JEREMI 23:11 - Bibəl ta Sar̄

¹¹ Ngé koō ta gə̄ ō, ngé tun̄ yá̰a̰ gə̄ ō nujən̄ háĺdə́ adə̄ m-á̰a̰ kem ndul yādə́ kem kújə yāḿ tə́ gə̄gē. Najə̄ ń Kɔ́ɔ̄ɓē əda ní n noó.

Bible sar

¹¹ Ngé koō ta gə̄ ō, *ngé tun̄ yá̰a̰ gə̄ ō nujən̄ háĺdə́ adə̄ m-á̰a̰ kem ndul yādə́ kem kújə yāḿ tə́ gə̄gē. Najə̄ ń Kɔ́ɔ̄ɓē əda ní n noó.

JEREMI 23:11 Referans Kwoze

SOPONI 3:4

Ngé koō ta yān gə̄ i ngé gān̄g róbə gə̄. Nin̄ i de gə̄ kə́ ngé gól̄ madə̄də́ gə̄. Ngé tun̄ yá̰a̰ yān gə̄ ɓōlə́n̄ gidə yá̰a̰ yā Nə́ɓā aĺ ō, rāān̄ yá̰a̰ gə̄ ń ndū najə̄ yān əda ní aĺ ō.

JEREMI 6:13

Ngáń kə́ dūú gə̄gē, de kə́ tɔgə gə̄gē, malang rāān̄ ɓō yá̰a̰ kənge adə̄ al̄ naā ngá̰ý. Ngé koō ta gə̄ ō, ngé tun̄ yá̰a̰ gə̄ ō, malang rāān̄ háĺ kə́ gōtə́ alé.

EJEKIEL 23:39

Tām̄ ndɔ̄ ń nin̄ tə́ngānəń ngáńdə́ kə́ dəngam gə̄ adə̄n̄ nə́ɓā yādə́ kə́ rɔ̄kum aĺ gə̄ tə́ ní, nin̄ udən̄ kem loo kə́ táĺ yāḿ tə́, udən̄ kem kújə yāḿ tə́, nin̄ rāān̄ kújə yāḿ i yá̰á̰ kə́ karī tə́.

JEREMI 32:34

Nin̄ tə́ndān̄ yá̰á̰ kə́ to yḛr gə̄ ń i ɓesə̄ yādə́ gə̄ ní kem kújə́ ń rīḿ ɓār̄ dɔ tə́ ní. Tām̄ ń toō tə́ ní, nin̄-rāān̄ beé adə̄ kújə́ ní téĺ kə́ yḛr.

EJEKIEL 8:16

Loo ń noō tə́ ni unəm̄ aw̄ seḿ kum kə̄ ndágə loo kə́ gīr̄ gidə kújə yā Kɔ́ɔ̄ɓē kə́ kem kújə yā Kɔ́ɔ̄ɓē tə́. De kə́ dəngam gə̄ kə́ asən̄ kutə jōó gidə i mí ń noō ndin̄ ta róbə́ kə́ yā kudəń kə̄ kem loo kə́ táĺ tə́, dɔ dáń ngōn̄ kújə́ kə́ ta róbə́ tə́ kə loo tun̄ yá̰á̰ tə́. Nin̄ tūrə̄n̄ gidədə́ adə̄n̄ loo kə́ táĺ ba ɔsən̄ kejədə́ nang tə́ ō, ɔsən̄ nodə́ nang tə́ ō, kumdə́ sɔɔ̄ gír ɓē, yā rɔȳń mbang.

JEREMI 11:15

I rí n kó tár yāḿ kə́ dəyá̰ reē a sāā kem kújə yāḿ tə́ ɓáý ní? Ni-rāā yá̰a̰ i kə kum kedēé ngá̰ý. Yá̰á̰ kə́ to kum kaȳ aĺ ń i dɔí tə́ ní i gír̄ kadə̄ kənī ndū yāí ō, dā̰ ń ɔ̄r̄ kam̄ ní ō, a asən̄ kun kɔ̄ɔ́ a? Ī-gír̄ kadə̄ ā ásə teē kum tə́ i tītə̄ ń noō a?

JEREMI 8:10

Tām̄ ń toō tə́ ní, m-ādə̄ nə̄yá̰də́ gə̄ de kə́ rang gə̄ ō, m-ādə̄ ndɔr̄ yādə́ gə̄ ngé gə̄ ń a taān̄ jīdə́ tə́ kɔ̄ɔ́ ní ō. Tɔdɔ̄ de kə́ yá̰a̰ aĺ gə̄ ō, de kə́ bo gə̄ ō malang naā tə́ i ngé rāā ta nar gə̄. Háĺ ngé koō ta gə̄ ō, ngé tun̄ yá̰a̰ gə̄ ō i háĺ kə́ rɔ̄kum alé.

JEREMI 7:30

De kə́ Juda tə́ gə̄ rāān̄ yá̰á̰ kə́ majaĺ kə́ nelə̄m̄ aĺ ngá̰ý tə́ndān̄ yá̰á̰ kə́ yḛr yādə́ gə̄ kem kújə́ ń rīḿ ɓār̄ dɔ tə́ ní tə́, adə̄ téĺ yá̰á̰ kə́ yḛr. Najə̄ ń Kɔ́ɔ̄ɓē əda ní ń noó.

2 YÁ̰A̰ GƏ̄ 36:14

Tá ngār gə̄ yā ngé tun̄ yá̰a̰ gə̄ ō, yā de kə́ kem ɓē gə̄ ō, malang rāān̄ háĺ kə́ gōtə́ aĺ gə̄ i ngá̰ý. Nin̄ rāān̄ yá̰á̰ kə́ to yḛr kum gə̄ malang ń nápar de gə̄ rāān̄ ní ō, rāān̄ adə̄ kújə ń Kɔ́ɔ̄ɓē ɔr̄ kamə̄n tayā tām̄ yān tə́ Jerusalem ní tél kújə́ kə́ yḛr ō.

EJEKIEL 8:11

Kum kɔɔ̄ gə̄ kutə sīrí yā ngán Israel gə̄ ran̄ kə njadə́ dɔɔ́ no nə́ɓā kə́ rɔ̄kum aĺ gə̄ ní tə́. Yajania kə́ ngōn̄ Sapan i dandə́ tə́. Nin̄ kógə̄ḿ kógə̄ḿ ní, ganáń róō ndujə̄ yá̰á̰ kə́ kotə majə i jīdə́ gə̄ tə́ kógə̄ḿ kógə̄ḿ ō, sa ndujə̄ yá̰á̰ kə́ kotə majə ḭḭ kum kə̄ dɔɔ́ dɔɔ́ ō.

EJEKIEL 7:20

Nin̄ ɔjən̄ rɔ̄də́ kə yá̰a̰ yādə́ kə́ majə ngá̰ý gə̄ kə́ to loo ɓɔ̄ɔ̄ tə́. Nin̄ ɔyn̄ yá̰a̰ gə̄ ní rāānəń ɓesə̄ kə́ to yḛr kum gə̄ ō, kə́ majə ka̰ā̰ aĺ gə̄ ō, kum gotə nə́ɓā gə̄ tə́. Kɔ́ɔ̄ɓē əda na: I tām̄ najə̄ ń noō tə́ n nə́ɓā gə̄ ní a télən̄ yā to tītə̄ dɔ bū loo beé tām̄ yādə́ tə́ ní.

JEREMI 23:15

Anī Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ kə́ dɔ ngé koō ta gə̄ tə́ əda na: M-ā m-ādə̄də́ man̄ ngəra kāgə̄ kə́ katə̄ kárárá ō, man̄ kə́ yḛl kum ō, kadə̄ a̰ȳn̄, tɔdɔ̄ i ngé koō ta kə́ Jerusalem tə́ gə̄ n ndóōn̄ ɓē kə taá malang loo kim̄ Nə́ɓā ní.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

2 YÁ̰A̰ GƏ̄ 33:7

Ni udə ɓesə̄ kāgə̄ kə́ tɔ́sə̄ kem kújə yā Nə́ɓā tə́ ō. Tá kété ní Nə́ɓā əda Dabid nin̄ kə ngōnən Salomo̰ na: Kújə ń toō ō, ɓē kə́ Jerusalem ō ń i ɓē ń m̄-gə̄rā dan gír ɓē gə̄ malang kə́ Israel tə́ ní rīḿ a ɓār̄ dɔ tə́ ngándáńg.

2 YÁ̰A̰ GƏ̄ 33:5

Ndágə loo kə́ gīr̄ gidə kújə yā Kɔ́ɔ̄ɓē ní, ni-rāā loo gə̄ tū tə́ yā tunə̄ń yá̰a̰ kadə̄ tə́yō̰ kə́ dɔ rā̰ tə́ gə̄ ō.

JEREMI 50:6

Gír deē yāḿ gə̄ télən̄ batə̄ gə̄ kə́ tadə́ tḭ̄ḭ̄. Ngé kul̄də́ gə̄ rāān̄də́ adə̄ ndómə̄n̄, rāān̄də́ adə̄ dáyə̄n̄ kə̄ dɔ mbal̄ gə̄ tə́. Nin̄ ḭḭn̄ dɔ mbal̄ kə́ bo gə̄ tə́ aw̄n̄ dɔ ngán mbal̄ gə̄ tə́, kanjə̄ kadə̄ əga kemdə́ dɔ gong yādə́ gə̄ tə́.

NŌŌ RƆ̄ 2:20

Á̰a̰ā̰, Kɔ́ɔ̄ɓē, á̰a̰ā̰ majə ké i náā n ī-rāān beé toō wa. Ní, kə dəyá̰ gə̄ kə əsan̄ ngán kemdə́ gə̄ ń i ngáń kə́ majə asə naā beé gə̄ ní a? Ní, kə de gə̄ kə tɔ̄lə̄n̄ ngé tun̄ yá̰a̰ gə̄ ō, ngé koō ta gə̄ ō, kem loo kə́ táĺ yā Kɔ́ɔ̄ɓē tə́ kɔ̄ɔ́ a?

ESDRAS 10:18

Dan ngé tun̄ yá̰a̰ gə̄ tə́ ní ngé táā dəyá̰ tə̄rā gə̄ n toó: De gə̄ kə́ dan ngán Yesua kə́ ngōn̄ Yosadak tə́ kə ngákó̰ó̰də́ gēé i Maseya ō, Eliejer ō, Yarib ō, Gedalia ō.

EJEKIEL 44:10

Kum mbang ń ngán Israel gə̄ unən̄ róbə́ kə́ majaĺ ba əya̰mə̄n̄ kɔ̄ɔ́ yā kunəń gō ɓesə̄ yādə́ gə̄ ní, ngán Lebi gə̄ rāān̄ majaĺ tītə̄ gotə ngán Israel gə̄. I beé ɓá ní, nin̄ a tə́gān̄ tadə́ dan yá̰a̰ gə̄ ń yá̰a̰ rāādə́ kə́ gōtə́ aĺ gə̄ a reēń dɔdə́ tə́ ní.

SOPONI 3:3

De kə́ bo yān gə̄ ton̄ i tītə̄ ɓɔl gə̄ kə́ a nōōn̄ beé ō, ngé sarya yān gə̄ ton̄ i tītə̄ soó gə̄ kə́ aw̄n̄ ndo̰ó̰ ta loo tíbə́ tə́, ba dəloí anī, yá̰a̰ kəsa yādə́ gətóo kɔ̄ɔ́ beē ō.