JEREMI 23:27 - Bibəl ta Sar̄

²⁷ Nin̄ gírə̄n̄ kadə̄ nī yādə́ gə̄ ń a ənīn̄ gotə adə̄n̄ naā noó gól̄ gír deē yāḿ gə̄ adə̄ dɔdə́ ndígə̄nal dɔ rīḿ tə́ tītə̄ ń ɓesə̄ Baal góləń kaadə́ gə̄ adə̄ dɔdə́ ndigənal dɔ rīḿ tə́ ní.

Bible sar

²⁷ Nin̄ gírə̄n̄ kadə̄ nī yādə́ gə̄ ń a ənīn̄ gotə adə̄n̄ naā noó gól̄ gír deē yāḿ gə̄ adə̄ dɔdə́ ndígə̄nal dɔ rīḿ tə́ tītə̄ ń ɓesə̄ *Baal góləń kaadə́ gə̄ adə̄ dɔdə́ ndigənal dɔ rīḿ tə́ ní.

JEREMI 23:27 Referans Kwoze

NGÉ SARYA 3:7

Ngán Israel gə̄ rāān̄ yá̰á̰ kə́ nel̄ Kɔ́ɔ̄ɓē Nə́ɓā alé. Dɔdə́ ndígə̄nalən kɔ̄ɔ́, adə̄ rāān̄ ɓesə̄ Baal gə̄ ō, Asera gə̄ ō.

KƏLA RĀĀ 13:8

Banī Elimas ń kumən na i nge rāā mbōlí ní ɔgə̄də́ ō, sə̄lā nge ko̰o̰ ɓē kadə̄ taā kem najə̄ yā Nə́ɓā aĺ ō.

JEREMI 29:8

Kə́ rɔ̄kum tə́ ní, Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé: Ādī ngé koō ta gə̄ ń i dɔ dáńsí tə́ ní ō, kɔdə̄ sāā yāsí gə̄ ō gólə̄n̄sí alé. Ə̄ndāī kumsí gír nī gə̄ ń a rāān̄sí ní tə́ alé.

2 MBAN̄G 21:3

Ni-tél rāā loo ndɔ̄ȳ gə̄ ń bɔbə̄n Ejekias nujəń kɔ̄ɔ́ ní gogə́. Ni-rāā loo tun̄ yá̰a̰ gə̄ adə̄ ɓesə̄ Baal ō, udə kāgə̄ ɓesə̄ kə́ yā ɓōĺ gidə kógə̄ḿ tītə̄ ń Akab mban̄g kə́ Israel rāań ní ō. Ni-ɔsə non nang tə́ no tə́yō̰ gə̄ malang kə́ dɔ rā̰ tə́ ō, rāā kəla adə̄də́ ō.

NGÉ SARYA 10:6

Ngán Israel gə̄ tél rāān̄ yá̰á̰ kə́ majaĺ ta kum Kɔ́ɔ̄ɓē tə́ ɓáý to̰. Nin̄ ndɔ̄ȳn̄ ɓesə̄ Baal gə̄ ō, ɓesə̄ Astarte gə̄ ō, ɓesə̄ gə̄ yā Aram gə̄ ō, Sidon gə̄ ō, Moab gə̄ ō, ngán Amon gə̄ ō, Pilistin gə̄ ō. Nin̄ əya̰n̄ Kɔ́ɔ̄ɓē kɔ̄ɔ́ ba rāān̄ kəla yān to̰ alé.

JEREMI 9:14

I tām̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, ɔr̄ najə̄ tītə̄ ń toō beé ní: M-ā m-ādə̄ gír de gə̄ ń toō man̄ ngəra kāgə̄ kə́ katə̄ kárárá ō, man̄ kə́ yḛl kum ō kadə̄ a̰ȳn̄.

NDŪ NAJƏ̄ 8:11

Ə̄ndāī kumsí gíŕ yá̰a̰ yā Kɔ́ɔ̄ɓē Nə́ɓā yāsí kə́ yā rāā gə̄ tə́ ō, jī-bēl̄ loo rāā yá̰a̰ yān gə̄ tə́ ō, ndū najə̄ yān gə̄ tə́ ō ń m-ādə̄sí ɓōólaā ní, na sōgə́ dɔsí ndígə̄nal dɔ Kɔ́ɔ̄ɓē Nə́ɓā yāsí tə́.

NDŪ NAJƏ̄ 8:14

ī-lōōī kɔjə rɔ̄sí ō, ī-lōōī kadə̄ dɔsí ndígə̄nal dɔ Kɔ́ɔ̄ɓē Nə́ɓā yāsí tə́ ō. I ni n i nge kɔr̄sí ɓəloó kɔ̄ɔ́ kem ɓē kə́ Ejiptə tə́ ní.

NDŪ NAJƏ̄ 8:18

Ādə̄ əga kemsí na i Kɔ́ɔ̄ɓē Nə́ɓā yāsí n i nge kadə̄sí tɔ́gə kadə̄ ə́ngeīneé yá̰a̰ gə̄ ń noō ní. Rāā beé i yā kɔjəń na ɓōólaā gə̄gē ní ni-əhɔ ta madə̄ naā ń ni-əhɔ kə kaasí gēé ní ɓáý.

JEREMI 2:32

Dɔ ngōmandə a ndígə̄nal yá̰á̰ súū rɔ̄ yān? Dəyá̰ ń a aw̄ kə̄ ngaawaá ní, dɔn a ndígə̄nal dɔ kəlā do̰ō̰ ɓōdə̄n tə́ a? Banī ngé kə́ dan gír deē yāḿ gə̄ tə́ mbātə́mə̄n̄ dan i ngá̰ý kɔ̄ɔ́.