JEREMI 23:24 - Bibəl ta Sar̄

²⁴ Deē a ɓɔ̄ɔ̄ rɔ̄n kɔgə̄ loo yān tə́ kanjə̄ kadə̄ mā m-á̰a̰n a? Najə̄ ń Kɔ́ɔ̄ɓē əda ní n noó. I mā n m̄-ndi m̄-taā kem loo kə́ dɔ rā̰ tə́ ō, kə́ dɔ nang tə́ ō ní aĺ a? Najə̄ ń Kɔ́ɔ̄ɓē əda ní n noó.

Bible sar

²⁴ Deē a ɓɔ̄ɔ̄ rɔ̄n kɔgə̄ loo yān tə́ kanjə̄ kadə̄ mā m-á̰a̰n a? Najə̄ ń Kɔ́ɔ̄ɓē əda ní n noó. I mā n m̄-ndi m̄-taā kem loo kə́ dɔ rā̰ tə́ ō, kə́ dɔ nang tə́ ō ní aĺ a? Najə̄ ń Kɔ́ɔ̄ɓē əda ní n noó.

JEREMI 23:24 Referans Kwoze

Gōsə̄ najə̄ gə̄ 15:3

Kum Kɔ́ɔ̄ɓē a̰a̰ loo i kə̄ loo gə̄ tə́ malang, ni-əndā ma̰ȳ de kə́ majə gə̄ ō, ngé kem ndul gə̄ ō.

PĀ GƏ̄ 139:7

I loo kə́ rá n kə m-āw̄ tū tə́ tá mā i sa̰y rɔ̄í tə́ ní? I loo kə́ rá n kə m-ā̰ȳ m-āw̄ tū tə́ tá mā i sa̰y ta kumií tə́ ní?

PĀ GƏ̄ 90:8

Ḭ̄ ī-tə́ndā yá̰á̰ kə́ gōtə́ aĺ gə̄ ń jə-rāā ní ta kumií tə́. Loo kə́ unjə̄ kow yāí unjə̄ dɔ yá̰a̰ yājí gə̄ kə́ ton̄ loo mundə̄ tə́.

IJAI 29:15

I yá̰á̰ kə́ to kum kaȳ aĺ ngá̰ý tām̄ yā de gə̄ ń noō ń nin̄ a rāān̄ yá̰a̰ i loo mundə̄ tə́ ní! Nin̄ ɓɔ̄ɔ̄n̄ dɔ yá̰a̰ gə̄ ń nin̄ sāān̄ rāā ní kadə̄ Kɔ́ɔ̄ɓē a̰a̰ alé. Nin̄ əndān̄ dɔ yá̰a̰ yādə́ gə̄ danaá i kum loo kə́ risə til tə́. Nin̄ ədan̄ na: I náā n asə ka̰a̰jí ní? I náā n ger̄ yá̰a̰ rāājí ní?

1 MBAN̄G GƏ̄ 8:27

Ba Nə́ɓā a ndi ɓē dɔ nang tə́ kə de gēé a? De rāā ń laa ngá̰ý ní gə̄gē ba asə ndin aĺ anī kújə́ ń m̄-rāā ní tá a asə i ba̰ý?

IJAI 57:15

Yá̰á̰ ń Nə́ɓā kə́ táĺ əda ní n toó, ni ń i dɔ yá̰a̰ gə̄ tə́ malang ō, aw̄ kə kújə́ kə́ yā ndi tū tə́ kə́ to ngándáńg ō ní: Mā i Nə́ɓā kə́ táĺ, m̄-ndi dɔɔ́ nuū. Banī mā i naā tə́ kə de gə̄ ń de gə̄ a rējə̄n̄də́ ō, dan wurdə́ i dan wur nge ndoō ō ní. Ngé gə̄ ń dan wurdə́ i dan wur nge ndoō ní, m̄-ndigə tél kə ndi kə kumuú kadə̄də́ gogə́, ngé gə̄ ń de gə̄ rējə̄n̄də́ ní, m̄-ndigə tél kə ndi kə kumuú kadə̄də́ gogə́.

IJAI 66:1

Najə̄ ń Kɔ́ɔ̄ɓē əda ní n toó: Dɔ rā̰ i kōr̄ kāgə̄ mbang yāḿ ō, dɔ nang i loo ń m-ā m-ə̄ndā njaḿ tū tə́ ní ō. I kújə́ kə́ ba̰ý n sḭḭ̄ ásiī rāā kadə̄m̄ ní? I loo kə́ rá n kə m̄-ndi tū tə́ ní?

PĀ GƏ̄ 10:11

Nge kem ndul gír̄ kemən tə́ na usə Nə́ɓā dɔ yá̰a̰ rāān tə́ alé. Nə́ɓā na ɓɔ̄ɔ̄ ta kumən kɔ̄ɔ́, Nə́ɓā na a̰a̰ yá̰á̰ kógə̄ḿ yḛtə aĺ bátə́.

2 YÁ̰A̰ GƏ̄ 6:18

Nə́ɓā asə ndi kə deē ndul gēé dɔ nang tə́ rɔ̄kum a? Dɔ rā̰ ń laa ngá̰ý ní gə̄gē ba asə ndin aĺ anī, kújə́ ń m̄-rāā toó tá a asən i ba̰ý?

EPEJƏ 1:23

ń rāā rɔ̄n i dā̰ rɔ̄n tə́ ní. Kərist ń ni i kə̄ loo gə̄ tə́ malang ní, i Egəlijə n ni-ndi kemən tə́ kə taá ní.

2 YÁ̰A̰ GƏ̄ 2:6

Beé ní ə́la kə kɔdə̄ kógə̄ḿ ādə̄m̄, kɔdə̄ kə́ ger̄ rāā kəla lɔ́r ō, kəla gində̄ arjā̰a̰ ō, gində̄ nə̄ngá kasə ō, gində̄ kə́ karī ō, kə́ ger̄ rāā kūbə̄ kə́ kəla kum man̄ yá̰á̰ kə́ kərē gə̄ tə́ ō, kum man̄ yá̰á̰ kə́ kərē pírírí gə̄ tə́, aláa ndul gusə gusə gə̄ tə́ ō, kə́ ger̄ tɔ́sə yá̰a̰ ō. Ni a rāā kəla kə kɔdə̄ yāḿ gēé, ngé gə̄ ń bɔbə́ḿ Dabid gə̄rādə́ á ndin̄ Jerusalem aláa loo kə́ rang gə̄ tə́ dɔ nang kə́ Juda tə́ ní,

EJEKIEL 9:9

Anī ni-tél ədam̄ na: Majaĺ yā ɓē ko̰o̰ kə́ Israel tə́ ō, kə́ Juda tə́ ō i ngá̰ý al̄ naā. Mósə taā loo kem ɓēé ō, yá̰a̰ rāā kə́ gōtə́ aĺ taā loo kem ɓēé ń toō tə́ ō. De gə̄ ədan̄ na Kɔ́ɔ̄ɓē na əya̰ ɓē kɔ̄ɔ́, Kɔ́ɔ̄ɓē na asə ka̰a̰ yá̰á̰ kógə̄ḿ alé.

EJEKIEL 8:12

Nə́ɓā ədam̄ na: Ḭ̄ ngōn̄ deē, yá̰á̰ ń kum kɔɔ̄ gə̄ yā ngán Israel gə̄ ndi a rāān̄ loo ɓɔ̄ɔ̄ rɔ̄ tə́, nin̄ kógə̄ḿ kógə̄ḿ kə̄ loo yādə́ gə̄ tə́ kə̄ no ɓesə̄ yādə́ gə̄ tə́ ní á̰a̰ā̰ a? Nin̄ ədan̄ na Kɔ́ɔ̄ɓē na asə ka̰a̰də́ alé, Kɔ́ɔ̄ɓē na mbātə́ ɓē kɔ̄ɔ́.

JEREMI 49:10

Sḭḭ̄ de kə́ gír kaa yā Esau tə́ gə̄, i mə̄kɔ́ n m-ā m-ɔ́ý yá̰a̰ kənge yāsí malang kɔ̄ɔ́ ní. Yá̰a̰ kənge yāsí gə̄ ń ton̄ loo ɓɔ̄ɔ̄ rɔ̄ tə́ ní, i mə̄kɔ́ n m-ā m̄-teēń ndágá ní. Ā ásiī ɓɔ̄ɔ̄ rɔ̄sí to̰ alé. Ngán kaasí gə̄ ō, ngákó̰ó̰sí gə̄ ō, madə̄ ɓēsí gə̄ ō ní, a nujən̄də́ sák sák kɔ̄ɔ́ ō, de kə́ yā kəda na:

PĀ GƏ̄ 148:13

Ī-tɔ̄yī rī Kɔ́ɔ̄ɓē, tɔdɔ̄ i rīn ni ngóy kə kérneé n bo ní. Kɔsə gɔn yān taā loo dɔ nang tə́ ō dɔ rā̰ tə́ ō.

TA KƏLA 16:13

Agar gír̄ najə̄ əda na: Ni ń a̰a̰m̄ ní, m-á̰a̰n rɔ̄kum a? Gō tə́ anī əndā rī dɔ Kɔ́ɔ̄ɓē ń ɔr̄ najə̄ seneé tə́ ní na i El Roi, kumən na i Nə́ɓā kə́ nge ka̰a̰m̄.

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

Makətūbə̄ yā Job 34:21

Tɔdɔ̄ Nə́ɓā i nge kəndā kumən gíŕ hál de gə̄ tə́ ō, gír pā njə̄rā de gə̄ tə́ malang ō.

Makətūbə̄ yā Job 34:22

Loo kə́ risə til nding, aké ndíl yo, asən̄ kutə̄ dɔ ngé rāā yá̰a̰ majaĺ gə̄ alé.

JEREMI 16:17

Tɔdɔ̄ m-ə̄ndā kumḿ dɔ róbə njə̄rādə́ gə̄ tə́ malang. Nin̄ ton̄ loo ɓɔ̄ɔ̄ rɔ̄ tə́ ta kumḿ tə́ aĺ ō, yá̰á̰ kə́ gōtə́ aĺ yādə́ a to ta kumḿ tə́ ngándáńg ō.

JEREMI 32:19

Nə́ɓā kə́ nge ger̄ kadə̄ kɔjə ngá̰ý ō, nge ger̄ rāā yá̰á̰ ngá̰ý ō, ə̄ndā kumií gíŕ hál de gə̄ tə́ malang ō, ə̄ndā njadə́ kógə̄ḿ kógə̄ḿ kə gō hál rāādə́ gēé ō, yá̰a̰ rāādə́ gēé ō.

DANIEL 2:22

I ni n i nge teē kə gíŕ yá̰a̰ kə́ lú ngá̰ý gēé dɔɔ́ ō, yá̰á̰ kə́ to loo mundə̄ tə́ gə̄ ndágá ō ní. Ni ger̄ yá̰á̰ kə́ kum til tə́ ō, loo kə́ unjə̄ kow ndi i rɔ̄n tə́ ō.

PĀ GƏ̄ 139:8

Ré m-āw̄ i dɔ rā̰ tə́ a ḭ̄ i noó ō, ré m̄-to i ɓádá a ḭ̄ i noó ō!