JEREMI 23:21 - Bibəl ta Sar̄

²¹ M-ə́lá ngé koō ta gə̄ ń noō alé, banī unən̄ ngɔ̄də̄ aw̄n̄. M-ɔ̄r̄ najə̄ sedə́ alé, ba oōn̄ najə̄ ədan̄.

Bible sar

²¹ M-ə́lá *ngé koō ta gə̄ ń noō alé, banī unən̄ ngɔ̄də̄ aw̄n̄. M-ɔ̄r̄ najə̄ sedə́ alé, ba oōn̄ najə̄ ədan̄.

JEREMI 23:21 Referans Kwoze

JEREMI 14:14

Kɔ́ɔ̄ɓē ədam̄ na: Najə̄ ń ngé koō ta gə̄ ədan̄ kə rīḿ ní, i najə̄ kə́ rɔ̄kum alé. M-ə́ládə́ aĺ ō, m̄-dəjedə́ yá̰á̰ kógə̄ḿ aĺ ō, m-ɔ̄r̄ najə̄ sedə́ aĺ ō. Yá̰a̰ gə̄ ń a̰ā̰n̄ ní, i yá̰á̰ kə́ rɔ̄kum aĺ gə̄ ō, najə̄ gə̄ ń ədan̄ na n oōn̄ na i taḿ mā tə́ ní, i gír̄ yādə́ nin̄ kɔ́ gə̄ ō.

JEREMI 27:15

M-ə́ládə́ aĺ ō, najə̄ gə̄ ń a ɔrə̄n̄ kə́ ngé koō ta gə̄ tə́ kə rīḿ ní i najə̄ kə́ rɔ̄kum aĺ ō. Adə̄ i tām̄ ń toō tə́ ń sḭḭ̄ ō, ngé koō ta yāsí gə̄ ō ní, m-ā m̄-tə̄ndā yā tḭ̄ḭ̄sí ō, ā oyiī ō ní.

JEREMI 23:32

M-ā m-ə́ndá ngé koō ta gə̄ ń a nīn̄ nī kə́ rɔ̄kum aĺ gə̄ ō, a ənīn̄ gotə a sorə̄neé ō, a tə́dan̄ najə̄ kə́ kanjə̄ kumən gə̄ ō, adə̄ gír deē yāḿ gə̄ ndɔmə̄n̄neé ta róbə ní. Tɔdɔ̄ mā m-ə́ládə́ aĺ ō, m̄-mēr̄də́ rāā yá̰a̰ kógə̄ḿ aĺ ō. M-á̰á̰ yá̰á̰ sḛ́ý kə́ nin̄ asən̄ rāā tām̄ yā gír de gə̄ ń toō tə́ aĺ ō. Najə̄ ń Kɔ́ɔ̄ɓē əda ní n noó.

KƏLA RĀĀ 13:4

Barnabas ō Sol ō ń i Ndíĺ kə́ Táĺ n əladə́ ní, aw̄n̄ Selosi. Nin̄-unən̄ to bo loo ń noō tə́, ba aw̄n̄ kumdə́ sɔɔ̄ dor̄ kə́ Sipər.

JA̰A̰ 20:21

Jeju ədadə́ ɓáý to̰ na: Ādī kemsí sɔl̄ lɔm. Tītə̄ ń Bɔbə́ḿ əlam̄ ní, mā m-ə́lásí ō.

JEREMI 29:31

Ə́la kəla ə́da de gə̄ malang ń əhɔn̄də́ aw̄n̄ sedə́ ní na: Kɔ́ɔ̄ɓē ɔr̄ najə̄ dɔ Semaya kə́ Nehelam tə́ i tītə̄ ń toō beé: Semaya ɔr̄ najə̄ kə́ nge koō ta tə́ sesí ba mā m-ə́lan aĺ ō, ni gól̄sí kə najə̄ kə́ rɔ̄kum aĺ gə̄ ō.

JEREMI 29:9

Nin̄ unən̄ rīḿ ɔrə̄n̄neé najə̄ sesí kə́ ngé koō ta gə̄ tə́, ba i najə̄ kə́ rɔ̄kum alé, tɔdɔ̄ m-ə́ládə́ alé. Najə̄ ń Kɔ́ɔ̄ɓē əda ní n noó.

JEREMI 28:15

Tā anī, Jeremi əda Hanania na: Hanania ī-nēl̄ mbīí ōōń. Kɔ́ɔ̄ɓē əlaī alé. I ḭ̄ n ā ī-rāā kadə̄ gír de gə̄ ń toō gólə̄n̄ rɔ̄də́ kə najə̄ kə́ rɔ̄kum aĺ gə̄ ní.

IJAI 6:8

Loo ń noō tə́ m-ōō ndū Kɔ́ɔ̄ɓē loo dəje najə̄ tə́, əda na: M-ā m-ə́la i náā? Ngōmbang kəla yājí i náā? Anī m̄-dal najə̄ ní m-ə́da na: Mā n toó, ə́lam̄!

Makətūbə̄ ń Pol ndang adə̄ Rom gə̄ ní 10:15

Ré Nə́ɓā əla deē aĺ anī, loo kadə̄ deē a ɔjədə́ najə̄ yā Kɔ́ɔ̄ɓē i ba̰ý? Tɔdɔ̄ makətūbə̄ əda na: Ka̰a̰ ngé kəda najə̄ kə́ majə loo reē tə́ i yá̰á̰ kə́ majə ngá̰ý!

JEREMI 27:14

Ī-lōōī koō najə̄ yā ngé koō ta gə̄ ń ədan̄sí na; Rɔ̄kum ā ī-rāāī kəla yā kadə̄ mban̄g kə́ Babilon tə́ aĺ bátə́. Ní, nin̄ ədasí i najə̄ kə́ rɔ̄kum alé.

JEREMI 29:8

Kə́ rɔ̄kum tə́ ní, Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ɔr̄ najə̄ i tītə̄ ń toō beé: Ādī ngé koō ta gə̄ ń i dɔ dáńsí tə́ ní ō, kɔdə̄ sāā yāsí gə̄ ō gólə̄n̄sí alé. Ə̄ndāī kumsí gír nī gə̄ ń a rāān̄sí ní tə́ alé.