓē bo gə̄ ní tə́ gogə́ ō. Nin̄ a əhɔn̄ kāgə̄ nduú gə̄ ō, a a̰ȳn̄ kasə nduú ō. Nin̄ a ndɔrə̄n̄ ō, a əsan̄ yá̰á̰ kə́ ndɔrɔ́ ō.

TA KƏLA 44:21

Ḭ̄ ī-mēr̄jí reē seneé yā ka̰a̰n kə kumií.

IJAI 14:1

Kɔ́ɔ̄ɓē a a̰a̰ kum tō ndoō yā Jakob. A̰á̰ā̰, ni a ɔjə ɓáý to̰ kadə̄ i ni n gə̄rā Israel ní. Ni a əndā Israel gə̄ dɔ nang yādə́ tə́ ō, tə̄rā gə̄ a ɓoon̄ rɔ̄də́ naā tə́ sedə́ ō, a télən̄ kojə yā Jakob gə̄ ō.

IJAI 60:21

Gír deē yāí gə̄ malang a oōn̄ taḿ, nin̄ a télən̄ kɔ́ɔ̄ ɓē ń toō ngándáńg. m̄-rāādə́ kə jīḿ i yā kadə̄ nin̄ ɔjən̄ kɔsə gɔn yāḿ. Nin̄ ton̄ i tītə̄ kāgə̄ kə́ mə̄kɔ́ m-ə̄ndā kem ndɔr̄ yāḿ tə́ beé.

JEREMI 39:12

Á̰a̰ gōn majə ō, əndā kumií gírən̄ tə́ ō. Ī-rāā yá̰á̰ kə́ majaĺ sḛ́ý seneé alé ba ī-rāā yá̰a̰ gə̄ ń nel̄ kemən ni ādə̄n.