JEREMI 23:1 - Bibəl ta Sar̄

¹ Yá̰á̰ kə́ to kum kaȳ aĺ a teē dɔ ngé kul̄ yá̰a̰ gə̄ ń əya̰n̄ yá̰a̰ kul̄ yāḿ gə̄ adə̄ ongə̄n̄ ō, tadə́ tḭ̄ḭ̄ ō ní. Najə̄ ń Kɔ́ɔ̄ɓē əda ní n noó.

Bible sar

¹ Yá̰á̰ kə́ to kum kaȳ aĺ a teē dɔ ngé kul̄ yá̰a̰ gə̄ ń əya̰n̄ yá̰a̰ kul̄ yāḿ gə̄ adə̄ ongə̄n̄ ō, tadə́ tḭ̄ḭ̄ ō ní. Najə̄ ń Kɔ́ɔ̄ɓē əda ní n noó.

JEREMI 23:1 Referans Kwoze

JEREMI 10:21

Ngé ngɔ̄m̄ yá̰a̰ kul̄ gə̄ i mbóo de gə̄, nin̄ sāān̄ Kɔ́ɔ̄ɓē alé. I tām̄ ń toō tə́ n gerə̄n̄ rāā kəla kə gōó aĺ ō, usədə́ dɔ yá̰a̰ kul̄ gə̄ tə́ aĺ ō ní.

EJEKIEL 13:3

Najə̄ ń mā Kɔ́ɔ̄ɓē Nə́ɓā m-ə́dá ní n toó: Yá̰á̰ kə́ to kum kaȳ aĺ a teē dɔ ngé koō ta kə́ mbóo gə̄ tə́. Nin̄ a unən̄ i gō gír̄ yādə́ nin̄ kɔ́ gə̄ ń reē dɔdə́ tə́ ní, ba a̰a̰n̄ yá̰á̰ kógə̄ḿ alé.

MATIYE 9:36

Dan ń Jeju a̰a̰ kósə de gə̄ anī kumən o̰o̰n tām̄ yādə́ tə́, tɔdɔ̄ de gə̄ ní ɔrən̄ ō, tɔ́gə́də́ ur̄ wak kɔ̄ɔ́ ō, tītə̄ batə̄ gə̄ kə́ nge kul̄də́ gətóo beé.

JEREMI 22:22

Nél ɔy ngé kulīí gə̄ malang aw̄ sedə́ kɔ̄ɔ́ ō, əhɔn̄ ngé sāāí gə̄ aw̄n̄ sedə́ dɔ ɓē kə́ rang tə́ ō. Kə́ rɔ̄kum tə́ ní, rɔ̄í a sɔlī ō, a ndaanī ō, najə̄ yā ngé nong yāí gə̄ malang tə́.

JEREMI 12:10

Kósə ngé kul̄ yá̰a̰ gə̄ nujən̄ kə ndɔr̄ kāgə̄ nduú yāḿ sák sák kɔ̄ɔ́ ō, tə́ɓān̄ ndɔr̄ yāḿ njadə́ tə́ ō, rāān̄ ndɔr̄ ngeé ń toō ń majə ngá̰ý ní adə̄ tél dəla loo kə́ to kum ko̰ ō.

JEREMI 50:6

Gír deē yāḿ gə̄ télən̄ batə̄ gə̄ kə́ tadə́ tḭ̄ḭ̄. Ngé kul̄də́ gə̄ rāān̄də́ adə̄ ndómə̄n̄, rāān̄də́ adə̄ dáyə̄n̄ kə̄ dɔ mbal̄ gə̄ tə́. Nin̄ ḭḭn̄ dɔ mbal̄ kə́ bo gə̄ tə́ aw̄n̄ dɔ ngán mbal̄ gə̄ tə́, kanjə̄ kadə̄ əga kemdə́ dɔ gong yādə́ gə̄ tə́.

JEREMI 2:8

Ngé tun̄ yá̰a̰ gə̄ mbātén̄ kəda na: Kɔ́ɔ̄ɓē i rá? Ngé ger̄ ndū najə̄ gə̄ gerə̄mə̄n̄ alé. Ngé ngɔ̄m̄ yá̰a̰ kul̄ gə̄ mbātə́mə̄n̄ kɔ̄ɔ́. Ngé koō ta gə̄ ɔrə̄n̄ najə̄ kə rī ɓesə̄ Baal ō, nin̄ a̰ȳn̄ ngɔ̄də̄ gō nə́ɓā gə̄ kə́ kanjə̄ kumən gə̄ tə́ ō.

JA̰A̰ 10:12

Ba nge kəla ń a ngɔ̄m̄ batə̄ gə̄ i gír naraá ní, i nge kul̄ kə́ rɔ̄kum aĺ ō, ni i kɔ́ɔ̄ batə̄ gə̄ aĺ ō. Ni-a̰a̰ soó loo reē tə́ anī, əya̰ batə̄ gə̄ kɔ̄ɔ́ ba a̰ȳ. Adə̄ soó əhɔdə́ ō, tə̄ndā tḭ̄ḭ̄də́ kɔ̄ɔ́ ō.

JA̰A̰ 10:10

Nge ɓogə reē i ɓogoó ō, tɔ̄lɔ̄ɔ́ ō, nujəń ō ngóy. Mā m̄-reē i yā kadə̄ de gə̄ ndin̄ kə kumuú, ba kadə̄ ndi kə kumuú ní i ngá̰ý al̄ naā.

JEREMI 23:2

I tām̄ ń toō tə́ n najə̄ ń Kɔ́ɔ̄ɓē Nə́ɓā yā Israel əda ngé kul̄ yá̰á̰ gə̄ ń i ngé ngɔ̄m̄ gír deē yāḿ gə̄ ní n toó ní: Sḭḭ̄ əya̰ī yá̰a̰ kul̄ yāḿ gə̄ kɔ̄ɔ́ adə̄ aw̄n̄ kə̄ loo gə̄ tə́. Ba mā m-ə̄ndā kumḿ gíŕsí tə́ yā kəndasí tām̄ yá̰a̰ rāāsí kə́ gōtə́ aĺ gə̄ tə́. Najə̄ ń Kɔ́ɔ̄ɓē əda ní n noó.

MATIYE 15:14

Ní, ə́ya̰īdə́ na nin̄ i ngé kum tɔ̄ɔ̄ gə̄ kə́ ngé ndɔ́r̄ madə̄də́ gə̄ ta kāgə̄! Ba ré de kə́ kum tɔ̄ɔ̄ ndɔ́r̄ nge kum tɔ̄ɔ̄ madə̄n ta kāgə̄ anī, nin̄ a əsōn̄ bəloó jōó mbak.

EJEKIEL 34:31

A̰á̰ā̰, sḭḭ̄ deē ndul gə̄, sḭḭ̄ i ɓūtə̄ yá̰a̰ kul̄ yāḿ gə̄ ō, mā m-á̰a̰ gōsí ō. A̰á̰ā̰, Nə́ɓā yāsí i mā. Najə̄ ń Kɔ́ɔ̄ɓē Nə́ɓā əda ní n noó.

EJEKIEL 34:21

Dā̰ kə́ tɔ́gə́də́ gətóo gə̄ ní, sḭḭ̄ ə̄ndāī kār̄ bɔ̄gə̄sí ī-mbə́rēīneédə́ ō, ī-mbə́rēīdə́ kə kadəsí ō, ī-tɔ́sīdə́ kə gajəsí ō. Ta tɔ̄l̄ ta anī, sḭḭ̄ ī-tə̄ɓāīdə́ kə̄ loo gə̄ tə́ adə̄ nin̄-teēn̄ kɔ̄ɔ́ loo kəsa mu tə́.

JEREMI 2:26

Tītə̄ ń rɔ̄ nge ɓogə kə́ əhɔnən̄ dɔ ɓogə yá̰á̰ tə́ sɔlə̄n ní, de kə́ Israel tə́ gə̄ rɔ̄də́ sɔl̄də́ i beé ō, nin̄ ō, mban̄g yādə́ gə̄ ō, de kə́ bo yādə́ gə̄ ō, ngé tun̄ yá̰a̰ yādə́ gə̄ ō.

JA̰A̰ 10:8

De gə̄ ń reēn̄ kété noḿ tə́ malang ní, nin̄ i ngé ɓogə gə̄ ō, ngé gān̄g róbə gə̄ ō, adə̄ batə̄ gə̄ oōn̄ najə̄ yādə́ alé.

JEREMI 13:17

Ré ōōī yá̰á̰ ń toō aĺ anī, m-ā m̄-rāā rɔ̄ḿ ndoō loo ɓɔ̄ɔ̄ rɔ̄ yāḿ tə́, najə̄ kɔjə rɔ̄ yāsí kə́ ngá̰ý ń toō tə́. Kumḿ i kə nōó, i kə nōó. Man̄ nōō a reē kumḿ tə́. Əhɔn̄ ɓūtə̄ yá̰a̰ kul̄ yā Kɔ́ɔ̄ɓē gə̄ dɔ gúú tə́ aw̄n̄ sedə́ dɔ ɓē kə́ rang tə́.

EJEKIEL 36:38

Kété ní, dan yā rāā nāā kə́ bo gə̄ tə́ ní, dā̰ gə̄ kə́ yā tɔ̄l̄ ba tun̄ kadə̄ Nə́ɓā taān̄ loo kem ɓē kə́ Jerusalem tə́. A reēn̄ sedə́ i kə ɓūtə̄də́ gēé kə taá malang. I beé ní, de gə̄ ń a télən̄ yā reē ndi kem ɓē bo yāsí kə́ nujə kɔ̄ɔ́ gə̄ tə́ ní, nin̄ i ngá̰ý tītə̄ ń noō ō. Loo ń noō tə́ de gə̄ malang a gerə̄n̄ kadə̄ Kɔ́ɔ̄ɓē i mā.

EJEKIEL 34:1

Kɔ́ɔ̄ɓē ɔr̄ najə̄ seḿ, ədam̄ na:

JAKARI 10:3

Wōn̄g rāām̄ kə ngé kul̄ kə́ majaĺ gēé ō, m-ā m̄-rāā yá̰á̰ kógə̄ḿ kə bal bə̄yā̰ gēé ō. A̰á̰ā̰, mā Kɔ́ɔ̄ɓē kə́ bo kə́ tɔ́gən i ngá̰ý, ɓūtə̄ yá̰a̰ kul̄ yāḿ ń i de gə̄ kə́ Juda ní, m-ā m̄-rāā yá̰á̰ kə́ tōr̄ sedə́. M-ā m̄-rāādə́ sə́nda rɔ̄ɔ̄ yāḿ kə́ majə tə́.