De gə̄ a kídə̄n̄ i bɔbə̄də́ gə̄ kə kó̰ó̰də́ gə̄ ɓēé looí ō, a rāān̄ i kum ngé nam̄ ɓē gə̄ ndoō tə́ ō, a əsan̄ i tətō ngán hal gə̄ ō dəyá̰ kə́ ngaa koy gə̄ ō.
Deē ń a ɔgə̄ tə̄rā kə́ nge nam̄ ō, ngōn̄ hal ō dəyá̰ kə́ ngaa koy ō yá̰á̰ kə́ sɔɔ̄ dɔdə́ ní, ndɔ̄ĺ i dɔn tə́. Loo ń noō tə́ gír de gə̄ malang a ədan̄ na: A̰á̰ā̰ ādə̄ i tītə̄ ń noō.
Ré de gə̄ kɔ̄lə̄n̄ naā ba aw̄n̄ saryaá anī, deē ń najə̄ gətóo dɔn tə́ ní a ədan̄ na najə̄ gətóo dɔn tə́ ō, deē ń najə̄ i dɔn tə́ ní a ədan̄ na najə̄ i əhɔn tə́ ō.
Ndi ɓō kə́ nelə̄m̄ n toó: I tútə de gə̄ kə́ do̰ō̰n̄də́ kə súĺ kə ta róbə́ kə́ gōtə́ aĺ kəya̰də́ dɔɔ́, i kun njúgə́ kə́ ɔȳdə́ dɔdə́ tə́ kɔ̄ɔ́, i taā ngé gə̄ ń a rējə̄n̄də́ ní kəya̰də́ dɔɔ́, yā kadə̄ gō ngāləń ngá̰ý aĺ ɓáa, i rāā kadə̄ yá̰a̰ malang ń a rāādə́ ɓəlo tə́ ní gətóo kɔ̄ɔ́.
I kadə̄ ī-kēgə̄ mápa yāí ādə̄ deē ń ɓō rāān ní, i kadə̄ ngé ndoō gə̄ ń kújə yādə́ gətóó ní loo kadə̄ tonə̄ń, i kadə̄ ngé gə̄ ń kūbə̄ yādə́ gətóó ní kūbə̄ kadə̄ əlan̄ rɔ̄də́ tə́, i kadə̄ ī-tūr̄ gidií kɔ̄ɔ́ ta de kə́ ngōkó̰ó̰í tə́ alé.
Yá̰á̰ ń i yá̰á̰ kə́ majaĺ ní, ādī nel̄sí aĺ ngá̰ý ō, yá̰á̰ ń i yá̰á̰ kə́ majə ní, ādī nel̄sí ō. Loo sarya tə́ ɓáa, ī-rāāī ādə̄ de gə̄ ɓōlə́n̄ gidə yá̰á̰ kə́ súmūú ō. Loo ń noō tə́ Kɔ́ɔ̄ɓē ń i Nə́ɓā kə́ kɔ́ɔ̄ dɔ rā̰ ō dɔ nang ō ní, majanī kumən a o̰o̰n kə de kə́ kem kojə yā Jəjep tə́ gə̄ ń teēn̄ ta yo tə́ ní.