JEREMI 22:8 - Bibəl ta Sar̄

⁸ Ré de kə́ kə gō gíŕ nápar de gə̄ malang mānə̄n̄ kadə ɓē ń toō tə́ ngɔr anī, a dəjen̄ naā dɔ dáńdə́ tə́ na: I tām̄ rí tə́ á Kɔ́ɔ̄ɓē rāā ɓē bo ń toō yá̰á̰ kə́ beé?

Bible sar

⁸ Ré de kə́ kə gō gíŕ nápar de gə̄ malang mānə̄n̄ kadə ɓē ń toō tə́ ngɔr anī, a dəjen̄ naā dɔ dáńdə́ tə́ na: I tām̄ rí tə́ á Kɔ́ɔ̄ɓē rāā ɓē bo ń toō yá̰á̰ kə́ beé?

JEREMI 22:8 Referans Kwoze

DANIEL 9:7

Ɓōólaā Kɔ́ɔ̄ɓē najə̄ i yāí ba yājí i rɔ̄sɔl̄, i rɔ̄sɔl̄ yā Juda gə̄ ō, de kə́ Jerusalem gə̄ ō, Israel gə̄ malang kə́ ngɔr gə̄ ō kə́ sa̰y gə̄ ō, nin̄ ń ī-tə̄ndā ī-tḭ̄ḭ̄də́ kə̄ kem ɓē gə̄ tə́ malang najə̄ yā yá̰á̰ kə́ gōtə́ aĺ ngá̰ý ń nin̄ rāān̄ seí tə́ ní.

NŌŌ RƆ̄ 4:12

Dan mban̄g gə̄ ō, de gə̄ malang ń ndin̄ dɔ nang tə́ ō ní, deē kógə̄ḿ kə́ gír̄ kəda na nge rɔ̄ɔ̄, aláa madə̄ ba̰ā̰, na a ənda kem ɓē kə́ Jerusalem yā gān̄g ní gətóo.

JEREMI 16:10

Dan ń ḭ̄ ā ə́dá gír de gə̄ ń toō najə̄ gə̄ ń noō malang, ba nin̄ a ədanī na ké i tām̄ rí tə́ á Kɔ́ɔ̄ɓē əda kadə̄ yá̰á̰ kə́ to kum kaȳ aĺ kə rāādə́ ō, ké yá̰á̰ kə́ gōtə́ aĺ ō, kə́ majaĺ ō ń n-rāān̄ kə Kɔ́ɔ̄ɓē Nə́ɓā yādə́ ní ké i rí ō wa anī,

JEREMI 40:2

Ni-a̰a̰ gōn majə ba ədan na: I Kɔ́ɔ̄ɓē Nə́ɓā yāí n əda kadə̄ yá̰á̰ kə́ to kum kaȳ aĺ ń toō reē dɔ loo ń toō tə́ ní.

EJEKIEL 5:15

M-ā m-ún sarya gāngə̄ḿ yā rāań yá̰a̰ seneé kə wōn̄g kə́ ngá̰ý ō, m-ā m̄-kɔ̄l̄ seneé kɔ̄l̄ kə́ to ɓōĺ ngá̰ý ō. Nápar de gə̄ ń ndin̄ gīrə̄n̄ gidə ɓē kə́ Jerusalem ní a əgōn̄ ɓē ní ō, a tájə̄nən̄ ō. Banī ɓē kə́ Jerusalem a tél i tāā kə́ tām̄ yādə́ nin̄ tə́ ō, a tél i yá̰á̰ kə́ a rāādə́ kə ɓōló ngá̰ý ō. I mā Kɔ́ɔ̄ɓē n m-ɔ̄r̄ najə̄ noō ní.

EJEKIEL 12:16

Ɓá tā ba m-ā m-ə́ya̰ de kə́rēý gə̄ kadə̄ teēn̄ ta rɔ̄ɔ̄ tə́ ō, ta ɓō tə́ ō, ta mo̰y ngāl̄bɔ̄gīí tə́ ō. Loo ń noō tə́ nin̄ a ənīn̄ de kə́ kem ɓēé gə̄ ń nin̄ a aw̄n̄ kə̄ tū tə́ ní, gotə yá̰a̰ malang kə́ majaĺ ngá̰ý gə̄ ń nin̄ rāān̄ ní. Adə̄ de kə́ kem ɓē ní tə́ gə̄ a gerə̄n̄ kadə̄ Kɔ́ɔ̄ɓē i mā.

EJEKIEL 14:23

Dan ń ā á̰a̰īdə́ anī kemsí a sɔl̄. Tām̄ ā ī-gerī kadə̄ yá̰á̰ ń m̄-rāā kə ɓē ń toō ní najə̄ i yāḿ. Yá̰á̰ Kɔ́ɔ̄ɓē Nə́ɓā əda ní n noó.

EJEKIEL 39:23

Nápar de gə̄ a gerə̄n̄ kum yá̰á̰ ń toō: Ɔyn̄ Israel gə̄ aw̄n̄ sedə́ dɔ ɓē kə́ rang tə́ dɔ gúú tə́ i najə̄ yá̰a̰ rāādə́ kə́ gōtə́ aĺ tə́, tɔdɔ̄ nin̄ ran̄ dɔ ndūdə́ tə́ seḿ mā Kɔ́ɔ̄ɓēé alé. I tām̄ najə̄ ń toō tə́ n m̄-tūr̄ gidəḿ tadə́ tə́ kɔ̄ɔ́ ní. M-ə́yá̰də́ kem jī madə̄ ba̰ā̰də́ gə̄ tə́, adə̄ nin̄ tɔ̄lə̄n̄də́ kɔ̄ɔ́ malang ta rɔ̄ɔ̄ tə́.

JEREMI 40:3

Kɔ́ɔ̄ɓē rāā adə̄ yá̰á̰ ń əda najə̄n ní reē rāā yá̰a̰. Yá̰á̰ ní rāā yá̰a̰ i tɔdɔ̄ sḭḭ̄ ī-rāāī yá̰á̰ kə́ gōtə́ alé kə Kɔ́ɔ̄ɓēé ō, ōōī najə̄ yān aĺ ō.