JEREMI 23:39 - Bibəl ta Sar̄

³⁹ á̰a̰ī m-ā m-ə́yá̰sí kɔ̄ɔ́ ō, m-ā m̄-tə̄ɓāsí kɔ̄ɔ́ ta kumḿ tə́ ō. M-ā m-ə́yá̰sí sḭḭ̄ ō, ɓē ń m-ādə̄sí ō, m-ādə̄ kaasí gə̄ ō ní kɔ̄ɔ́.

Bible sar

³⁹ á̰a̰ī m-ā m-ə́yá̰sí kɔ̄ɔ́ ō, m-ā m̄-tə̄ɓāsí kɔ̄ɔ́ ta kumḿ tə́ ō. M-ā m-ə́yá̰sí sḭḭ̄ ō, ɓē ń m-ādə̄sí ō, m-ādə̄ kaasí gə̄ ō ní kɔ̄ɔ́.

JEREMI 23:39 Referans Kwoze

JEREMI 23:33

Ré de gə̄ ń toō adə̄ i nge koō ta, aláa i nge tun̄ yá̰a̰ dəjeī najə̄ əda na: I yá̰á̰ rí yā Kɔ́ɔ̄ɓē n i yá̰a̰ kətō kə́ ɔȳ ngá̰ý ní anī, ə́dan na: I sḭḭ̄ n i yá̰a̰ kətō kə́ ɔȳ ngá̰ý ní, adə̄ m-ā m̄-mbātə́sí kɔ̄ɔ́. Najə̄ ń Kɔ́ɔ̄ɓē əda ní n noó.

EJEKIEL 8:18

Adə̄ ta i yāḿ kadə̄ m̄-rāā yá̰a̰ sedə́ kə wōn̄g kə́ to ɓōĺ ngá̰ý. M-ā m-ə́yá̰də́ aĺ ō, kumḿ a o̰o̰m̄ sedə́ aĺ ō. Nin̄ a əgan̄ kɔŕ ngá̰ý yā ɓāŕməń kadə̄ m̄-dḭḭ̄də́, banī m-ā m-ōō ɓār̄ yādə́ alé.

2 TESALONIK 1:9

Yá̰á̰ kə́ tōr̄ ń a rāādə́ tām̄ majaĺ yādə́ tə́ ní, i nujə kə́ ta ngóyn gətóó kə́ nin̄ a nujən̄ sák sák kɔ̄ɔ́, sa̰y rɔ̄ Kɔ́ɔ̄ɓē tə́ ō, sa̰y rɔ̄ tɔ́gən kə́ to kɔsə gɔn tə́ ō.

MATIYE 25:41

Gō tə́ anī, mban̄g a əda ngé gə̄ ń dɔ jī gelən tə́ ní na: Sḭḭ̄ ń Nə́ɓā ndɔ̄ĺsí ní, ɔ́tiī rɔ̄ḿ tə́ kɔ̄ɔ́, āwī kum hor kə́ a oy aĺ tə́ ń rāān̄ tām̄ yā diabəl tə́ ō, deē yān gə̄ kə́ dɔ rā̰ tə́ ō ní tə́.

OJEE 5:14

Tɔdɔ̄ i mā Kɔ́ɔ̄ɓē n m-ə̄nī Epəraim rɔ̄ɔ̄ tītə̄ ɓɔl beé ní ō, m̄-rɔ̄ɔ̄ Juda tītə̄ balsáa ɓɔl beé ní ō. I mā n m-ā m̄-rə́yā̰sí naā tə́ ní. Gō tə́ anī, m-ā m-úńsí yā kaw̄ sesí tītə̄ batə̄ beé ō, de kə́ yā taāsí jīḿ tə́ a gətóo ō.

OJEE 4:6

Gír deē yāḿ gə̄ a oyn̄ i tām̄ nin̄ ger̄mə̄n̄ alé. Sḭḭ̄ ī-mbātíī gerə̄m̄. I tām̄ najə̄ ń toō tə́ n m̄ gḛy najə̄ yāsí to̰ aĺ ní. Sḭḭ̄ i ngé tun̄ yá̰a̰ yāḿ gə̄ to̰ alé. Dɔsí ndígə̄nal yá̰á̰ ń Nə́ɓā yāsí ndóōsí ní kɔ̄ɔ́ ɓá ní, dɔḿ mā a ndígə̄nal ngáńsí gə̄ ō.

EJEKIEL 34:20

I tām̄ najə̄ ń toō tə́ n mā Kɔ́ɔ̄ɓē Nə́ɓā m-ə́dásí najə̄ ń toō ní: Batə̄ kə́ bo gə̄ ō, kə́ kon̄g gə̄ ō, kə́ dan yá̰a̰ kul̄ yāḿ gə̄ tə́ ní, m-ā m̄-gān̄g sarya kə́ dɔ dáńdə́ tə́.

EJEKIEL 34:11

Yá̰á̰ ń mā Kɔ́ɔ̄ɓē Nə́ɓā m-ə́dá ní n toó: Əla gír ngɔlaā ní, mə̄kɔ́ m-āw̄ yā sāā batə̄ yāḿ gə̄ ō, m-ā m-á̰a̰ gōdə́ ō.

EJEKIEL 9:6

Ī-tɔ̄lī ɓə́ga gə̄ ō, ngásáā gə̄ ō, ngámandə gə̄ ō, ngán gə̄ ō, dəyá̰ gə̄ ō! Ī-rāāī ādī nin̄ gətóon̄ kɔ̄ɔ́ malang! Banī de gə̄ malang ń əjan̄ yá̰a̰ nɔtə nodə́ tə́ ní, ī-lōōī kɔdə rɔ̄də́. Ə́laī gír kem loo kə́ táĺ yāḿ tə́ laā. Loo ń noō tə́ nin̄ əlan̄ gír tɔ̄l̄ kum kɔɔ̄ gə̄ ndin̄ ta kújə yā Kɔ́ɔ̄ɓē tə́ ní.

EJEKIEL 6:3

ā ə́da na: De gə̄ ń ndin̄ ɓē dɔ mbal̄ bo gə̄ tə́ ō, dɔ ngán mbal̄ gə̄ tə́ ō, guúru loo gə̄ tə́ ō, wól loo gə̄ tə́ ō ní najə̄ ń mā Kɔ́ɔ̄ɓē Nə́ɓā m-ə́dádə́ ní n toó. M-ā m̄-reē kə ngé rɔ̄ɔ̄ gēé dɔsí tə́ yā nujəń loo ndɔ̄ȳ yāsí gə̄ kɔ̄ɔ́.

EJEKIEL 5:8

I tām̄ najə̄ ń noō tə́ n Kɔ́ɔ̄ɓē Nə́ɓā ɔr̄ najə̄ tītə̄ ń toō beé əda na: Sḭḭ̄ de kə́ Jerusalem gə̄, m-ā m-ə́ndásí. M-ā m-ún sarya gāngə̄ḿ yā rāań yá̰a̰ kem ɓēé ta kum nápar de gə̄ tə́.

NŌŌ RƆ̄ 5:20

I tām̄ rí tə́ á dɔí ndígə̄nal dɔjí tə́ kə̄ noí tə́ ō, ə́yá̰jí kɔ̄ɔ́ dəloí bátə́ mbang udə ō, i kə dɔ ndɔ̄ gə̄ ō ní?

JEREMI 52:3

I wōn̄g n ndḛḛ̄ Kɔ́ɔ̄ɓē rāā kadə̄ yá̰á̰ kə́ majaĺ gə̄ ń noō reēn̄ dɔ ɓē kə́ Jerusalem tə́ ō, kə́ Juda tə́ ō ní. Ta tɔ̄l̄ ta anī, ni-tə̄ɓā de kə́ kemeé gə̄ əndādə́ sa̰y kɔ̄ɔ́ rɔ̄n tə́. Sedekias mbātə́ kəla dɔn gír tɔ́gə yā mban̄g kə́ Babilon tə́.

JEREMI 36:31

M-ā m̄-rāān ni ō, de kə́ gír kojə yān tə́ gə̄ ō, ngé kəla yān gə̄ ō, yá̰á̰ kə́ tōr̄ najə̄ yá̰á̰ kə́ gōtə́ aĺ gə̄ ń rāān̄ tə́ ní. M-ā m̄-rāā kadə̄ yá̰á̰ kə́ to kum kaȳ aĺ ngá̰ý gə̄ malang ń m-ɔ̄r̄ najə̄n sedə́ á oōn̄ aĺ ní a əsō dɔdə́ tə́ ō, dɔ de gə̄ ń ndin̄ ɓē Jerusalem tə́ ní, dɔ de kə́ Juda tə́ gə̄ ō.

JEREMI 35:17

I tām̄ən ń toō tə́ n Kɔ́ɔ̄ɓē kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé ní: M-ā m̄-rāā kadə̄ yá̰á̰ kə́ to kum kaȳ aĺ gə̄ malang ń m-ɔ̄r̄ najə̄də́ sɔɔ̄ dɔ Juda ō sɔ̄ɔ̄ dɔ de gə̄ malang ń ndin̄ Jerusalem tə́ ō ní rāā yá̰a̰, tɔdɔ̄ m-ɔ̄r̄ najə̄ sedə́ ba oōn̄ aĺ ō, m̄-ɓāŕdə́ ba ndigən̄ ɓār̄ taḿ tə́ aĺ ō.

JEREMI 7:15

M-ā m̄-tə̄ɓāsí rɔ̄ḿ tə́ kɔ̄ɔ́ sa̰y tītə̄ ń m̄-tə̄ɓāń ngákó̰ó̰sí gə̄ malang kə́ gír kaa yā Epəraim tə́ ní ō.

IJAI 51:12

Kɔ́ɔ̄ɓē əda na: I mā n i ngé tél kadə̄sí kəndā kem dɔ tə́ gogə́ ní. A̰á̰ā̰, i mā. Ḭ̄ gír deē yāḿ, ī-ɓōĺ deē ndul gə̄ i tām̄ rí tə́? Nin̄ malang i ngé koy gə̄, ta tɔ̄l̄ tadə́ i tītə̄ ta tɔ̄l̄ ta mu beé.

IJAI 48:15

I mā, i mə̄kɔ́ ngóy n m-ɔ̄r̄ najə̄ ní. Mā m̄-ɓāŕ deē ngeē ń toō, m̄-reē seneé ō, m̄-rāā adə̄ yá̰a̰ rāān gə̄ teēn yá̰á̰ tə́ ō.

Gōsə̄ najə̄ gə̄ 13:13

Deē ń kídə̄ kɔjə̄ ní a tḭ̄ḭ̄ ta rɔ̄n, deē ń ɓōĺ gō míndə ní a əndān̄ njan.

PĀ GƏ̄ 51:11

Ún kumií kɔ̄ɔ́ ta yá̰á̰ kə́ majaĺ gə̄ ń m̄-rāā tə́ ní. Ɔ̄l̄ yá̰á̰ kə́ gōtə́ aĺ gə̄ malang ń m̄-rāā ní kɔ̄ɔ́.

NDŪ NAJƏ̄ 32:39

Beé ní ī-gerī kadə̄ i mā n i Nə́ɓā ní, ba nə́ɓā kə́ rang gətóo kadəḿ tə́. I mā n i nge rāā kadə̄ deē oy ō, kadə̄ deē ndi kə kumneé ō ní. I mā n i nge kadə̄ deē do ō, nge rāā kadə̄ do edə̄ ō ní. I náā n asə taā deē jīḿ tə́ kəya̰n dɔɔ́ ní?

LEBI GƏ̄ 26:28

m-ā m̄-mbātə́ najə̄ tasí tə́ kə wōngōó ngá̰ý. M-ā m-ə́ndásí tām̄ majaĺ yāsí gə̄ tə́ kadə̄ mān̄ dɔ kə́ kété nja sīrí.

TA KƏLA 6:17

Ba m-ā m̄-rāā kadə̄ man̄ kaw̄ kə́ ngá̰ý a taā loo dɔ nang tə́ yā tɔ̄ləń yá̰a̰ malang kə́ ndi kə kumuú kɔ̄ɔ́. Yá̰a̰ malang kə́ dɔ nang tə́ a oy.

TA KƏLA 4:16

Gō tə́ anī Kain aw̄ ndi dɔ nang kə́ Nod tə́, sa̰y kɔ̄ɔ́ ta kum Kɔ́ɔ̄ɓē tə́, dām̄ ndɔr̄ Eden kə́ gír ɓē tə́ tə́.

JEREMI 7:14

kújə́ ń rīḿ i dɔ tə́ ō, ī-taāī kemən mámák ō, loo ń m-ādə̄sí ō, m-ādə̄ kaasí gə̄ ō ní, ngɔlaā m-ā m̄-rāań yá̰á̰ ń m̄-rāā kə Silo ní.

JEREMI 12:7

M-ə́yá̰ kújə yāḿ kɔ̄ɔ́, m̄-mbātə́ yá̰a̰ kənge yāḿ kɔ̄ɔ́, m-ə́la nge ń m̄-tárən ngá̰ý ní jī madə̄ ba̰ā̰n gə̄ tə́.

JEREMI 23:38

Ba ré sḭḭ̄ ə́daī najə̄ ń na yá̰a̰ kətō kə́ kɔȳ yā Kɔ́ɔ̄ɓē ní anī, á̰a̰ī Kɔ́ɔ̄ɓē ɔr̄ najə̄ i tītə̄ ń toō beé: Sḭḭ̄ ə́daī najə̄ ń Kɔ́ɔ̄ɓē ɔgə̄sí kəda á na i yá̰a̰ kətō kə́ kɔȳ yā Kɔ́ɔ̄ɓē adə̄ teē tasí tə́ na i yá̰a̰ kətō kə́ kɔȳ yā Kɔ́ɔ̄ɓē kɔ̄ɔ́ ɓá ní,

2 MBAN̄G 23:27

Adə̄ Kɔ́ɔ̄ɓē əda na tītə̄ ń na n-gḛyń ka̰a̰ de kə́ kem ɓē ko̰o̰ kə́ Israel tə́ gə̄ ta kumən tə́ to̰ aĺ ní, na n-gḛy ka̰a̰ ngé kə́ Juda tə́ gə̄ ta kumən tá aĺ ō. Na n-mbātə́ ɓē kə́ Jerusalem ń na n-gə̄rā ní ō, kújə yān ń n-ənī ndūn yā kəndā rīn dɔ tə́ ní ō.