JEREMI 22:5 - Bibəl ta Sar̄

⁵ Banī ré sḭḭ̄ ōōī najə̄ gə̄ ń toō aĺ anī, njaḿ gə̄gē, kújə́ ń toō a téĺ yá̰á̰ kə́ nujə kə́ to dɔ naā tə́ bing.

Bible sar

⁵ Banī ré sḭḭ̄ ōōī najə̄ gə̄ ń toō aĺ anī, njaḿ gə̄gē, kújə́ ń toō a téĺ yá̰á̰ kə́ nujə kə́ to dɔ naā tə́ bing.

JEREMI 22:5 Referans Kwoze

AMOS 6:8

Kɔ́ɔ̄ɓē Nə́ɓā, Nə́ɓā kə́ kɔ́ɔ̄ dɔ rā̰ ō dɔ nang ō túbə əda na: Tītə̄ ń mā i Nə́ɓā rɔ̄kum noó, kɔjə rɔ̄ yā ɓē ko̰o̰ kə́ Israel nelə̄m̄ aĺ ngá̰ý, kújə yān kə́ majə gə̄ nelə̄m̄ aĺ ngá̰ý. M-ā m-ə́la ɓē kə́ Samari kə yá̰a̰ malang kə́ kemeé kem jī madə̄ ba̰ā̰n gə̄ tə́.

HEBƏRO 6:13

Dan ń Nə́ɓā ənī míndən adə̄ Abəraham ní, ni-ənge de kə́ rang kə́ bo tɔȳn yā túbə̄ kə rī kɔ́ɔ̄ alé. Adə̄ ni túbə̄ kə rɔ̄n nəkɔ́

JEREMI 17:27

Banī ré sḭḭ̄ ī-mbātíī koō najə̄ yāḿ, adə̄ ɔ̄rī kam̄ ndɔ̄ sabat aĺ ō, ə̄tōī yá̰á̰ kə́ kɔȳ gə̄ ō, údiī kə ta róbə́ kə́ Jerusalem tə́ gə̄ ndɔ̄ sabat tə́ ō anī, m-ā m̄-rāā hor ta róbə ɓē gə̄ tə́ kadə̄ a o̰o̰ kújə́ kə́ majə ngá̰ý kə́ Jerusalem tə́ gə̄ ō, a oy aĺ ō.

TA KƏLA 22:16

Najə̄ yā Kɔ́ɔ̄ɓē n toó: m̄-ə̄nā ndūḿ yā rāā majə seí tām̄ yá̰á̰ ń ī-rāā tə́ ní. Ɔ̄gə̄m̄ ngōnīí kə́ kal kógə̄ḿ beē alé, adə̄ m-ā m̄-rāā kadə̄ ngán kaaí gə̄ a bəlan̄ tītə̄ tə́yō̰ gə̄ kə́ dɔ rā̰ tə́ ō, tītə̄ nán̄g ngárə̄ḿnjēý kə́ ta bā bo tə́ ō. Ngán kaaí gə̄ a taān̄ ɓē yā madə̄ ba̰ā̰də́ gə̄ ō.

JEREMI 39:8

Kalde gə̄ əlan̄ hor dɔ kújə yā mban̄g tə́ ō, dɔ kújə gə̄ yā de kə́ kem ɓēé gə̄ tə́ ō, tɔ̄ɔ̄n̄ ndogə̄ mbal̄ gə̄ kə́ Jerusalem tə́ nang tə́ ō.

IJAI 1:20

Ba ré sḭḭ̄ ī-mbātíī anī, ré ī-na̰yiī kə̄ loo kəsō wōn̄g tə́ taḿ tə́ anī, ā óyiī yo kaskar. Najə̄ ń Kɔ́ɔ̄ɓē əda ní n noó.

HEBƏRO 6:17

I tām̄ ń toō tə́ n Nə́ɓā ndigə kadə̄ ngé gə̄ ń a əngen̄ yá̰á̰ kə gō kənī míndən ní, gerə̄n̄ kum unjə̄ ngá̰ý, kadə̄ n-ā n-tūr̄ ndūn alé. I tām̄ najə̄ ń noō tə́ n ni-túbə̄ utə̄ń gō míndən kə́ ənī ní.

HEBƏRO 3:18

Dan ń Nə́ɓā túbə əda na: Nin̄ a ugə̄n̄ ɓē ń m-ə̄ndā dɔ kɔr̄ koō danaá tū tə́ tām̄ yādə́ tə́ ní alé ní, ni-ɔr̄ i najə̄ yā náā gə̄? I ngé gə̄ ń əsōn̄ wōn̄g ní n ni-ɔr̄ najə̄ yādə́ ní.

MISE 3:12

Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.

PĀ GƏ̄ 95:11

Adə̄ dan ń wōn̄g rāām̄ ní, m̄-túbə́ m-ə́da na: Nin̄ a udən̄ loo kɔr̄ koō yāḿ tə́ aĺ bátə́!

2 YÁ̰A̰ GƏ̄ 7:22

Anī a télən̄ yā kədan na: I tām̄ kəya̰ kə́ ngán Israel gə̄ əya̰n̄ Kɔ́ɔ̄ɓē Nə́ɓā yā kaadə́ gə̄ ń teē sedə́ kɔ̄ɔ́ kem ɓē kə́ Ejiptə tə́ ní kɔ̄ɔ́ tə́. Kɔ́ɔ̄ɓē rāādə́ yá̰á̰ kə́ to kum kaȳ aĺ gə̄ ń noō malang i tām̄ kəsō kə́ nin̄ əsōn̄ kə̄ nang tə́ kə̄ no nə́ɓā kə́ rang gə̄ tə́ rɔȳn̄də́ ō, rāān̄ kəla adə̄n̄ nə́ɓā kə́ rang gə̄ ō tə́.

2 YÁ̰A̰ GƏ̄ 7:19

Banī ré ī-tūrī gidəsí kɔ̄ɔ́ taḿ tə́, ré ī-mbātíī rāā yá̰a̰ gə̄ ń ndū najə̄ yāḿ ədasí kadə̄ ī-rāāī ní ō, ī-mbātíī rāā gō míndə́ḿ gə̄ ní ō, ré āw̄ ī-rāāī kəla adī ɓesə̄ gə̄ ō, ə̄sōī kə̄ nang tə́ nodə́ tə́ ī-rɔyīdə́ ō anī,

MATIYE 23:38

I beé ní, a əya̰n̄ kújə yāsí ní jīsí tə́ yā kadə̄sí kadə̄ a ra kemən karī.

JEREMI 26:4

Ā ə́dádə́ na: Najə̄ ń mā Kɔ́ɔ̄ɓē m-ə́dá ní n toó: Ré sḭḭ̄ ōōī najə̄ yāḿ aĺ ō, úniī gō yá̰á̰ ń m̄-ndóōsí ní aĺ ō,

JEREMI 44:26

I beé ní, sḭḭ̄ Juda gə̄ ń ī-ndiī Ejiptə ní ōōī najə̄ yā Kɔ́ɔ̄ɓē: m̄-túbə kə rīḿ kə́ boó kadə̄ najə̄ ń na Kɔ́ɔ̄ɓē ndi noó kə kumneé ní, Juda kógə̄ḿ kə ndi gō nang kə́ Ejiptə a əda tan tə́ to̰ aĺ i kə́ bátə́ gə̄ tə́.

2 YÁ̰A̰ GƏ̄ 7:21

Kújə́ kə́ ngāl̄ ngá̰ý kum kə̄ dɔɔ́ ń toō ní, náā nəkɔ́ ń a mān̄ kadə tə́ anī a ɔr kumən ngá̰ý ō, a yáān ngá̰ý ō, adə̄ a dəje najə̄ a əda na ké Kɔ́ɔ̄ɓē rāā yá̰á̰ kə́ tītə̄ ń toō kə ɓē ń toō ō, kə kújə́ ń toō ō, i tām̄ rí tə́ wa.

JEREMI 12:7

M-ə́yá̰ kújə yāḿ kɔ̄ɔ́, m̄-mbātə́ yá̰a̰ kənge yāḿ kɔ̄ɔ́, m-ə́la nge ń m̄-tárən ngá̰ý ní jī madə̄ ba̰ā̰n gə̄ tə́.