JEREMI 24:10 - Bibəl ta Sar̄

¹⁰ M-ā m-ə́la kə kaskaraá ō, kə ɓōó ō, kə mo̰y ngāl̄bɔ̄gīí ō dɔ dáńdə́ tə́, bátə́ kadə̄ gətóoneé kɔ̄ɔ́ dɔ nang ń m-ādə̄də́ nin̄ ō kaadə́ gə̄ ō ní tə́.

Bible sar

¹⁰ M-ā m-ə́la kə kaskaraá ō, kə ɓōó ō, kə mo̰y ngāl̄bɔ̄gīí ō dɔ dáńdə́ tə́, bátə́ kadə̄ gətóoneé kɔ̄ɔ́ dɔ nang ń m-ādə̄də́ nin̄ ō kaadə́ gə̄ ō ní tə́.

JEREMI 24:10 Referans Kwoze

IJAI 51:19

Yá̰á̰ kə́ to kum kaȳ aĺ gə̄ əhɔn̄ naā i jōó jōó n teēn̄neé dɔí tə́ ní: Yá̰a̰ rāā kə́ kə dɔ́nɔ́ ō nujə loo ō, ɓō ō rɔ̄ɔ̄ ō. Banī i náā n a nōōī ní? I náā n a tél kə kəndā kem dɔ tə́ yā kadī gogə́ ní?

EJEKIEL 33:27

Ə́dádə́ najə̄ ń toō ādə̄m̄: Tītə̄ ń mā Kɔ́ɔ̄ɓē m̄-ndiń kə kumḿ rɔ̄kum noó, m̄-tāāsí. Ngé gə̄ ń ndin̄ kem ɓē bo kə́ nujə kɔ̄ɔ́ gə̄ tə́ ní, a oyn̄ yo mósə ō, ngé gə̄ ń ndin̄ kem ɓē ndɔr̄ gə̄ tə́ ní, dā̰ kə́ bembeé gə̄ a əsan̄də́ ō. Ngé gə̄ ń ɓɔ̄ɔ̄n̄ rɔ̄də́ dan mbal̄ gə̄ tə́ ō, kə̄ bəlo mbal̄ gə̄ tə́ ō ní, a oyn̄ yo mo̰y ngāl̄bɔ̄gīí.

EJEKIEL 7:15

Rɔ̄ɔ̄ i ndágá ba mo̰y ngāl̄bɔ̄gīí ō, ɓō ō i kemeé. Dəngam gə̄ a oyn̄ ta rɔ̄ɔ̄ tə́ kem bembeé ō, nin̄ a oyn̄ yo ɓō ō, yo mo̰y ngāl̄bɔ̄gīí ō kem ɓēé.

JEREMI 34:17

I tām̄ ń toō tə́ n Kɔ́ɔ̄ɓē ɔr̄ najə̄ tītə̄ ń toō beé ní: Sḭḭ̄ ōōī najə̄ yāḿ kadə̄ ə́ya̰īneé ngákó̰ó̰sí gə̄ ō, ngáń ngé ɓē gə̄ ō dɔɔ́ aĺ ní, mā m-ā m-ə́yá̰sí kadə̄ ə̄sōī ta kaskar tə́ ō, kadə̄ mo̰y ngāl̄bɔ̄gīí ō, ɓō ō əsōn̄ dɔsí tə́. M-ā m̄-rāā kadə̄ ī-téliī yá̰a̰ kɔjə kə́ to ɓōĺ ngá̰ý ta kum ɓē ko̰o̰ gə̄ malang kə́ dɔ nang tə́. Najə̄ ń Kɔ́ɔ̄ɓē əda ní n noó.

JEREMI 27:8

Nápar de gə̄ ō, ɓē ko̰o̰ ō ń mbātə́n̄ rāā kəla kadə̄ Nabukodonosor, mban̄g kə́ Babilon tə́ ō, mbātə́n̄ kənī njúkə yān míndə́də́ tə́ ō ní, m-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāā kadə̄ nəkɔ́ tɔ̄l̄də́ kə jīneé malang kɔ̄ɔ́. Najə̄ ń Kɔ́ɔ̄ɓē əda ní n noó.

JEREMI 19:7

m-ā m-ādə̄ i ngé ndə̄ngān̄də́ yo gə̄ n a tɔ̄lə̄n̄də́ kə jīdə́ ní. M-ā m-ādə̄ nīń de kə́ ngá̰ý gə̄ ń toō yel̄ kə́ dɔ rā̰ tə́ gə̄ ō, dā̰ kə́ dɔ nang tə́ gə̄ ō kadə̄ əsan̄.

JEREMI 16:4

Ɓō a rāādə́ bátə́ yā tɔ̄l̄də́. Deē a nōōdə́ aĺ ō, dubə̄də́ aĺ ō, a télən̄ bū loo dɔ dā̰ nang tə́ ō, a oyn̄ yo kaskar ō, yo ɓō ō. Nīńdə́ a téĺ yá̰a̰ kəsa yā yel̄ kə́ no rā̰ tə́ gə̄ ō, dā̰ kə́ dɔ nang tə́ gə̄ ō.

JEREMI 15:2

Ba ré dəjenī ədan̄ na: Ní kə j-aw̄ i kə̄ rá tāā wa anī, ḭ̄ ā ī-téĺ ə́dádə́ na: Najə̄ ń Kɔ́ɔ̄ɓē əda ní n toó: Deē ń i tām̄ yā yo tə́ ní i tām̄ yā yo tə́. Deē ń i tām̄ yā kaskar tə́ ní i tām̄ yā kaskar tə́. Deē ń i tām̄ yā ɓō tə́ ní i tām̄ yā ɓō tə́, deē ń i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́ ní, i tām̄ yā kəhɔn dɔ gúú tə́ kaw̄ seneé dɔ ɓē kə́ rang tə́.

JEREMI 9:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ī-dəjeī ādə̄ ɔjən̄sí dɔ dəyá̰ kə́ ngé nōō yo gə̄. Ī-ɓāríīdə́ ādə̄ reēn̄. Ī-ɓaríī dəyá̰ kə́ ngé kun pā nōō yo gə̄ ādə̄ reēn̄.

JEREMI 5:12

Nin̄ mbātə́n̄ Kɔ́ɔ̄ɓē ba ədan̄ na: Kɔ́ɔ̄ɓē gətóo, yá̰á̰ kə́ to kum kaȳ aĺ a rāājí alé, j-a j-oyiī yo kaskar aĺ ō yo ɓō aĺ ō.

JEJU TEĒ KUM JA̰A̰ 6:8

Anī m-á̰á̰ sə́ndá kə́ ɓálən ndul gusə gusə. Ba deē ń ndi gidən tə́ ní, rīn na i yo ō, loo kə́ ɓádá un gōn ō. Ré gángə̄n̄ dɔ nang gír loo sɔ́ anī, gírən kə́ kógə̄ḿ ní, adə̄n̄də́ tɔ́gə dɔ tə́ kadə̄ tɔ̄lə̄n̄ de kə́ tū tə́ gə̄ kə kaskaraá ō, kə ɓōó ō, kə mo̰yo̰ó̰ ō, kə dā̰ ngān̄g gə̄ kə́ dɔ nang tə́ ō.

NDŪ NAJƏ̄ 28:21

Kɔ́ɔ̄ɓē a ənī mo̰y ngāl̄bɔ̄gīí dɔí tə́ dɔ nang ń ā āw̄ kə̄ taā tə́ ní, kadə̄ tɔ̄lī bátə́ kadə̄ ī-təgāń kɔ̄ɔ́ malang.

JEREMI 21:9

Deē ń a ndi kem ɓē ń toō tə́ ní a oy yo kaskar ō, yo ɓō ō, yo mo̰y ngāl̄bɔ̄gīí ō. Banī deē ń a teē yā kaw̄ nam̄ Kalde gə̄ ń gīrə̄n̄ gidəsí ní a ndi kə kumneé ō, a rāā rɔ̄nel̄ teē ń teē ta yo tə́ ní ō.

JEREMI 42:17

De gə̄ ń a əsōn̄ róbó yā kaw̄ ndi Ejiptə tə́ ní, a oyn̄ yo kaskar ō, yo ɓō ō, yo mo̰y ngāl̄bɔ̄gīí ō. De kə́ dandə́ tə́ kə́ a ndi kə kumneé, aké a teē ta yo tə́ kum yá̰á̰ kə́ to kum kaȳ aĺ ń m-ā m̄-rāā kadə̄ əsō dɔdə́ tə́ ní a gətóo.

1 MBAN̄G GƏ̄ 14:15

Gō tə́ anī Kɔ́ɔ̄ɓē a ənda Israel gə̄. Nin̄ a yéȳn̄ tītə̄ mu tə̄ɓā kə́ kadə man̄ tə́. Kɔ́ɔ̄ɓē tə̄ɓādə́ dɔ nang kə́ majə ń adə̄ kaadə́ gə̄ tə́ ní kɔ̄ɔ́, ba a tə̄ndā yā tḭ̄ḭ̄də́ gidə bā Opəratə kə́ dām̄ kə́ nó tə́, tɔdɔ̄ nin̄ udən̄ kāgə̄ ɓesə̄ kə́ yā ɓōĺ gidə gə̄ adə̄n̄neé Kɔ́ɔ̄ɓē wōn̄g.

JEREMI 9:15

M-ā m̄-tə̄ndā m̄-tḭ̄ḭ̄də́ kə̄ dan nápar de gə̄ kə́ nin̄ kɔ́ gə̄ gə̄gē, kaadə́ gə̄ gə̄gē, gerə̄n̄də́ aĺ ɓáý tə́ ō, m-ā m̄-ngɔ̄də̄də́ kə kaskaraá bátə́ kadə̄ m̄-tɔ̄l̄də́ təgā ō.

JEREMI 14:12

Ré ndin̄ ɓō tām̄ yāḿ tə́ a, m-ā m-ōō nōō yādə́ alé. Ré ndējə̄mə̄n̄ dā̰ gə̄ kə́ yā róō horoó ō, yá̰a̰ ndējə̄ kə́ rang gə̄ ō anī, a nelə̄m̄ kə yá̰a̰ gə̄ ń noō alé. M-ā m̄-tɔ̄l̄də́ kə kaskaraá ō, kə ɓōó ō, kə mo̰y ngāl̄bɔ̄gīí ō, kadə̄ təgān̄.

JEREMI 29:17

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: M-ā m-ə́la kə kaskaraá ō, kə ɓōó ō, kə mo̰y ngāl̄bɔ̄gīí ō dɔdə́ tə́, m-ā m̄-rāādə́ kadə̄ a ton̄ tītə̄ kan̄ kótə̄ kə́ ndum gə̄ ō, kə́ majən̄ aĺ ngá̰ý adə̄ dum̄ kəsa ō.

JEREMI 29:18

M-ā m̄-tə̄ɓā gōdə́ kə kaskaraá ō, kə ɓōó ō, kə mo̰y ngāl̄bɔ̄gīí ō. M-ā m̄-rāādə́ kadə̄ a télən̄ yá̰á̰ kə́ to ɓōĺ kə́ ɓē ko̰o̰ gə̄ malang kə́ dɔ nang tə́ a ndɔ̄lə́n̄ naā i kə rīneé ō, yá̰á̰ kə́ to kum ko̰o̰ kə́ de gə̄ a əgan̄ kɔŕ ɓōĺ dɔ tə́ ō, a tájə̄n̄ ō, kem ɓē yā nápar de gə̄ ń m̄-tə̄ndā m̄-tḭ̄ḭ̄də́ tū tə́ ní.

JEREMI 32:24

Kalde gə̄ ɔsən̄ nán̄g kə̄ dɔ naā tə́ kadə ndogə̄ mbal̄ tə́ gidə ɓē tə́ yā taāń ɓē. Ɓē a əsō kem jī Kalde gə̄ ń ənīnən̄ rɔ̄ɔ̄ ō, rāān̄ kumən ndoō tə́ kə kaskaraá ō, kə ɓōó ō, kə mo̰y ngāl̄bɔ̄gīí ō ní. Yá̰á̰ ń ə́da ní rāān rɔ̄kum ba ḭ̄ ī-ndi á̰a̰ loo kə̄ rɔ̄n tə́.

JEREMI 32:25

Kɔ́ɔ̄ɓē Nə́ɓā, ḭ̄ ī-ger̄ majə kadə̄ ɓē a əsō kem jī Kalde gə̄ tə́, ba i tām̄ rí tə́ á ī-mērə̄m̄ mbɔ̄jə́ nar ta kum de kə́ kum tə́ gə̄ tə́ yā mangəń loo ndɔr̄ ní?

JEREMI 42:22

Ngɔlaā ní, ī-gerī majə kadə̄ ā óyiī yo kaskar ō, yo ɓō ō, yo mo̰y ngāl̄bɔ̄gīí ō, loo ń sḭḭ̄ ī-gḛyiī kaw̄ ɓɔ̄ɔ̄ rɔ̄sí tū tə́ ní tə́.

EJEKIEL 6:11

Kɔ́ɔ̄ɓē Nə́ɓā ɔr̄ najə̄ tītə̄ ń toō beé əda na: Ə́nda jīí, ə́ɓa njaí nang tə́, ba ə́da na: Gír yá̰á̰ kə́ majaĺ ngá̰ý yā ngán Israel tə́ gə̄ ń oyn̄ yo kaskar ō, yo ɓō ō, yo mo̰y ngāl̄bɔ̄gīí ō ní gān̄g tā.