JEREMI 22:23 - Bibəl ta Sar̄

²³ Ḭ̄ ń ī-rāā ɓē dɔ mbal̄ Liban tə́ ō, ī-rāā kújə yāí dan kāgə̄ sédər gə̄ tə́ ō ní, ā ī-to̰ō̰ rus rus dan ń rɔ̄í a tōrī, tītə̄ yā dəyá̰ ń a rāā kem á a jənga rik rik ní.

Bible sar

²³ Ḭ̄ ń ī-rāā ɓē dɔ mbal̄ Liban tə́ ō, ī-rāā kújə yāí dan kāgə̄ sédər gə̄ tə́ ō ní, ā ī-to̰ō̰ rus rus dan ń rɔ̄í a tōrī, tītə̄ yā dəyá̰ ń a rāā kem á a jənga rik rik ní.

JEREMI 22:23 Referans Kwoze

JEREMI 6:24

J-oō najə̄ ní adə̄ jījí ur̄ wak ō, jə-sōl̄ kekəre ō, rɔ̄jí tōr̄jí ngá̰ý tītə̄ yā dəyá̰ kə́ a rāā kem beé.

JEREMI 22:6

Najə̄ ń Kɔ́ɔ̄ɓē əda dɔ kújə yā mban̄g kə́ Juda tə́ ní toó: Ká ré ī-toń i tītə̄ Galaad aláa i tītə̄ jam mbal kə́ Liban tə́ tām̄ yāḿ tə́ gə̄gē anī, m-ā m̄-rāāī kadə̄ ī-tél dəla loo ō, ɓē kə́ de gə̄ ndin̄ kemeé alé ō, kanjə̄ ɓōĺ rɔ̄ḿ loon tə́.

HABAKUK 2:9

I yá̰á̰ kə́ to kum kaȳ aĺ kə́ ba̰ý beē n rāāsí ní! Sḭḭ̄ ī-ngɔ̄mī yá̰a̰ kənge gə̄ kə́ ə́ngeīdə́ kə ta róbə́ kə́ gōtə́ aĺ tām̄ yā ngéésí gə̄ tə́. I nge ń noō n ndḛḛ̄ kadə̄ sḭḭ̄ ī-ndiīń majə, tá kadə̄ yá̰á̰ kə́ to kum kaȳ aĺ ɔdəń rɔ̄sí aĺ ní.

ABƏDIAS 1:4

Ká ré ḭ̄ ḭ́ḭń bɔ̄gə̄ aw̄ń i dɔɔ́ sa̰y tītə̄ yā māl̄ gə̄gē, ká ré ī-rāań ɓēí i dan tə́yō̰ gə̄ tə́ gə̄gē, m-ā m̄-mbəreī yā kənī nang tə́. I mā Kɔ́ɔ̄ɓē n m-ə́da najə̄ ń noō ní.

AMOS 9:2

Ré nin̄ rāān̄ bátə́ ba udən̄ dan de kə́ koy kɔ̄ɔ́ gə̄ tə́ anī, m-ā m-āw̄ gōdə́ tə́ yā kɔydə́. Ré nin̄ alə̄n̄ bátə́ aw̄ ugə̄n̄ dɔ rā̰ tə́ anī, m-ā m-āw̄ gōdə́ tə́ dɔɔ́ yā rāādə́ kadə̄ risən̄.

OJEE 7:14

Dan ń nin̄ ɓāŕmə̄n̄ kadə̄ m̄-dḭḭ̄də́ anī, i kə́ rɔ̄kum tə́ alé. Banī nin̄ tṵ́ṵ̄n̄ dɔ tə̄rá yādə́ gə̄ tə́ ō, tə́jān̄ rɔ̄də́ kə doó ō, yā kəngeń gémē ō, kasə nduú kə́ kijə ō. I tītə̄ ń noō n yá̰á̰ ń mā m̄-ndigə ní nin̄ rāān̄ alé.

OJEE 5:15

Mā Kɔ́ɔ̄ɓē m-ɔ́tə m-āw̄, m-ā m̄-tél yā kaw̄ gogə́ ɓēé, bátə́ kadə̄ nin̄ gerə̄n̄ yá̰a̰ rāādə́ kə́ gōtə́ aĺ ba tūrə̄n̄ rɔ̄də́ kə̄ rɔ̄ḿ tə́. Dan ń nin̄ a ndin̄ dan wur kɔl tə́ anī, a sāāmə̄n̄.

JEREMI 49:16

Ḭ̄ ń ī-ndi bəlo ngán mbal̄ gə̄ tə́ ō, loo kə́ ḭḭ kə̄ dɔɔ́ gə̄ tə́ ō ní, ɔ́jə rɔ̄í al̄ naā najə̄ ɓōĺ kə́ ngá̰ý ń ə́la kem de gə̄ tə́ kanjə̄ ka̰a̰ kum tō ndoō yādə́ tə́ ní. Ré ī-rāā ɓē loo kə́ ḭḭ kə̄ dɔɔ́ ngá̰ý tə́ tītə̄ yā kə̄rō beé gə̄gē anī, m-ā m̄-mbəreī tū tə́ kadə̄ ī-teē ə̄sō nang tə́. Najə̄ ń Kɔ́ɔ̄ɓē əda ní n noó.

JEREMI 48:28

Moab gə̄ ī-teēī kɔ̄ɔ́ kem ɓēé ba aw̄ ī-ndiī mbal̄á. Ī-ndájə dér gutə gə̄ ń a rāān̄ ɓēdə́ i ta bəlo kə́ bo tə́, adə̄ i loo kə́ dum kadə̄ deē aw̄ ugə̄ tū tə́ tə́ ní.

JEREMI 21:13

Ḭ̄ ń ī-ndi wól loo tə́, dɔ mbal̄ tə́ ndágə looó ní, jḭḭ seí jōó ɓōólaā. Sḭḭ̄ ə́daī na deē na asə jə̄ngā kənīsí rɔ̄ɔ̄ aĺ ō, na a asə kudə loo tosí tə́ aĺ ō. Najə̄ ń Kɔ́ɔ̄ɓē əda ní n noó.

JEREMI 3:21

Ndū kógə̄ḿ ɓār̄ dɔ loo kə́ kḭḭ kə́ dɔɔ́ gə̄ tə́, i ngán Israel gə̄ n a nōōn̄ ō, a rāān̄ ɓɔ́ ō ní. Háĺdə́ nujə sák sák kɔ̄ɔ́. tɔdɔ̄ dɔdə́ ndigə̄nal Kɔ́ɔ̄ɓē Nə́ɓā yādə́.

TƏ́DA 24:21

Balam a̰a̰ Keni gə̄ ba əda na: Kújə yāsí gə̄ i kújə́ kə́ ngan̄g gə̄ ō, ɓē yāsí i tītə̄ ɓē yel̄ kə́ ndi i dɔ mbalá ō.

EJEKIEL 17:3

Ā ə́da na mā Kɔ́ɔ̄ɓē Nə́ɓā m-ə̄nīdə́ gotə najə̄ ń toō: I gotə najə̄ yā kə̄rō kə́ bo, kə́ bɔ̄gə̄n laa ō, belə̄n ngāl̄ ō, nder̄ gidə naā tə́ ō, ɓálən gə̄ i ngá̰ý ō. Kə̄rō ní ḭḭ bɔ̄gə̄ aw̄ bátə́ ugə̄ mbal̄ gə̄ kə́ Liban tə́.