JEREMI 23:29 - Bibəl ta Sar̄

²⁹ Najə̄ yāḿ to i tītə̄ hor kə́ o̰o̰ loo ō, i tītə̄ mūú kə́ tɔ̄ɔ̄ mbal̄ adə̄ tetə ndujə̄ ō aĺ a? Najə̄ ń Kɔ́ɔ̄ɓē əda ní n noó.

Bible sar

²⁹ Najə̄ yāḿ to i tītə̄ hor kə́ o̰o̰ loo ō, i tītə̄ mūú kə́ tɔ̄ɔ̄ mbal̄ adə̄ tetə ndujə̄ ō aĺ a? Najə̄ ń Kɔ́ɔ̄ɓē əda ní n noó.

JEREMI 23:29 Referans Kwoze

HEBƏRO 4:12

Tɔdɔ̄ najə̄ yā Nə́ɓā i najə̄ kə́ ndi kə kumneé ō, tɔ́gən to ō, tan atə tɔȳ kəyā kaskar kə́ atə dām̄ jōó ō. Ni-udə kem deē tə́, aw̄ bátə́ ugə̄ loo ń wur deē ō, ndíl deē ō, əngen̄ naā tə́ tū tə́ ní tə́ ba kēgə̄də́ naā tə́ ō, aw̄ bátə́ ugə̄ loo ń kúkə̄lú kə̄ngā gə̄ ō, yibə̄ kə́ kem kə̄ngāá ō, əngen̄ naā tū tə́ ní ba kēgə̄də́ naā tə́ ō. Najə̄ yā Nə́ɓā gān̄g sarya dɔ ngur gə̄ kə́ kem deē tə́ ō, dɔ gír̄ kə́ kem deē tə́ ō.

JEREMI 5:14

I tām̄ najə̄ ń toō tə́ n Kɔ́ɔ̄ɓē Nə́ɓā kə́ Nge tɔgə yá̰a̰ malang əda tītə̄ ń toō beé na: Sḭḭ̄ ɔ̄rī najə̄ beé ɓá ní, m-ā m̄-rāā kadə̄ najə̄ yāḿ ń m-ə̄ndā taí tə́ ní tél hor ō, m-ā m̄-rāā gír de gə̄ ń toō i kīr̄ kə́ yā kadə̄ hor a o̰o̰ tə́ ō.

Najə̄ kə́ Majə yā Jeju ń Luk ndang ní 24:32

Anī nin̄-tél a ədan̄ naā na: Dan ń ni a ɔr̄ najə̄ sejí róbó ō, a ɔr̄jí kum yá̰a̰ gə̄ kə́ ndangən̄ kem makətūbə̄ gə̄ tə́ ō ní, kemjí təngājí piling piling aĺ a?

JEREMI 20:9

Ba ré m-ə́da na m-ā m̄-gír̄ dɔ tə́ to̰ aĺ ō, m̄-rāā rɔ̄ḿ i kújə dəngáý tə́ tām̄ yā najə̄ ní tə́. M-ə́hɔ rɔ̄ḿ tɔgə yā kɔgə̄n teē ndágá tā ba tɔ́gə́ḿ asə alé.

JEJU TEĒ KUM JA̰A̰ 11:5

Ba ré deē kógə̄ḿ sāā rāādə́ yá̰á̰ kə́ tōr̄ anī, hor kógə̄ḿ teē tadə́ tə́ ba o̰o̰ madə̄ ba̰ā̰də́ gə̄. Náā nəkɔ́ ń sāā rāādə́ yá̰á̰ kə́ tōr̄ ní, a oy i tītə̄ ń noō.

JA̰A̰ 6:63

I Ndíl n i nge rāā kadə̄ deē ndi kə kumneé ní, ba dā̰ rɔ̄ rāā yá̰a̰ alé. Najə̄ gə̄ ń m-ə́dásí ní i Ndíl ō, i ndi kə kumuú ō.

KƏLA RĀĀ 2:3

Anī nin̄-a̰a̰n̄ yá̰á̰ kə́ tītə̄ ta ndo̰ hor gə̄ beé teēn̄ hɔy kə̄ rɔ̄də́ tə́. Yá̰a̰ gə̄ ní kēgə̄n̄ naā ba reē əhɔn̄ loo dɔdə́ gə̄ tə́ kógə̄ḿ kógə̄ḿ.

KƏLA RĀĀ 2:37

Dan ń de gə̄ oōn̄ najə̄ ń noō ní, kemdə́ əgadə́ biting biting, adə̄ dəjen̄ Piyer ō gotə ngámbang kəla gə̄ ō najə̄ ədan̄ na: Ngákó̰ó̰jí gə̄, yá̰á̰ ń kadə̄ jə-rāā ní i rí?

2 KORḚNTƏ 2:16

Tām̄ yā ngé tḭ̄ḭ̄ ta rɔ̄də́ tə́ ɓáa i sēē nīń kə́ a əla deē ta yo tə́. Ba tām̄ yā ngé gə̄ ń nin̄ i dɔ róbə ndi kə kumuú tə́ ní ɓáa, i sēē ndi kə kumuú kə́ a rāā kadə̄ deē ndi kə kumneé. Ba i náā n asə rāā kəla kə́ tītə̄ ń noō ní?

OJEE 6:5

I tām̄ najə̄ ń noō tə́ n m̄-rɔ̄ɔ̄sí kə ta kūl̄ kəla kə ngé koō ta gēé ní. M-ə́la ɓōĺ kemsí tə́ kə ta kūl̄ kədasí na m-ā m̄-tɔ̄l̄sí. Sarya gāngə̄ḿ teē tītə̄ loo kə́ unjə̄ kow beé.