JEREMI 23:9 - Bibəl ta Sar̄

⁹ Jeremi ɔr̄ najə̄ dɔ ngé koō ta gə̄ tə́ əda na: Ngarā̰ kemḿ nujə ō, m̄-ndew yakə yakə ō. m̄-to tītə̄ nge kasə rāā ń kasə nduú rāān ngá̰ý noō beé, najə̄ yā Kɔ́ɔ̄ɓē tə́ ō, tām̄ najə̄ kə́ táĺ gə̄ tə́ ō.

Bible sar

⁹ Jeremi ɔr̄ najə̄ dɔ *ngé koō ta gə̄ tə́ əda na: Ngarā̰ kemḿ nujə ō, m̄-ndew yakə yakə ō. m̄-to tītə̄ nge kasə rāā ń kasə *nduú rāān ngá̰ý noō beé, najə̄ yā Kɔ́ɔ̄ɓē tə́ ō, tām̄ najə̄ kə́ *táĺ gə̄ tə́ ō.

JEREMI 23:9 Referans Kwoze

HABAKUK 3:16

M-ōō kōō yá̰á̰ ń noō malang, adə̄ kemḿ nujə sák sák kɔ̄ɔ́. Ɓōĺ rāām̄ adə̄ taḿ ndew ō, rɔ̄ḿ sɔl̄ yélélé ō. Njaḿ əhɔ dɔ nang aĺ ō. m̄-ndi kə taḿ kə́ mbóó m̄-ngóoń ndɔ̄ wur kɔl, yā kadə̄ m-āw̄ m̄-rɔ̄ɔń gír de gə̄ ń ənīn̄jí rɔ̄ɔ̄ ní tə́.

DANIEL 8:27

Kum mbang ń noō tə́ ɓáa mā Daniel tɔ́gə́ḿ ur̄ wak kɔ̄ɔ́ ō, gō tə́ anī m̄-rāā mo̰y ndɔ̄ ngá̰ý ō. Dan ń m-ḭ́ḭ dɔ mo̰y tə́ ɓáa m̄-rāā kəla yā mban̄g. Yá̰á̰ ń m-á̰a̰ā̰ ní rāām̄ kə ɓōló ngá̰ý ō, de kə́ ger̄ kum gətóo ō.

NŌŌ RƆ̄ 3:15

Ni rāām̄ adə̄ wurəḿ atə̄m̄ ngá̰ý ō, adə̄m̄ man̄ mu kə́ atə̄ kárárá adə̄ m-ā̰ȳ ō.

IJAI 51:21

I beé ní, ḭ̄ ɓē kə́ kumií tō ndoō, ōō najə̄ ń toō: Yá̰a̰ rāāí kə́ kasə tə́, banī i kasə nduú n rāāī ní alé.

PĀ GƏ̄ 60:3

Nə́ɓā ḭ̄ ī-mbātə́jí, ī-tə̄ndā ī-tḭ̄jí kə̄ loo gə̄ tə́. I wōn̄g n rāāī ní ba úńjí dɔɔ́ gogə́ rang.

Makətūbə̄ ń Pol ndang adə̄ Rom gə̄ ní 7:9

Tām̄ kété dan ń gō míndə gətóó ní, mā m̄-ndi majə. Ba dan ń ndū najə̄ reē ní anī, yá̰á̰ kə́ majaĺ tél ajə ying gogə́,

EJEKIEL 9:6

Ī-tɔ̄lī ɓə́ga gə̄ ō, ngásáā gə̄ ō, ngámandə gə̄ ō, ngán gə̄ ō, dəyá̰ gə̄ ō! Ī-rāāī ādī nin̄ gətóon̄ kɔ̄ɔ́ malang! Banī de gə̄ malang ń əjan̄ yá̰a̰ nɔtə nodə́ tə́ ní, ī-lōōī kɔdə rɔ̄də́. Ə́laī gír kem loo kə́ táĺ yāḿ tə́ laā. Loo ń noō tə́ nin̄ əlan̄ gír tɔ̄l̄ kum kɔɔ̄ gə̄ ndin̄ ta kújə yā Kɔ́ɔ̄ɓē tə́ ní.

EJEKIEL 9:4

ba ədan na: Āw̄ ī-njə̄rā kem ɓē kə́ Jerusalem tə́ kə taá, ba de gə̄ malang ń a nōōn̄ rɔ̄də́ ō, najə̄ tōr̄ kemdə́ ō, tām̄ yā yá̰a̰ rāā kə́ majaĺ ngá̰ý gə̄ kə́ kemeé tə́ ní, ə́já yá̰a̰ nodə́ tə́.

JEREMI 9:1

Ré de gə̄ adə̄mə̄n̄ loo ɓɔ̄ɔ̄ rɔ̄ yā ngé njə̄rā mbā kə jámbal gə̄ dəla loo tə́ anī, m-ā m-ə́yá̰ gír deē yāḿ gə̄ kɔ̄ɔ́ ō, m-ā m-ɔ̄r̄ rɔ̄ḿ kɔ̄ɔ́ rɔ̄də́ tə́ ō. Nin̄ malang i ngé sāā naā gír naā tə́ ō, ngé kɔr̄ gír naā gə̄ ō.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

IJAI 29:9

Ādə̄ ɔr kumsí ō, ī-ndiī kanjə̄ kəda yá̰a̰ ō. Ī-téliī ngé kum tɔ̄ɔ̄ gə̄ ō, ī-ndiī kanjə̄ ka̰a̰ loo ō. Ādī kasə rāāsí, ba i kanjə̄ ka̰ȳ kasə nduú. ī-bḭ́ḭ̄ḭ̄ sitə sitə, ba i kanjə̄ ka̰ȳ kasə.

IJAI 28:1

I yá̰á̰ kə́ to kum kaȳ aĺ kə́ ba̰ý beē tām̄ yā ɓē kə́ Samari tə́! Ɓē ń toō ń to tītə̄ jākā mbang beé ní, ngé kasə rāā gə̄ kə́ dɔ nang yā Epəraim tə́ əndan̄ gúúdə́ tāmən tə́ Ɓē ní ndi i dɔ ngōn̄ mbal̄ ń deē ra dɔ tə́ anī a̰a̰ wól loo kə́ teē kōō ngá̰ý ní. Súūn̄ ɓē ní adə̄ majə ngá̰ý. Banī ɓē ní to i tītə̄ hútə̄ yá̰á̰ kə́ tutə kə́ to dɔ de gə̄ kə́ kasə nduú rāādə́ kɔ̄ɔ́ tə́ beē.

IJAI 6:5

Anī m-ə́da na: Yá̰á̰ kə́ to kum kaȳ aĺ a teē dɔḿ tə́! Mā i kə́ taḿ tḭ̄ḭ̄ kɔ̄ɔ́! Mā i de kə́ taḿ i kə́ yḛr ō, m̄-ndi i dan de gə̄ kə́ tadə́ i kə́ yḛr tə́ ō, kumḿ a̰a̰ mban̄g ń i Kɔ́ɔ̄ɓē kə́ bo kə́ tɔ́gən i ngá̰ý ní ō!

PĀ GƏ̄ 69:20

Ī-ger̄ kadə̄ tájə̄mə̄n̄ ō, rɔȳmə̄n̄ aĺ ō, əlan̄ rɔ̄sɔl̄ kə́ ngá̰ý dɔḿ tə́ ō, madə̄ kɔ̄lə̄ḿ gə̄ ḭḭ ran̄ noḿ tə́ malang ō.

JEREMI 8:18

Yá̰á̰ kə́ asə kɔr̄ wur kɔl yāḿ gətóo. Rɔ̄ḿ kə taá malang oy yélélé.

JEREMI 20:9

Ba ré m-ə́da na m-ā m̄-gír̄ dɔ tə́ to̰ aĺ ō, m̄-rāā rɔ̄ḿ i kújə dəngáý tə́ tām̄ yā najə̄ ní tə́. M-ə́hɔ rɔ̄ḿ tɔgə yā kɔgə̄n teē ndágá tā ba tɔ́gə́ḿ asə alé.

JEREMI 36:16

Dan ń nin̄ oōn̄ najə̄ gə̄ ń noō malang anī, ɓōĺ rāādə́ ngá̰ý adə̄ a̰a̰n̄ ta kum naā ba ədan̄ Baruk na: J-a j-aw̄ yā kənī gotə najə̄ ń toō malang kadə̄ mban̄g oō.

EJEKIEL 13:3

Najə̄ ń mā Kɔ́ɔ̄ɓē Nə́ɓā m-ə́dá ní n toó: Yá̰á̰ kə́ to kum kaȳ aĺ a teē dɔ ngé koō ta kə́ mbóo gə̄ tə́. Nin̄ a unən̄ i gō gír̄ yādə́ nin̄ kɔ́ gə̄ ń reē dɔdə́ tə́ ní, ba a̰a̰n̄ yá̰á̰ kógə̄ḿ alé.