JEREMI 24:5 - Bibəl ta Sar̄

⁵ Kɔ́ɔ̄ɓē Nə́ɓā yā Israel ɔr̄ najə̄ i tītə̄ ń toō beé: M-ā m-á̰a̰ de kə́ Juda tə́ gə̄ ń əhɔn̄də́ aw̄n̄ sedə́ kem ɓē yā Kalde gə̄ tə́ ní kə kumḿ kə́ majaá tītə̄ loo ndə̄ngā kan̄ kótə̄ kə́ majə ngá̰ý gə̄ ń noō.

Bible sar

⁵ Kɔ́ɔ̄ɓē Nə́ɓā yā *Israel ɔr̄ najə̄ i tītə̄ ń toō beé: M-ā m-á̰a̰ de kə́ *Juda tə́ gə̄ ń əhɔn̄də́ aw̄n̄ sedə́ kem ɓē yā Kalde gə̄ tə́ ní kə kumḿ kə́ majaá tītə̄ loo ndə̄ngā kan̄ kótə̄ kə́ majə ngá̰ý gə̄ ń noō.

JEREMI 24:5 Referans Kwoze

JAKARI 13:9

Ngé gə̄ ń a ndin̄ kə kumdə́ ɓáý ní, m-ā m̄-rāādə́ kadə̄ nin̄ a unjə̄n̄ njáý njáý, tītə̄ lɔ́r ō gində̄ arjā̰a̰ ń deē nōō kum hor tə́ adə̄ unjə̄ njáý njáý noó beē. Loo ń noō tə́ nin̄ a ɓārə́mə̄n̄ ō, m-ā m̄-ndigədə́ ō. M-ā m-ə́da na: Sḭḭ̄ i gír deē yāḿ gə̄ ō, nin̄ a ədan̄ na: Kɔ́ɔ̄ɓē, ḭ̄ i Nə́ɓā yājí ō.

NAHUM 1:7

Kɔ́ɔ̄ɓē i de kə́ majə. Ni i dabə kə́ yā ndi gírí dan wur kɔl tə́. Ngé gə̄ ń əndān̄ kemdə́ dɔn tə́ ní, ni-a̰a̰ gōdə́

JEJU TEĒ KUM JA̰A̰ 3:19

De gə̄ malang ń mā m̄-táŕdə́ ní, m̄-gɔŕyɔ̄də́ ō, m-ə́ndádə́ m-ɔ́jəńdə́ yá̰a̰ ō. I beé ní ī-təngā ba ī-tūr̄ hálí.

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.

GALATƏ 4:9

Ba ngɔlaā ī-gerī Nə́ɓā, ba kə́ rɔ̄kum tə́ tā anī, i Nə́ɓā n ger̄sí ní. Ní, i ba̰ý á ī-tél ā ī-rāāī kəla yā tɔ́gə́ kə́ dɔ nang tə́ gə̄ ń i nə́ɓā kə́ rɔ̄kum aĺ gə̄ ní? I tām̄ rí tá ī-téliī ɓəlo yādə́ gə̄ ɓáý ní?

1 KORḚNTƏ 8:3

Ba ré deē táŕ Nə́ɓā anī, Nə́ɓā ger̄ kɔ́ɔ̄.

Makətūbə̄ ń Pol ndang adə̄ Rom gə̄ ní 8:28

Jə-gerī majə kadə̄ ngé gə̄ ń tárən̄ Nə́ɓā á nin̄ i nge gə̄ ń Nə́ɓā ɓāŕdə́ kə gō yá̰á̰ ń nəkɔ́ núm̄ kété ní, yá̰a̰ malang ń rāādə́ ní, Nə́ɓā a rāā kadə̄ i yá̰á̰ kə́ majə tām̄ yādə́ tə́.

JA̰A̰ 10:27

Batə̄ yāḿ gə̄ oōn̄ ndūḿ, ba mā m̄-ger̄də́ ō, nin̄-unən̄ gōḿ ō.

MATIYE 25:12

Banī ni-tūr̄ ədadə́ na: Ādə̄ m-ə́dásí najə̄ kə́ bo ngá̰ý, m̄-ger̄sí alé.

PĀ GƏ̄ 119:71

Rɔ̄sɔl̄ ń əlan̄ dɔḿ tə́ ní i yá̰á̰ kə́ majə tām̄ yāḿ tə́, kadə̄ m̄-ndóoń yá̰a̰ gə̄ ń ī-ndang kadə̄ yā rāā ní.

PĀ GƏ̄ 119:67

Kété ní m̄-gól̄ i rɔ̄ḿ adə̄ rɔ̄ḿ sɔlə̄m̄, ba ngɔlaā m̄-rāā yá̰a̰ gə̄ ń ɔ́sə kə de gēé ta rāā ní.

NDŪ NAJƏ̄ 8:16

Mána ń i yá̰a̰ kəsa kə́ kaasí gə̄ gerə̄n̄ aĺ ní, i ni n i nge kadə̄sí kadə̄ ə́saī kem dəla loo tə́ ní. Ni- rāā adə̄ ko̰y əngesí i yā nāańsí ō, yá̰á̰ kə́ majə gə̄ kə́ tām̄ yāsí tə́ ní, ni-əndā dɔ jīn yā rāań majə sesí kem ndɔ̄ gə̄ ń a reēn̄ ɓáý tə́ ní ō.

JEREMI 24:4

Tā anī Kɔ́ɔ̄ɓē ɔr̄ najə̄ seḿ ədam̄ na:

JEREMI 29:4

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda de gə̄ malang ń əhɔn̄də́ Jerusalem aw̄n̄ sedə́ Babilon ní n toó.

JEREMI 29:20

Sḭḭ̄ de gə̄ malang ń m̄-rāā ādə̄ əhɔn̄sí Jerusalem aw̄n̄ sesí Babilon tə́ ní, ōōī najə̄ yā Kɔ́ɔ̄ɓē.

EJEKIEL 11:17

Adə̄ ə́dádə́ najə̄ ń toō ādə̄m̄, ə́dádə́ na: Mā Kɔ́ɔ̄ɓē Nə́ɓā, m-ā m-ɔ́ýsí dan gír de kə́ tayā tayā gə̄ ń m̄-tə̄ndā m̄-tḭ̄ḭ̄sí dandə́ tə́ ní ō, m-ā m-ɔ́ýsí kem ɓē gə̄ ń āwī tū tə́ dɔ gúú tə́ ní ō, yā kɔsə njasí naā tə́, ba yā tél kadə̄sí dɔ nang kə́ Israel tə́ gogə́.

LEBI GƏ̄ 26:44

Nəkɔ́ ń a ndinəń kem ɓē yā madə̄ ba̰ā̰də́ gə̄ tə́ noō, n-ā tūr̄ gidəḿ tadə́ tə́ aĺ ō, m-ā m̄-kídə̄də́ bátə́ yā tɔ̄ləńdə́ kɔ̄ɔ́ malang aĺ ō, yā nujəń madə̄ naā ń m-ə́hɔ sedə́ ní aĺ ō, tɔdɔ̄ mā i Kɔ́ɔ̄ɓē Nə́ɓā yādə́.

JEREMI 29:11

Mā m̄-ger̄ yá̰a̰ gə̄ ń m̄-nóm̄ yā rāā tām̄ yāsí tə́ ní, i ndi majə ba i yá̰á̰ kə́ to kum kaȳ aĺ alé. Ta ndo̰sí a aw̄ kum kə̄ kété majə ō, ā ə́ngeī yá̰á̰ kə́ yā kəndā kemsí dɔ tə́ ō. Najə̄ ń Kɔ́ɔ̄ɓē əda ní n noó.

EJEKIEL 11:20

I beé n ā úniīń gō ndū najə̄ ń m-ādə̄sí ní ō, ā ə̄ndāiń kumsí gír jī bēl̄ loo rāā yá̰a̰ yāḿ gə̄ tə́ ba ā úniīń gō ní ō. Loo ń noō tə́ sḭḭ̄ i gír deē yāḿ gə̄ ō, mā i Nə́ɓā yāsí ō.