JEREMI 22:9 - Bibəl ta Sar̄

⁹ De gə̄ a télən̄ yā kədadə́ na: I tɔdɔ̄ mbātə́n̄ madə̄ naā yā Kɔ́ɔ̄ɓē Nə́ɓā yādə́ ba ɔsən̄ nodə́ nang tə́ no nə́ɓā kə́ rang gə̄ tə́ ō, rāān̄ kəla adə̄n̄də́ ō.

Bible sar

⁹ De gə̄ a télən̄ yā kədadə́ na: I tɔdɔ̄ mbātə́n̄ *madə̄ naā yā Kɔ́ɔ̄ɓē Nə́ɓā yādə́ ba ɔsən̄ nodə́ nang tə́ no nə́ɓā kə́ rang gə̄ tə́ ō, rāān̄ kəla adə̄n̄də́ ō.

JEREMI 22:9 Referans Kwoze

2 YÁ̰A̰ GƏ̄ 34:25

Tɔdɔ̄ de kə́ Jerusalem gə̄ əya̰mə̄n̄ kɔ̄ɔ́, nin̄-tunə̄n̄ yá̰a̰ adə̄n̄ nə́ɓā kə́ rang gə̄. Yá̰a̰ malang ń rāān̄ ní adə̄m̄ wōn̄g ngá̰ý. Wōn̄g ń rāām̄ kə ɓē ń toō ní i wōn̄g kə́ ngá̰ý adə̄ a tetə láẃ alé.

2 MBAN̄G 22:17

De kə́ Jerusalem gə̄ əya̰mə̄n̄ kɔ̄ɔ́, nin̄-tunə̄n̄ yá̰a̰ adə̄n̄ nə́ɓā gə̄ ń i ɓesə̄ gə̄ ní. Yá̰a̰ malang ń nin̄ rāān̄ ní adə̄m̄ wōn̄g. Ba wōn̄g ń rāām̄ kə ɓē ń toō ní i wōn̄g kə́ ngá̰ý adə̄ a dəba alé.

JEREMI 50:7

De gə̄ malang ń əngen̄də́ ní rə́yā̰n̄də́ naā tə́. Madə̄ ba̰ā̰də́ gə̄ ədan̄ na: Najə̄ a əsō dɔjí tə́ alé, tɔdɔ̄ nin̄ rāān̄ majaĺ kə Kɔ́ɔ̄ɓēé. I Kɔ́ɔ̄ɓē n i nge rāā yá̰á̰ kə́ gōtə́ ō, i ni n i yá̰a̰ kəndā kem dɔ tə́ yā kaadə́ gə̄ ō ní.

1 MBAN̄G GƏ̄ 9:8

Kújə́ kə́ ngāl̄ ngá̰ý kum kə̄ dɔɔ́ ń toō ní de gə̄ malang ń a mānə̄n̄ kadə tə́ ní a ɔr kumdə́ ngá̰ý ō, a yáādə́ ngá̰ý ō. Adə̄ a dəjen̄ na ké i tām̄ rí tə́ áké Kɔ́ɔ̄ɓē rāā yá̰á̰ kə́ tītə̄ ń toō kə ɓē ń toō ō, kə kújə́ ń toō ō wa.

JEREMI 9:13

ba rāān̄ dɔ ngan̄g kə̄ nodə́ tə́ ō, əhɔn̄ gō ɓesə̄ Baal gə̄ tītə̄ ń kaadə́ gə̄ ndóōn̄neédə́ ní ō.

JEREMI 11:3

Ā ə́dádə́ na: Kɔ́ɔ̄ɓē, Nə́ɓā yā Israel ɔr̄ najə̄ tītə̄ ń toō beé: Ndɔ̄ĺ i dɔ deē ń oō najə̄ kə́ dɔ madə̄ naā ń toō tə́ aĺ ní tə́.

JEREMI 16:11

ḭ̄ ā ī-tél yā kədádə́ na: I tɔdɔ̄ kaasí gə̄ mbātə́mə̄n̄ kɔ̄ɔ́, ba ngɔ̄də̄n̄ gō nə́ɓā yā tə̄rā gə̄ tə́ ō, ndɔ̄ȳn̄də́ ō, ɔsən̄ nodə́ nang tə́ nodə́ tə́ rɔȳn̄neédə́ ō. Nin̄ mbātə́mə̄n̄ kɔ̄ɔ́ ō, ngɔ̄mə̄n̄ ndū najə̄ yāḿ aĺ ō. Najə̄ ń Kɔ́ɔ̄ɓē əda ní n noó.

EJEKIEL 5:15

M-ā m-ún sarya gāngə̄ḿ yā rāań yá̰a̰ seneé kə wōn̄g kə́ ngá̰ý ō, m-ā m̄-kɔ̄l̄ seneé kɔ̄l̄ kə́ to ɓōĺ ngá̰ý ō. Nápar de gə̄ ń ndin̄ gīrə̄n̄ gidə ɓē kə́ Jerusalem ní a əgōn̄ ɓē ní ō, a tájə̄nən̄ ō. Banī ɓē kə́ Jerusalem a tél i tāā kə́ tām̄ yādə́ nin̄ tə́ ō, a tél i yá̰á̰ kə́ a rāādə́ kə ɓōló ngá̰ý ō. I mā Kɔ́ɔ̄ɓē n m-ɔ̄r̄ najə̄ noō ní.

EJEKIEL 12:16

Ɓá tā ba m-ā m-ə́ya̰ de kə́rēý gə̄ kadə̄ teēn̄ ta rɔ̄ɔ̄ tə́ ō, ta ɓō tə́ ō, ta mo̰y ngāl̄bɔ̄gīí tə́ ō. Loo ń noō tə́ nin̄ a ənīn̄ de kə́ kem ɓēé gə̄ ń nin̄ a aw̄n̄ kə̄ tū tə́ ní, gotə yá̰a̰ malang kə́ majaĺ ngá̰ý gə̄ ń nin̄ rāān̄ ní. Adə̄ de kə́ kem ɓē ní tə́ gə̄ a gerə̄n̄ kadə̄ Kɔ́ɔ̄ɓē i mā.

EJEKIEL 14:23

Dan ń ā á̰a̰īdə́ anī kemsí a sɔl̄. Tām̄ ā ī-gerī kadə̄ yá̰á̰ ń m̄-rāā kə ɓē ń toō ní najə̄ i yāḿ. Yá̰á̰ Kɔ́ɔ̄ɓē Nə́ɓā əda ní n noó.

EJEKIEL 39:23

Nápar de gə̄ a gerə̄n̄ kum yá̰á̰ ń toō: Ɔyn̄ Israel gə̄ aw̄n̄ sedə́ dɔ ɓē kə́ rang tə́ dɔ gúú tə́ i najə̄ yá̰a̰ rāādə́ kə́ gōtə́ aĺ tə́, tɔdɔ̄ nin̄ ran̄ dɔ ndūdə́ tə́ seḿ mā Kɔ́ɔ̄ɓēé alé. I tām̄ najə̄ ń toō tə́ n m̄-tūr̄ gidəḿ tadə́ tə́ kɔ̄ɔ́ ní. M-ə́yá̰də́ kem jī madə̄ ba̰ā̰də́ gə̄ tə́, adə̄ nin̄ tɔ̄lə̄n̄də́ kɔ̄ɔ́ malang ta rɔ̄ɔ̄ tə́.

NDŪ NAJƏ̄ 29:24

Anī a tél a ədan̄də́ na: I tām̄ nin̄ gāngə̄n̄ madə̄ naā ń Kɔ́ɔ̄ɓē Nə́ɓā yā kaadə́ gə̄ rāā sedə́ a teēń sedə́ kɔ̄ɔ́ dɔ nang kə́ Ejiptə tə́ ní.

JEREMI 11:10

Nin̄ tél rāān̄ majaĺ yā kaadə́ gə̄ ń mbātə́n̄ koō najə̄ yāḿ gə̄ ní. Ngɔ̄də̄n̄ gō nə́ɓā kə́ rang gə̄ tə́ ō, ndɔ̄ȳn̄də́ ō. I beé n de gə̄ kə́ Israel tə́ ō, kə́ Juda tə́ gə̄ ō gāngə̄n̄neé madə̄ naā ń m-ə́hɔ kə kaadə́ gēé ní.