JEREMI 23:12 - Bibəl ta Sar̄

¹² Ní loo a ndəte sedə́ dɔ róbə yādə́ gə̄ tə́ ō, a ndɔmə̄n̄ kum loo kə́ risə til tə́ ō, a tə́sōn̄ ō. M-ā m̄-rāā kadə̄ yá̰á̰ kə́ to kum kaȳ aĺ əso dɔdə́ tə́, kem ɓāl̄ ń m-ā m-ādə̄ a ɔjəmə̄nneé kəla rāādə́ gə̄ tə́ ní. Najə̄ ń Kɔ́ɔ̄ɓē əda ní n noó.

Bible sar

¹² Ní loo a ndəte sedə́ dɔ róbə yādə́ gə̄ tə́ ō, a ndɔmə̄n̄ kum loo kə́ risə til tə́ ō, a tə́sōn̄ ō. M-ā m̄-rāā kadə̄ yá̰á̰ kə́ to kum kaȳ aĺ əso dɔdə́ tə́, kem ɓāl̄ ń m-ā m-ādə̄ a ɔjəmə̄nneé kəla rāādə́ gə̄ tə́ ní. Najə̄ ń Kɔ́ɔ̄ɓē əda ní n noó.

JEREMI 23:12 Referans Kwoze

JEREMI 13:16

Ɔ́siī gɔn Kɔ́ɔ̄ɓē Nə́ɓā yāsí kété tá kadə̄ ni-əla kə tilií dɔsí tə́ ō, kété tá kadə̄ ī-bḭ́ḭ̄ dɔ mbal̄ gə̄ kə́ til taā dɔdə́ tə́ ō. Ī-ngóōī i loo kə́ unjə̄ kow, ba ni-tūrə̄n adə̄ téĺ ndíl yo ō, kil̄ man̄ kə́ ndul ndí ndí ō.

JEREMI 11:23

De kógə̄ḿ kə́ a teē ta yo tə́ a gətóó bátə́ ɓēé loodə́. M-ā m̄-rāā kadə̄ yá̰á̰ kə́ to kum kaȳ aĺ a teē dɔ de kə́ Anatot gə̄ tə́, kem ɓāl̄ ń m-ā m-ādə̄ a ɔjə̄n̄neé kəla rāādə́ gə̄ tə́ ní.

Gōsə̄ najə̄ gə̄ 4:19

Banī háĺ ngé kem ndul gə̄ to i tītə̄ loo kə́ ndɔ̄ɔ́ kə́ ndul ndḭ́ ndḭ́ beē. Yá̰á̰ kə́ to kum róbó ń a rāā yā kəga njadə́ ní, nin̄ asən̄ ka̰ā̰ alé.

PĀ GƏ̄ 35:6

Loo ń nge kaw̄ kəla yā Kɔ́ɔ̄ɓē a ngɔ̄də̄də́ róbó anī ādə̄ loo risə til dɔdə́ tə́ ō, ādə̄ loo ndəte sedə́ ō.

JA̰A̰ 12:35

Anī Jeju ədadə́ na: Loo kə́ unjə̄ kow i dansí tə́ ɓáý. Ī-njə̄rāī dan ń loo kə́ unjə̄ kow i dansí tə́ ɓáý ní, yā kadə̄ loo kə́ risə til əhɔńsí dɔ jīsí tə́ alé. Tɔdɔ̄ deē ń njə̄rā tilií ní, ger̄ loo ń a aw̄ kə̄ tū tə́ ní alé.

IJAI 8:22

ba gō tə́ anī a a̰a̰n̄ loo nang tə́. Yá̰á̰ ń nin̄ a əngen̄ ní i wur kɔl ō, i loo kə́ risə til ō, i sōl̄ kə́ to ɓōĺ ngá̰ý ō, i loo kə́ ndul ndí ndḭ́ ō ō, ngóy.

PĀ GƏ̄ 73:18

Kə́ rɔ̄kum tə́ tā anī, ḭ̄ ə̄ndādə́ i loo kə́ a ndəte sedə́ tə́, yā mbəredə́ kadə̄ əsō nujən̄ sák sák kɔ̄ɔ́.

Teē Ngán Israel gə̄ 32:34

Ń toō kə aw̄ kə ɔr no ngán Israel gə̄ kə aw̄ sedə́ loo ń na n-ɔjən tə́ ní. Na deē yān kə́ dɔ rā̰ tə́ na a njə̄rā kété nodə́ tə́. Ba na ndɔ̄ ń nəkɔ́ n-a n-udə danaá tə́ anī, n-a n-əndadə́ tām̄ majaĺ yādə́ tə́.

Makətūbə̄ ń Jud ndang ní 1:13

Nin̄-ton̄ i tītə̄ bəngál bā bo gə̄ beé, adə̄ húūlú dɔdə́ i yá̰a̰ rāādə́ kə́ to rɔ̄sɔl̄ gə̄ ō, ton̄ i tītə̄ tə́yō̰ gə̄ kə́ a dáȳn̄ dɔɔ́, kə́ Nə́ɓā ngɔ̄m̄ loo kə́ risə til nding tām̄ yādə́ tə́ kadə̄ ndin̄ kum tə́ ngándáńg beé ō.

1 JA̰A̰ 2:11

Ba deē ń im̄ ngōkó̰o̰n ní ndi i tilií ō, njə̄rā i kum til tə́ ō, ger̄ loo ń ni a aw̄ kə̄ tū tə́ ní aĺ ō, tām̄ til utə̄ kumən kɔ̄ɔ́.

MISE 7:4

De kə́ dandə́ tə́ kə́ majə tɔȳ gotə́ gə̄, to i tītə̄ mu kə́ ndo̰ō̰ kə́ to dɔ naā tə́ bing beé ō, majaĺ tɔȳ túpə kō̰n̄ ō. Ndɔ̄ kə́ yā kəndańsí tām̄ yá̰a̰ rāāsí kə́ gōtə́ aĺ tə́ n toó. Ngé ngɔ̄m̄ loo yāsí gə̄ ń i ngé koō ta gə̄ ní, ədan̄sí najə̄n kété. Sḭḭ̄ ə́laī gír ndi kə ɓōló kɔ̄ɔ́ ɓá.

JEREMI 50:27

Āwī kə man̄g kə́ bəra yān gēé loo tɔ̄l̄ dā̰ gə̄ tə́ ba ī-tɔ̄līdə́ malang kɔ̄ɔ́. I yá̰á̰ kə́ to kum kaȳ aĺ kə́ ba̰ý beē n əsō dɔdə́ tə́ ní? Ndɔ̄ yādə́ ugə̄ i kum mbang ń kadə̄ ɔjən̄neé gíŕ yá̰a̰ rāādə́ gə̄ ní.

JEREMI 48:44

Nge ka̰ȳ ta yá̰á̰ kə́ to ɓōĺ ngá̰ý tə́ a əsō kem bəlo kə́ bo tə́ ō, deē ń al̄ bəlo kə́ bo teē ní, réng a əhɔn ō. A̰á̰ā̰, m-ā m-ādə̄ yá̰á̰ kə́ tōr̄ a əsō dɔ Moab tə́ ɓāl̄ ń m-ā m-ādə̄ a ɔjəm̄neé gíŕ yá̰a̰ rāān gə̄ ní. Najə̄ ń Kɔ́ɔ̄ɓē əda ní n noó.

Makətūbə̄ yā Job 18:18

A mbərenən̄ dan loo kə́ unjə̄ kow tə́ yā kənīn kum til tə́ ō, a tə̄ɓānən̄ kɔ̄ɔ́ dɔ nang ń de gə̄ ndin̄ tū tə́ i kə́ njɔ́ḿ gə̄ tə́ ní ō.

NDŪ NAJƏ̄ 32:35

Dal ba̰ā̰ i yāḿ, m-ā m-ə̄gādə́ tām̄ kəla rāādə́ gə̄ tə́ ndɔ̄ ń nin̄ a əsōn̄neé tə́ ní. Tɔdɔ̄ ndɔ̄ yá̰á̰ kə́ to kum kaȳ aĺ yādə́ dɔ i ngɔr.

PĀ GƏ̄ 82:5

Banī sḭḭ̄ ī-gerī yá̰a̰ aĺ ō, ī-gerī kum najə̄ aĺ ō, ī-ndiī i ndɔ̄ɔ́, ā ī-mámī i loo n ā ī-njə̄rāińeé ní, adə̄ gír ngəra dɔ nang malang i kə́ sóngə̄lō kɔ̄ɔ́.

NŌŌ RƆ̄ 2:20

Á̰a̰ā̰, Kɔ́ɔ̄ɓē, á̰a̰ā̰ majə ké i náā n ī-rāān beé toō wa. Ní, kə dəyá̰ gə̄ kə əsan̄ ngán kemdə́ gə̄ ń i ngáń kə́ majə asə naā beé gə̄ ní a? Ní, kə de gə̄ kə tɔ̄lə̄n̄ ngé tun̄ yá̰a̰ gə̄ ō, ngé koō ta gə̄ ō, kem loo kə́ táĺ yā Kɔ́ɔ̄ɓē tə́ kɔ̄ɔ́ a?

JEREMI 8:12

Majə kadə̄ rɔ̄də́ sɔl̄də́ tɔdɔ̄ rāān̄ yá̰á̰ kə́ majaĺ ngá̰ý gə̄, ba mbātə́n̄ ger̄ yá̰á̰ kə́ to rɔ̄ sɔl̄ gə̄ ń rāān̄ ní. Gerə̄n̄ gō yá̰á̰ kə́ to rɔ̄sɔl̄ gə̄ ń rāān̄ ní kem ángaldə́ tə́ alé. I tām̄ ń toō tə́ a bḭ́ḭ̄n̄ dan ń m-ā m-ə́ndádə́ ní ō, a tə́sōn̄ tītə̄ yā gotə de gə̄ ō ní. Najə̄ ń Kɔ́ɔ̄ɓē əda ní n noó.