JEREMI 22:27 - Bibəl ta Sar̄

²⁷ Adə̄ ā ī-téliī yā kaw̄ gogə́ dɔ nang ń ngur kaw̄ tū tə́ rāāsí ngá̰ý ní tə́ to̰ aĺ bátə́.

Bible sar

²⁷ Adə̄ ā ī-téliī yā kaw̄ gogə́ dɔ nang ń ngur kaw̄ tū tə́ rāāsí ngá̰ý ní tə́ to̰ aĺ bátə́.

JEREMI 22:27 Referans Kwoze

JEREMI 44:14

De kə́ a ndi kə kumneé aláa de kə́ a teē ta yo tə́ dan gotə Juda gə̄ tə́ ō, ngé gə̄ ń reē ɓɔ̄ɔ̄n̄ rɔ̄də́ Ejiptə tə́ ō ní a gətóo. De kə́ a tél yā kaw̄ gogə́ kem ɓē kə́ Juda tə́ ń nin̄ gírə̄n̄ tél kaw̄ ndi ɓē kemeé ní a gətóo. Nin̄ a télən̄ yā kaw̄ kemeé alé, banī i ngé teē ta yo tə́ kə́rēý gə̄ tá ngóy.

JEREMI 22:11

Rɔ̄kum, najə̄ ń Kɔ́ɔ̄ɓē əda dɔ Salum, ngōn̄ Josias, mban̄g kə́ Juda ń ndi mban̄g gotə bɔbə̄n Josias tə́ ō, teē kɔ̄ɔ́ loo ń toō tə́ i ngɔr ɓáý ō ní n toó: Ni a tél yā reē gogə́ to̰ alé.

PĀ GƏ̄ 86:4

Ī-rāā kə nge kəla yāí ādə̄ kemən nelə̄n, tɔdɔ̄ Kɔ́ɔ̄ɓē, m̄-tūr̄ rɔ̄ḿ i kə̄ rɔ̄í tə́.

JEREMI 22:26

Ḭ̄ ō, kó̰o̰ kojií ō ní, m̄-ɓōkə́sí dɔ nang kə́ rang ń ojən̄sí tū tə́ aĺ ní tə́. Ā óyiī i tū tə́ noō.

JEREMI 22:28

Konia ngeé ń toō ní, i jóó kə́ tɔ̄ɔ̄ adə̄ majə rāań yá̰a̰ to̰ aĺ, aké i bay kə́ de gə̄ əyan̄ kɔ̄ɔ́ kə̄ nodə́ tə́ a? I tām̄ rí tə́ á tə́ɓānən̄ kə ngánən gēé ō, ɓōkə́n̄də́ kɔ̄ɔ́ dɔ nang kə́ gerə̄n̄ aĺ tə́ ō ní?

JEREMI 28:4

M-ā m̄-tél kə Yekonia, ngōn̄ Joakim, mban̄g kə́ Juda tə́ ō, de kə́ Juda tə́ gə̄ malang ń əhɔn̄də́ aw̄n̄ sedə́ Babilon tə́ ní ō, yā reē sedə́ loo ń toō tə́ gogə́ tɔdɔ̄ m̄-tetə njúkə yā mban̄g kə́ Babilon kɔ̄ɔ́. Najə̄ ń Kɔ́ɔ̄ɓē əda ní n noó.

JEREMI 42:18

Rɔ̄kum, najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Tītə̄ ń wōn̄g yāḿ ō, wōn̄g kə́ ngá̰ý yāḿ ō rāāmə̄nneé dɔ de kə́ Jerusalem tə́ gə̄ ní, wōn̄g kə́ ngá̰ý yāḿ a rāām̄ dɔsí tə́ i tītə̄ ń noō ō, dan ń ā ūgīneé Ejiptə tə́ ní. Sḭḭ̄ ā ī-téliī i yá̰á̰ kə́ nujə sák sák kɔ̄ɔ́ ō, kə́ túbə ō, ndɔ̄ĺ ō i dɔ tə́, kə́ de gə̄ kídə̄n̄ ō, kə́ to rɔ̄sɔl̄ ō.

JEREMI 22:10

Ī-nōōī deē ń oy kɔ̄ɔ́ ní alé. Əhɔī ndoō tām̄ yān tə́ alé. Ba deē ń a aw̄ i mbéé ní ī-nōōniī ba ī-tél ī-nōōniī ɓáý to̰. tɔdɔ̄ ni a tél yā reē gogə́ kem ɓē kojən tə́ to̰ alé.

JEREMI 22:12

Tɔdɔ̄ ni a oy loo ń de gə̄ əhɔnən̄ aw̄n̄ seneé tū tə́ ní tə́ ō, a a̰a̰ ɓē ń toō to̰ aĺ ō.