JEREMI 22:7 - Bibəl ta Sar̄

⁷ m̄-ɔ̄r̄ kam̄ de gə̄ kadə̄ nujən̄ seí. Náā nəkɔ́ a ɔy yá̰a̰ kəla yān gə̄ jīn tə́. Nin̄ a tə́gān̄ kāgə̄ sédər yāí kə́ majə ngá̰ý gə̄ kɔ̄ɔ́ ō, a rāān̄də́ kadə̄ a tə́sōn̄ kum hor tə́ ō.

Bible sar

⁷ m̄-ɔ̄r̄ kam̄ de gə̄ kadə̄ nujən̄ seí. Náā nəkɔ́ a ɔy yá̰a̰ kəla yān gə̄ jīn tə́. Nin̄ a tə́gān̄ kāgə̄ sédər yāí kə́ majə ngá̰ý gə̄ kɔ̄ɔ́ ō, a rāān̄də́ kadə̄ a tə́sōn̄ kum hor tə́ ō.

JEREMI 22:7 Referans Kwoze

IJAI 37:24

Mā ń i Kɔ́ɔ̄ɓē ní, ī-tájə̄m̄ kə ta kūl̄ najə̄ kə́ ə̄ndā ta ngé kəla yāí gə̄ tə́. Ḭ̄ ə́da na: Mā Senakerib, m-āl̄ dɔ mbal̄ bo gə̄ tə́ dɔɔ́ kə púsə rɔ̄ɔ̄ yāḿ gə̄ kə́ ngá̰ý, m-āw̄ bátə́ m-ūgə̄ dɔ mbal̄ Liban tə́ dɔɔ́. Kāgə̄ sédər yān gə̄ kə́ majən̄ tɔȳ madə̄ gə̄ ní m̄-tə́gādə́ kɔ̄ɔ́ ō, kāgə̄ sipəres yān gə̄ kə́ majən̄ tɔȳ madə̄ gə̄ ní m̄-tə́gādə́ ō. Mbal̄ bo yān kə́ ngāl̄ tɔȳ madə̄ gə̄ ní, m-āw̄ m-ūgə̄ tū tə́ ō, ku kāgə̄ yān kə́ majə tɔȳ madə̄ gə̄ ní, m-āw̄ m-ūgə̄ tū tə́ ō.

JEREMI 21:14

M-ā m̄-rāāsí yá̰á̰ kə́ tōr̄ kə gō yá̰a̰ rāāsí gə̄. M-ā m-ə́la hor dɔ kāgə̄ kújə́ kə́ ngá̰ý gə̄ yā mban̄g tə́. A o̰o̰ yá̰a̰ gə̄ malang ń gīr̄ gidə ní

MATIYE 22:7

Wōn̄g rāā mban̄g ní, adə̄ əla ɓūtə̄ áskar yān gə̄ kadə̄ aw̄ tɔ̄lə̄n̄ ngé tɔ̄l̄ de gə̄ ní kɔ̄ɔ́ ba əlan̄ hor dɔ ɓē yādə́ tə́.

JAKARI 11:1

Sḭḭ̄ mbal̄ bo gə̄ kə́ Liban, ī-teēī ta róbə yāsí gə̄ ō, ādə̄ hor o̰o̰ kāgə̄ sedər yāsí gə̄ ō!

JEREMI 5:15

Sḭḭ̄ de kə́ Israel tə́ gə̄ m-ā m-ɔ́ý gíŕ nápar deē kógə̄ḿ kə́ sa̰y ngá̰ý gə̄ yā reē ɓōkə́ dɔsí tə́ i gír de kə́ ngangə̄n̄ ngá̰ý gə̄ kə́ ndin̄ i jóó ngá̰ý ō, i gír de kə́ ḭ̄ ī-ger̄ ta kɔr̄də́ aĺ ō. Najə̄ ń Kɔ́ɔ̄ɓē əda ní n noó.

JEREMI 15:8

m̄-rāā adə̄ dəyá̰ yān kə́ ngaa koy gə̄ i ngá̰ý tɔȳ kum nán̄g ngárə̄ḿnjēý kə́ ta bā tə́. m̄-rāā ādə̄ nge nujə loo reē dan kadə ndaá dɔ kó̰o̰ nge rɔ̄ɔ̄ kə́ balsáá tə́. m̄-rāā ādə̄ yá̰á̰ kə́ tə́la naā kə́ to ɓōĺ ngá̰ý əsō dɔn tə́ gidə kógə̄ḿ.