JEREMI 23:32 - Bibəl ta Sar̄

³² M-ā m-ə́ndá ngé koō ta gə̄ ń a nīn̄ nī kə́ rɔ̄kum aĺ gə̄ ō, a ənīn̄ gotə a sorə̄neé ō, a tə́dan̄ najə̄ kə́ kanjə̄ kumən gə̄ ō, adə̄ gír deē yāḿ gə̄ ndɔmə̄n̄neé ta róbə ní. Tɔdɔ̄ mā m-ə́ládə́ aĺ ō, m̄-mēr̄də́ rāā yá̰a̰ kógə̄ḿ aĺ ō. M-á̰á̰ yá̰á̰ sḛ́ý kə́ nin̄ asən̄ rāā tām̄ yā gír de gə̄ ń toō tə́ aĺ ō. Najə̄ ń Kɔ́ɔ̄ɓē əda ní n noó.

Bible sar

³² M-ā m-ə́ndá *ngé koō ta gə̄ ń a nīn̄ nī kə́ rɔ̄kum aĺ gə̄ ō, a ənīn̄ gotə a sorə̄neé ō, a tə́dan̄ najə̄ kə́ kanjə̄ kumən gə̄ ō, adə̄ gír deē yāḿ gə̄ ndɔmə̄n̄neé ta róbə ní. Tɔdɔ̄ mā m-ə́ládə́ aĺ ō, m̄-mēr̄də́ rāā yá̰a̰ kógə̄ḿ aĺ ō. M-á̰á̰ yá̰á̰ sḛ́ý kə́ nin̄ asən̄ rāā tām̄ yā gír de gə̄ ń toō tə́ aĺ ō. Najə̄ ń Kɔ́ɔ̄ɓē əda ní n noó.

JEREMI 23:32 Referans Kwoze

SOPONI 3:4

Ngé koō ta yān gə̄ i ngé gān̄g róbə gə̄. Nin̄ i de gə̄ kə́ ngé gól̄ madə̄də́ gə̄. Ngé tun̄ yá̰a̰ yān gə̄ ɓōlə́n̄ gidə yá̰a̰ yā Nə́ɓā aĺ ō, rāān̄ yá̰a̰ gə̄ ń ndū najə̄ yān əda ní aĺ ō.

NŌŌ RƆ̄ 2:14

Ngé koō ta yāí gə̄ a̰a̰n̄ yá̰á̰ kə́ kanjə̄ kumən gə̄ ō, kə́ rɔ̄kum aĺ gə̄ ō tām̄ yāí tə́. Nin̄ ɔjən̄ yá̰á̰ kə́ gōtə́ aĺ yāí kə̄ ndágá wáńg alé, yā kadə̄ yá̰á̰ ń a reē kə̄ dɔí tə́ ní kə rāāī gáŕ. Yá̰a̰ gə̄ ń nin̄ a̰ā̰n̄ ba ədanī ní i yá̰á̰ kə́ kanjə̄ kumən gə̄ ō, i gól̄ loo ō.

JEREMI 7:8

Ba sḭḭ̄ ī-gólī rɔ̄sí kə najə̄ kə́ rɔ̄kum aĺ gə̄ ō, kə́ teē yá̰a̰ aĺ gə̄ ō.

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

MATIYE 15:14

Ní, ə́ya̰īdə́ na nin̄ i ngé kum tɔ̄ɔ̄ gə̄ kə́ ngé ndɔ́r̄ madə̄də́ gə̄ ta kāgə̄! Ba ré de kə́ kum tɔ̄ɔ̄ ndɔ́r̄ nge kum tɔ̄ɔ̄ madə̄n ta kāgə̄ anī, nin̄ a əsōn̄ bəloó jōó mbak.

JEREMI 29:31

Ə́la kəla ə́da de gə̄ malang ń əhɔn̄də́ aw̄n̄ sedə́ ní na: Kɔ́ɔ̄ɓē ɔr̄ najə̄ dɔ Semaya kə́ Nehelam tə́ i tītə̄ ń toō beé: Semaya ɔr̄ najə̄ kə́ nge koō ta tə́ sesí ba mā m-ə́lan aĺ ō, ni gól̄sí kə najə̄ kə́ rɔ̄kum aĺ gə̄ ō.

JEREMI 23:25

M-ōō najə̄ kə́ sor̄ gə̄ ń ngé koō ta gə̄ ədan̄ kə rīḿ na: Nī rāām̄, nī rāām̄ ní.

JEREMI 23:16

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: Ə̄ndāī mbīsí gír najə̄ ń ngé koō ta gə̄ ədan̄sí ní tə́ alé. Tɔdɔ̄ nin̄ gólə̄n̄ i kumsí. Yá̰a̰ gə̄ ń a̰a̰n̄ á ənīn̄sí gotə ní i gír̄ yādə́ nin̄ kɔ́ gə̄. Yá̰a̰ ń noō teē i ta Kɔ́ɔ̄ɓē tə́ alé.

IJAI 3:12

Kɔ́ɔ̄ɓē əda na: Gír deē yāḿ gə̄, ngé rējə̄sí gə̄ i ngáń kə́ dūú gə̄ ō, i dəyá̰ gə̄ n i ngé ko̰o̰ ɓē dɔsí tə́ gə̄ ō ní. Gír deē yāḿ gə̄, ngé kɔr nosí gə̄ gólə̄n̄sí, nin̄ tɔ̄ɔ̄ aw̄n̄ sesí i kum kə̄ loo kə́ majaĺ tə́.

NDŪ NAJƏ̄ 18:20

Ré kɔjə rɔ̄ rāā nge koō ta kógə̄ḿ adə̄ əda najə̄ kə́rēý kə rīḿ ba m̄-mērən kəda alé, aláa ɔr̄ najə̄ kə rī ɓesə̄ gə̄ ń nin̄ i nə́ɓā yādə́ gēé ní anī, i nge koō ta ní n a oy ní.

2 KORḚNTƏ 1:17

Dan ń m̄-gḛy rāā beé ní, m-ɔ́jə i kə̄ ndágá kadə̄ mā i de kə́ m̄-hɔɔ́lɔ̄ ngá̰ý a? Aké yá̰a̰ gə̄ ń m-ɔ́jə rāādə́ ní, i kə gō gír̄ yā deē nduluú, adə̄ a̰á̰ā̰ ō, hó̰ō̰ ō i kemḿ tə́ jōó mbak a?

Makətūbə̄ yā Job 13:4

Ba yāsí sḭḭ̄ ngé gól̄ loo gə̄ tāa anī, sḭḭ̄ i ngé rāā de gə̄ mo̰y kə́ rɔ̄kum aĺ gə̄.

IJAI 9:15

Ngé kɔr no de gə̄ gólə̄n̄ gír de gə̄ ń toō, adə̄ ngé gə̄ ń nin̄ ɔrən̄ nodə́ ní unən̄ róbə́ kə́ majaĺ.

JEREMI 23:13

M-á̰á̰ yá̰á̰ kə́ ngɔr mbiti gə̄ rɔ̄ ngé koō ta kə́ Samari tə́ gə̄ tə́. Nin̄ ɔrə̄n̄ najə̄ kə rī Baal adə̄ gír deē yāḿ gə̄ ń i Israel gə̄ ní ndɔmə̄n̄ róbə.

JEREMI 23:31

M-ā m-ə́ndá ngé koō ta gə̄ ń teēn̄ tadə́ ɔrə̄n̄neé najə̄ kə rīḿ ní.

NŌŌ RƆ̄ 3:37

I náā n ɔr̄ najə̄ anī, yá̰a̰ rāā yá̰á̰ ní? Kɔ́ɔ̄ɓē i nge ń adə̄ ndūn ní aĺ a?

JAKARI 10:2

Nə́ɓā kə́ rɔ̄kum aĺ gə̄, a ədan̄ i najə̄ kə́ rɔ̄kum aĺ gə̄ ō, kɔdə̄ sāā gə̄, a a̰a̰n̄ i yá̰á̰ kə́ rɔ̄kum aĺ gə̄ ō. Nī gə̄ ń nin̄ a ənīn̄ gotə ní, i nī kə́ kanjə̄ kumən gə̄ ō, nin̄ a sɔlə̄n̄ kem deē i kə nélé ō. I tām̄ najə̄ ń noō tə́ n ngán Israel gə̄ aw̄n̄ tītə̄ ɓūtə̄ yá̰a̰ kul̄ gə̄ kə́ kumdə́ tō ndoō beé ní, tɔdɔ̄ nge kul̄də́ gətóo.