JEREMI 23:14 - Bibəl ta Sar̄

¹⁴ Banī m-á̰á̰ yá̰a̰ gə̄ kə́ majaĺ kə́ to ɓōĺ ngá̰ý rɔ̄ ngé koō ta kə́ Jerusalem tə́ gə̄ tə́. Nin̄ ɓōkə́n̄ rɔ̄də́ kem rāȳ tə́ ō, ɔrə̄n̄ najə̄ kə́ rɔ̄kum aĺ gə̄ ō. Ənīn̄ najə̄ kə̄ gíŕ ngé rāā háĺ kə́ majaĺ gə̄ tə́, adə̄ de kə́ kəya̰ ta kem ndul yān gətóo. M-á̰a̰ kadə̄ de gə̄ malang tél rāān̄ yá̰a̰ i tītə̄ de kə́ Sodom tə́ gə̄ ō, de kə́ kem ɓēé gə̄ tél rāān̄ yá̰a̰ i tītə̄ ngé kə́ Gomor tə́ gə̄ ō,

Bible sar

¹⁴ Banī m-á̰á̰ yá̰a̰ gə̄ kə́ majaĺ kə́ to ɓōĺ ngá̰ý rɔ̄ *ngé koō ta kə́ Jerusalem tə́ gə̄ tə́. Nin̄ ɓōkə́n̄ rɔ̄də́ kem rāȳ tə́ ō, ɔrə̄n̄ najə̄ kə́ rɔ̄kum aĺ gə̄ ō. Ənīn̄ najə̄ kə̄ gíŕ ngé rāā háĺ kə́ majaĺ gə̄ tə́, adə̄ de kə́ kəya̰ ta kem ndul yān gətóo. M-á̰a̰ kadə̄ de gə̄ malang tél rāān̄ yá̰a̰ i tītə̄ de kə́ Sodom tə́ gə̄ ō, de kə́ kem ɓēé gə̄ tél rāān̄ yá̰a̰ i tītə̄ ngé kə́ Gomor tə́ gə̄ ō,

JEREMI 23:14 Referans Kwoze

JEREMI 29:23

Majaĺ yādə́ i yá̰á̰ kə́ to rɔ̄sɔl̄ ń rāān̄ Israel tə́ ní. Rāȳn̄ kə nə̄yá̰ madə̄də́ gēé ō, ɔrə̄n̄ najə̄ kə́ rɔ̄kum alé kə rīḿ ō, banī m̄-mēr̄də́ kəda najə̄ kógə̄ḿ alé. Mā m̄-ger̄ ō, m-á̰a̰ kə́ kumḿ ō. Najə̄ ń Kɔ́ɔ̄ɓē əda ní n noó.

EJEKIEL 22:25

Ngār yādə́ gə̄ ton̄ i tītə̄ ɓɔl gə̄ kə́ a nōōn̄ beé. Dā̰ ń nin̄ əhɔn̄ ní, nin̄ rə́yā̰n̄ naā tə́. Nin̄ tɔ̄lə̄n̄ de gə̄ ō, ɓogən̄ yá̰a̰ kənge gə̄ ō, yá̰a̰ yā madə̄də́ gə̄ ō, rāān̄ adə̄ dəyá̰ kə́ ngaa koy gə̄ i ngá̰ý ō.

MISE 3:11

Ngé rāā sarya gə̄ a gāngə̄n̄ sarya i gíŕ yá̰á̰ kə́ kadə̄də́ karī tə́ tə́ ō, ngé tun̄ yá̰a̰ gə̄ a ndóōn̄ de gə̄ ndū najə̄ i gíŕ yá̰a̰ kəngeé ō, ngé koō ta gə̄ a ədan̄ yá̰á̰ kə́ ndɔ̄ń tə́ i gír naraá ō. Nin̄ əndān̄ tɔ́gə́də́ dɔ Kɔ́ɔ̄ɓē tə́, ba ədan̄ na: Kɔ́ɔ̄ɓē i sejí, adə̄ yá̰á̰ kə́ to kum kaȳ aĺ a teē dɔjí tə́ alé.

JEREMI 23:32

M-ā m-ə́ndá ngé koō ta gə̄ ń a nīn̄ nī kə́ rɔ̄kum aĺ gə̄ ō, a ənīn̄ gotə a sorə̄neé ō, a tə́dan̄ najə̄ kə́ kanjə̄ kumən gə̄ ō, adə̄ gír deē yāḿ gə̄ ndɔmə̄n̄neé ta róbə ní. Tɔdɔ̄ mā m-ə́ládə́ aĺ ō, m̄-mēr̄də́ rāā yá̰a̰ kógə̄ḿ aĺ ō. M-á̰á̰ yá̰á̰ sḛ́ý kə́ nin̄ asən̄ rāā tām̄ yā gír de gə̄ ń toō tə́ aĺ ō. Najə̄ ń Kɔ́ɔ̄ɓē əda ní n noó.

JEREMI 14:14

Kɔ́ɔ̄ɓē ədam̄ na: Najə̄ ń ngé koō ta gə̄ ədan̄ kə rīḿ ní, i najə̄ kə́ rɔ̄kum alé. M-ə́ládə́ aĺ ō, m̄-dəjedə́ yá̰á̰ kógə̄ḿ aĺ ō, m-ɔ̄r̄ najə̄ sedə́ aĺ ō. Yá̰a̰ gə̄ ń a̰ā̰n̄ ní, i yá̰á̰ kə́ rɔ̄kum aĺ gə̄ ō, najə̄ gə̄ ń ədan̄ na n oōn̄ na i taḿ mā tə́ ní, i gír̄ yādə́ nin̄ kɔ́ gə̄ ō.

NDŪ NAJƏ̄ 32:32

Kāgə̄ nduú yādə́ teē i dan kāgə̄ nduú gə̄ kə́ Sodom tə́, teē i kem ndɔr̄ gə̄ kə́ Gomor tə́. Kan̄ kāgə̄ nduú yādə́ gə̄ i kan̄ gə̄ kə́ yá̰á̰ kə́ yā yḛl deē i tū tə́. Dɔ bəra nduú yādə́ gə̄ i dɔ bəra nduú kə́ katə̄ kárárá gə̄.

TA KƏLA 18:20

Anī Kɔ́ɔ̄ɓē əda Abəraham na: Sekə́n̄ de kə́ Sodom gə̄ ō, Gomor gə̄ ō, sekə́ kə́ ngan̄g ngá̰ý rɔ̄ḿ tə́. Yá̰a̰ gə̄ ń rāān̄ ní majaĺ ngá̰ý.

MATIYE 11:24

Ní, ādə̄ m-ə́dásí, ndɔ̄ sarya tə́ anī, yā gō nang kə́ Sodom a to só tə́ ngá̰ý tɔȳ yāsí.

SOPONI 3:4

Ngé koō ta yān gə̄ i ngé gān̄g róbə gə̄. Nin̄ i de gə̄ kə́ ngé gól̄ madə̄də́ gə̄. Ngé tun̄ yá̰a̰ yān gə̄ ɓōlə́n̄ gidə yá̰a̰ yā Nə́ɓā aĺ ō, rāān̄ yá̰a̰ gə̄ ń ndū najə̄ yān əda ní aĺ ō.

JEREMI 20:16

Ādə̄ yá̰á̰ ń rāā ɓē gə̄ ń Kɔ́ɔ̄ɓē ɓéngə̄lēdə́ nang tə́ kɔ̄ɔ́ kanjə̄ ndə̄ngā rɔ̄n ní rāā deē ń noō. Ādə̄ əgan̄ kɔŕ dḭḭ̄ naā ta mbīn tə́ kə ndɔ̄ý ō, ādə̄ əgan̄ kɔŕ rɔ̄ɔ̄ ta mbīn tə́ dan kadə ndaá ō.

TA KƏLA 13:13

De kə́ Sodom gə̄ i de kə́ kemdə́ ndul ngá̰ý gə̄. Nin̄-rāān̄ yá̰á̰ kə́ majaĺ ngá̰ý gə̄ ta kum Kɔ́ɔ̄ɓē tə́.

JEJU TEĒ KUM JA̰A̰ 22:15

Banī bísə gə̄ ō, ngé rāā kəga gə̄ ō, ájə́ba gə̄ ō, ngé tɔ̄l̄ de gə̄ ō, ngé rāā ɓesə̄ gə̄ ō, de gə̄ malang ń nel̄də́ sor̄ ō, a sorə̄n̄ ō ní, nin̄ i ndágá.

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

JEJU TEĒ KUM JA̰A̰ 19:20

Əhɔn̄ dā̰ ní ō, nge koō ta kə́ rɔ̄kum aĺ ní ō. Kété ní, nge koō ta kə́ rɔ̄kum aĺ ngeé ń toō rāā yá̰á̰ kə́ yáā gə̄ ta kum dā̰ ní tə́, góləń ngé gə̄ ń əndān̄ tə́ré yá̰a̰ yā dā̰ rɔ̄də́ tə́ ō, rɔȳn̄ ndíĺ yá̰á̰ kə́ tɔ́sə̄ kum gotə dā̰ ní ō ní. Dā̰ ní ō, nge koō ta kə́ rɔ̄kum aĺ ní ō ní, tə́nīn̄də́ kə kumdə́ kum bundūm̄ hor bursu kə́ a o̰o̰ tə́.

JEJU TEĒ KUM JA̰A̰ 11:8

Ba nīńdə́ a to ndágə loo kə́ kem ɓē bo ń unən̄ gidə rī kə̄ gogə́ əndān̄ dɔ tə́ na i Sodom ō Ejiptə ō ní tə́. Əndan̄ Kɔ́ɔ̄ɓē yādə́ kə mayá̰ tū kāgə̄ kə́ dēsə́ tə́ i loo ngeé ń noō tə́.

Makətūbə̄ ń Jud ndang ní 1:7

Ādə̄ əga kemsí dɔ ɓē kə́ Sodom tə́ ō, kə́ Gomor tə́ ō, ɓē gə̄ kə́ kadədə́ gə̄ tə́ ō. De kə́ kemeé gə̄ rāān̄ yá̰á̰ kə́ majaĺ tītə̄ yā de kə́ dɔ rā̰ tə́ gə̄ ń noō. Nin̄-ɓōkə́n̄ rɔ̄də́ tū sāā naā kə́ kə gō róbəneé aĺ tə́, adə̄ dəngam gə̄ a sāān̄ dəngam madə̄də́ gə̄ tām̄ yā rɔ̄nel̄ yādə́ tə́. Nin̄-əngen̄ ndéý kə́ tām̄ yā yá̰a̰ rāādə́ kə́ gō tə́ aĺ tə́. Ndéy yādə́ ní i hor kə́ to ngándáńg kə́ o̰o̰də́ ō, yá̰á̰ ń rāādə́ ní téĺ i tāā kə́ kumən unjə̄ ngá̰ý tām̄ yā de gə̄ malang tə́ ō.

2 PIYER 2:6

Nə́ɓā gān̄g sarya dɔ ɓē gə̄ kə́ Sodom tə́ ō, Gomor tə́ ō, ba nujə ɓē gə̄ ní kɔ̄ɔ́ kə horoó. I yá̰á̰ ń kadə̄ a rāā ngé kem ndul gə̄ ní n ni-rāā yá̰á̰ ń noō ɔjəńdə́ kadə̄ gerə̄n̄ ní.

1 TIMOTE 4:2

Nin̄ a ndúmə̄n̄ sɔɔ̄ń najə̄ kə́ sor̄ yā ngé gól̄ loo gə̄. Ngé gól̄ loo gə̄ ngeé ń toō ní, dan wurdə́ i kə́ magə́rā kɔ̄ɔ́, tītə̄ kə́ əlan̄ gində̄ horoó adə̄ kərē tá əndān̄ tū tə́ beē.

MALASI 1:1

Najə̄ ń Kɔ́ɔ̄ɓē ɔr̄ kə Israel gə̄ kə ta kūl̄ Malasi ní n toó.

EJEKIEL 13:16

Ngé koō ta kə́ Israel tə́ gə̄ ń kété nin̄ a ɔrə̄n̄ i najə̄ kə́ ndɔ̄ń tə́ kə́ dɔ ɓē kə́ Jerusalem tə́ ní, nin̄ gətóon̄ kɔ̄ɔ́. Yá̰a̰ gə̄ ń nin̄ a̰a̰n̄ ní, ɔjən̄ kadə̄ yá̰a̰ malang i kə́ njə̄rā majə. Tá yá̰a̰ malang i kə́ a̰a̰ gō naā alé. Yá̰á̰ ń Kɔ́ɔ̄ɓē Nə́ɓā əda ní n noó.

JEREMI 23:17

Nin̄ nāān̄ kəda ngé gə̄ ń kídə̄n̄ najə̄ yā Kɔ́ɔ̄ɓē ní na, Kɔ́ɔ̄ɓē əda na: Yá̰a̰ malang a njə̄rā majə tām̄ yāsí tə́. Nin̄ ədan̄ náā nəkɔ́ ń a rāā dɔ ngan̄g kə̄ non tə́ ní na: Yá̰á̰ kə́ to kum kaȳ aĺ a əsō dɔí tə́ alé.

JEREMI 18:13

Tā anī najə̄ ń Kɔ́ɔ̄ɓē əda ní n toó: Ī-dəjeī gír najə̄ dan nápar de gə̄ tə́, á̰a̰ī ké ōōī najə̄ kə́ beē ta deē kógə̄ḿ tə́ wa. Ngōmandə kə́ Israel tə́ rāā yá̰á̰ kə́ majaĺ kə́ to ɓōĺ ngá̰ý.

IJAI 9:15

Ngé kɔr no de gə̄ gólə̄n̄ gír de gə̄ ń toō, adə̄ ngé gə̄ ń nin̄ ɔrən̄ nodə́ ní unən̄ róbə́ kə́ majaĺ.

JEREMI 23:22

Nə́ngētə́ gēé ndin̄ loo koō naā dɔ najə̄ tə́ seḿ anī. A gerə̄n̄ loo kɔr̄ najə̄ yāḿ kadə̄ gír deē yāḿ gə̄ oōn̄ ō, a gerə̄n̄ loo rāā sedə́ kadə̄ əya̰n̄ gō háĺdə́ kə́ majaĺ gə̄ ō, kəla rāādə́ kə́ majaĺ gə̄ ō kɔ̄ɔ́.

JEREMI 36:2

Ún ndāŕ ndang najə̄ kógə̄ḿ kə́ ɓír̄ gidə naā tə́ ba ī-ndang najə̄ gə̄ malang ń m-ə́daī sɔɔ̄ dɔ Israel ō, Juda ō, nápar de gə̄ ō ní tū tə́. Əla gír dɔ ndɔ̄ ń m-ɔ̄rəń najə̄ seí ɓāl̄ yā Josias tə́ ní bátə́ ɓōólaā.

JEREMI 49:18

Tītə̄ ń deē gətóoń Sodom ō, Gomor ō, ɓē gə̄ ń ndin̄ kə gō gidədə́ á nujən̄ sák sák kɔ̄ɔ́ ō ní tītə̄ ń toō deē kógə̄ḿ kə́ yā rāā ɓē loo ń noō tə́ a gətóo ō, deē ndul kə́ yā kaw̄ ndi kemeé a gətóo ō. Najə̄ ń Kɔ́ɔ̄ɓē əda ní n noó.

EJEKIEL 13:19

Sḭḭ̄ ī-kídə̄mī ta kum gír deē yāḿ gə̄ tə́, tām̄ yā kəngeń kōō ɔ́rjə́ kə́ kem jī kóndóńg wań, aláa tām̄ yā kəngeń yá̰a̰ kəsa kə́ sḛ́ý beē. Sḭḭ̄ ī-gólī gír deē yāḿ gə̄ kə́ ngé taā kem sor̄ yāsí gə̄. I tītə̄ ń noō n sḭḭ̄ ī-tɔ̄līneé de gə̄ ń sɔɔ̄ kadə̄ nin̄ oyn̄ aĺ ní ō, ngé gə̄ ń sɔɔ̄ kadə̄ nin̄ ndin̄ kə kumdə́ aĺ ní ɓáa, sḭḭ̄ ī-rāāī adə̄ nin̄ ndin̄ kə kumdə́ ō ní.

OJEE 6:10

M-á̰á̰ yá̰á̰ kə́ majaĺ ngá̰ý gə̄ kem ɓē kə́ Israel tə́: Epəraim rāā ájə́ba i loo ń noō tə́. A̰á̰ā̰, rāān̄ Israel adə̄ tél de kə́ yḛr i najə̄ yá̰á̰ ń noō tə́.

AMOS 4:11

m̄-mbə́rē yá̰a̰ malang kə́ ɓēé loosí m̄-tə́nī kɔ̄ɔ́, tītə̄ kə́ kété kə́ Sodom tə́ ō kə́ Gomor tə́ ō. Adə̄ ī-toī i tītə̄ ta kīr̄ hor kə́ deē ɔr̄ kum hor tə́ kɔ̄ɔ́ beē. Ɓá tā banī sḭḭ̄ ī-tél ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

JAKARI 13:2

Kɔ́ɔ̄ɓē kə́ bo kə́ tɔ́gən i ngá̰ý, əda wáńg na: Kum mbang ngeé ń noō tə́ ní, ɓesə̄ gə̄ kə́ kem ɓēé ní, m-ā m̄-ró̰ȳdə́ kɔ̄ɔ́ ō, deē a əda rīdə́ to̰ aĺ ō. M-ā m̄-tə̄ɓā ngé koō ta kə́ rɔ̄kum aĺ gə̄ kɔ̄ɔ́ kem ɓēé ō, m-ā m-ɔ̄r̄ ngur rɔȳ nə́ɓā kə́ rɔ̄kum aĺ gə̄ kɔ̄ɔ́ kemsí tə́ ō.

TA KƏLA 19:24

Loo ń noō tə́ Kɔ́ɔ̄ɓē rāā adə̄ hor bursu ḭḭ dɔ rā̰ tə́ edə tītə̄ man̄ dɔ ɓē kə́ Sodom tə́ ō, Gomor tə́ ō.

TA KƏLA 19:25

Ni-nujə ɓē kə́ jōó gə̄ ń noō kə de kə́ kemeé gə̄ malang ō, nujə ndágə loo malang ō, yá̰a̰ malang kə́ kəɓa dɔ nang tə́ ō.

JEREMI 29:21

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda Akab kə́ ngōn̄ Kolaya ō, əda Sedekias, ngōn̄ Maseya ō ń ədan̄sí najə̄ kə́ rɔ̄kum alé kə rīḿ ní n toō: M-ā m-ə́ládə́ kem jī Nabukodonosor, mban̄g kə́ Babilon tə́ kadə̄ a tɔ̄l̄də́ ta kumsí tə́.

NŌŌ RƆ̄ 4:6

Ngōmandə ń toō ń rāā rɔ̄n i gír deē yāḿ gə̄ tə́ ní, rāā yá̰á̰ kə́ majaĺ ngá̰ý tɔȳ yā Sodom ń rāā yá̰á̰ kə́ gōtə́ aĺ á nujən̄ seneé gidə kógə̄ḿ kanjə̄ kadə̄ jī deē ɔdən ní.

MISE 1:5

Yá̰a̰ ń noō rāā yá̰a̰ i tɔdɔ̄ gír deē yā Jakob gə̄ mānə̄n̄ dɔ ndū najə̄. Tɔdɔ̄ ɓē ko̰o̰ kə́ Israel tə́ ra dɔ ndūn tə́ alé. I náā n i nge kɔsə kə gír deē yā Jakob gə̄ ta mān̄ dɔ ndū najə̄ ní? Má i ɓē kə́ Samari wa ḿ? I náā i nge nge kɔsə kə gír deē yā Juda gə̄ ta rɔȳ nə́ɓā kə́ rɔ̄kum aĺ gə̄ ní? Má i ɓē kə́ Jerusalem wa ḿ?