JEREMI 23:40 - Bibəl ta Sar̄

⁴⁰ M-ā m̄-rāā kadə̄ de gə̄ a kídə̄n̄sí ngándáńg ō, a əlan̄ rɔ̄sɔl̄ dɔsí tə́ kə́ mjɔ́ḿ gə̄ tə́ ō. Dɔ deē a ndígə̄nal dɔ tə́ alé.

Bible sar

⁴⁰ M-ā m̄-rāā kadə̄ de gə̄ a kídə̄n̄sí ngándáńg ō, a əlan̄ rɔ̄sɔl̄ dɔsí tə́ kə́ mjɔ́ḿ gə̄ tə́ ō. Dɔ deē a ndígə̄nal dɔ tə́ alé.

JEREMI 23:40 Referans Kwoze

JEREMI 20:11

Banī Kɔ́ɔ̄ɓē i seḿ tītə̄ go̰ rɔ̄ɔ̄ kə́ tɔ́gən i ngá̰ý. adə̄ nja ngé rāāḿ ndoō tə́ gə̄ a əhɔ nang aĺ ō, asən̄ rāā yá̰á̰ ń a sāān̄ rāā ní aĺ ō. a asən̄ alé, adə̄ rɔ̄də́ a sɔl̄də́ ngá̰ý. I rɔ̄sɔl̄ kə́ a to ta kaw̄ jóo ō, dɔ deē a ndígə̄nal dɔ tə́ aĺ ō.

JEREMI 42:18

Rɔ̄kum, najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Tītə̄ ń wōn̄g yāḿ ō, wōn̄g kə́ ngá̰ý yāḿ ō rāāmə̄nneé dɔ de kə́ Jerusalem tə́ gə̄ ní, wōn̄g kə́ ngá̰ý yāḿ a rāām̄ dɔsí tə́ i tītə̄ ń noō ō, dan ń ā ūgīneé Ejiptə tə́ ní. Sḭḭ̄ ā ī-téliī i yá̰á̰ kə́ nujə sák sák kɔ̄ɔ́ ō, kə́ túbə ō, ndɔ̄ĺ ō i dɔ tə́, kə́ de gə̄ kídə̄n̄ ō, kə́ to rɔ̄sɔl̄ ō.

OJEE 4:7

Ngé tun̄ yá̰a̰ gə̄ malang kanjə̄ kɔr̄ deē kógə̄ḿ kə̄ gogə́ ní, mānə̄n̄ dɔ ndūḿ. I beé ɓá ní, m̄ ī-tūr̄ gíŕ yá̰a̰ kɔjə rɔ̄ yādə́ kadə̄ téĺ yá̰a̰ rɔ̄sɔl̄.

DANIEL 12:2

De gə̄ ń to a ɓīīn̄ ɓádá ní, ngá̰ý gə̄ a ndólə̄n̄. Kə́rēý gə̄ ndólə̄n̄ i tām̄ yā ndi kə kumuú kə́ ndándáńg tə́ ō, kə́rēý gə̄ i tām̄ yā rɔ̄sɔl̄ kə́ ngá̰ý tə́ ō, yá̰á̰ kə́ majə ka̰ā̰ aĺ ngá̰ý kə́ a to ngándáńg tə́ ō.

DANIEL 9:16

Kɔ́ɔ̄ɓē, ún wōn̄g yāí kə́ ngá̰ý kɔ̄ɔ́ dɔ ɓē kə́ Jerusalem tə́ sɔɔ̄ń kəla rāāí gə̄ kə́ gōtə́, tɔdɔ̄ Jerusalem i ɓē yāí, i mbal̄ yāí kə́ táĺ. Tām̄ de gə̄ malang ń gīrə̄n̄ gidəjí tájə̄n̄ ɓē kə́ Jerusalem ō, gír deē yāí gə̄ ō i tām̄ yá̰á̰ kə́ majaĺ gə̄ ń jə-rāā tə́ ní ō, yá̰á̰ kə́ gōtə́ aĺ gə̄ ń kaají gə̄ rāān̄ tə́ ní ō.

JEREMI 24:9

M-ā m-ūtə̄ kumḿ njárárá, ba m-ā m̄-rāādə́ kadə̄ télən̄ yá̰á̰ kə́ to ɓōĺ tām̄ yā ɓē ko̰o̰ gə̄ malang kə́ dɔ nang tə́ tə́. A ənīn̄ pā sedə́ ō, a lurən̄də́ ō, a tájə̄n̄də́ ō, a ndɔ̄lə́n̄də́ ō, kə gō loo gə̄ malang ń m̄-tə̄ndā m̄-tḭ̄ḭ̄də́ tū tə́ tə́ ní.

NDŪ NAJƏ̄ 28:37

Gír de gə̄ malang ń Kɔ́ɔ̄ɓē Nə́ɓā yāí a aw̄ seí ɓēé loodə́ ní a ɔr kumdə́ seí. A əgōnī ō, a lurnī ō.

EJEKIEL 16:52

I beé ɓá ní, ta i dɔí tə́ ngɔlaā kadə̄ ə́la dɔí gír rɔ̄sɔl̄ tə́ sɔɔ̄ń yá̰a̰ rāāí kə́ gōtə́ aĺ gə̄: A̰á̰ā̰, ḭ̄ ī-rāā yá̰á̰ kə́ majaĺ ngá̰ý al̄ naā tɔȳ yā ngákó̰ó̰í kə́ dəyá̰ gə̄. I beé n nin̄ tonə̄ń tītə̄ de kə́ gōtə́ tɔyī gə̄ ní. Adə̄ ta i dɔí tə́ kadə̄ rɔ̄í sɔlī ō, hɔ̄r̄mɔ̄í gətóo ō.