JEREMI 22:2 - Bibəl ta Sar̄

² ā ə́da na: Ḭ̄ mban̄g kə́ Juda tə́ ń ī-ndi dɔ kōr̄ kāgə̄ mbang yā Dabid tə́ ní ō, sḭḭ̄ ngé rāā kəla yān gə̄ ō, sḭḭ̄ gír deē yān gə̄ ń ī-mānī kə ta róbə gə̄ ń toō ō ní, ōōī najə̄ yā Kɔ́ɔ̄ɓē.

Bible sar

² ā ə́da na: Ḭ̄ mban̄g kə́ *Juda tə́ ń ī-ndi dɔ kōr̄ kāgə̄ mbang yā Dabid tə́ ní ō, sḭḭ̄ ngé rāā kəla yān gə̄ ō, sḭḭ̄ gír deē yān gə̄ ń ī-mānī kə ta róbə gə̄ ń toō ō ní, ōōī najə̄ yā Kɔ́ɔ̄ɓē.

JEREMI 22:2 Referans Kwoze

Najə̄ kə́ Majə yā Jeju ń Luk ndang ní 1:32

Ni a tél de kə́ bo ō, a ɓāŕnən̄ na i Ngōn̄ Nə́ɓā kə́ dɔɔ́ ō. Kɔ́ɔ̄ɓē Nə́ɓā a rāā kadə̄ ni a ndi dɔ kōr̄ kāgə̄ mbang tə́ gotə kaan Dabid tə́.

JEREMI 22:4

Ré ī-rāāī yá̰á̰ tītə̄ ń noō rɔ̄kum anī, mban̄g gə̄ ń a ndin̄ dɔ kōr̄ kāgə̄ mbang yā Dabid tə́ ní a alə̄n̄ púsə́ sə́nda gə̄ ō, sə́nda gə̄ ō, yā kudəń ndogó mbangāá kə ta róbə gə̄ ń toō. Rɔ̄kum, nin̄ ō, ngé rāā kəla yādə́ gə̄ ō, gír deē yādə́ gə̄ ō a udən̄ kə ta róbə gə̄ ń noō.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

IJAI 1:10

Sḭḭ̄ ngār gə̄ kə́ Sodom, ōōī najə̄ yā Kɔ́ɔ̄ɓē. Sḭḭ̄ gír de kə́ Gomor gə̄, ī-nēlī mbīsí ōōiń yá̰á̰ ndóō yā Nə́ɓā yājí.

AMOS 7:16

Banī ḭ̄ Amasia ə́dam̄ na kə m̄-lōō kəda najə̄ kə́ Nə́ɓā əndā taḿ tə́ yā rɔ̄ɔ̄ń Israel, kə m̄-lōō kɔy najə̄ kə̄ naā tə́ dɔ kojə yā Isaak tə́!

EJEKIEL 34:7

I beé ní, sḭḭ̄ ngé kul̄ Israel gə̄, ōōī najə̄ ḿ m-ə́dásí ní.

JEREMI 36:30

Ɓá anī mā Kɔ́ɔ̄ɓē m-ə́da najə̄ ń toō dɔ Joakim mban̄g kə́ Juda tə́: Ni a ənge deē kógə̄ḿ kə́ kadə̄ a ndi dɔ kōr̄ kāgə̄ mbang yā Dabid tə́ gotən tə́ alé. Nīnə́n a to kum mbang tə́ kadaá ō, kum kūl̄ tə́ ndɔ̄ɔ́ ō.

JEREMI 29:20

Sḭḭ̄ de gə̄ malang ń m̄-rāā ādə̄ əhɔn̄sí Jerusalem aw̄n̄ sesí Babilon tə́ ní, ōōī najə̄ yā Kɔ́ɔ̄ɓē.

JEREMI 19:3

Ā ə́da na: Mban̄g kə́ Juda tə́ gə̄ ō, sḭḭ̄ de gə̄ ń ī-ndiī Jerusalem tə́ ní ō, ōōī najə̄ yā Kɔ́ɔ̄ɓē. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: M-ā m̄-rāā kadə̄ yá̰á̰ kə́ to kum kaȳ aĺ əsō dɔ loo ń toō tə́. Adə̄ deē nəkɔ́ ń oō najə̄n anī a jənga.

JEREMI 13:18

Ə́da mban̄g ō, kó̰o̰ mban̄g ō na: Ī-ndiī dɔ dā̰ nang tə́! Jākā mbang kə́ dɔsí tə́ ń majə ngá̰ý ní teē əsō kɔ̄ɔ́.

JEREMI 7:2

Ī-ra ta kújə yā Kɔ́ɔ̄ɓē tə́, ə̄nī mbēr̄ najə̄ ń toō ə́da na: Sḭḭ̄ de kə́ Juda tə́ gə̄ malang ń údiī kə ta róbə gə̄ ń toō yā kɔsə nosí nang tə́ rɔȳń Kɔ́ɔ̄ɓē ní, ōōī najə̄ yā Kɔ́ɔ̄ɓē.

IJAI 28:14

I beé ní, sḭḭ̄ ngé mbóo kə de gēé gə̄, sḭḭ̄ ń i ngé kɔr no gír de kə́ Jerusalem gə̄ ń toō ní, ōōī najə̄ yā Kɔ́ɔ̄ɓē:

1 MBAN̄G GƏ̄ 22:19

Mise əda na: Majə, ōō najə̄ ń Kɔ́ɔ̄ɓē əda ní: M-á̰á̰ Kɔ́ɔ̄ɓē ndi dɔ kōr̄ kāgə̄ mbang yān tə́, ba de kə́ dɔ rā̰ tə́ gə̄ malang ran̄ rɔ̄n tə́ kə njadə́ dɔɔ́, ran̄ dɔ jī ko̰n tə́ ō, dɔ jī gelən tə́ ō.

JEREMI 22:1

Kɔ́ɔ̄ɓē ɔr̄ najə̄ i tītə̄ ń toō beé: Āw̄ ə́da najə̄ ń toō kem ndogə̄ yā mban̄g kə́ Juda tə́,

JEREMI 34:2

Najə̄ ń Kɔ́ɔ̄ɓē, Nə́ɓā yā Israel əda ní n toó: Āw̄ ɔ̄r̄ najə̄ kə Sedekias mban̄g kə́ Juda tə́, ə́dan na: M-ā m-ə́la ɓē ń toō kem jī mban̄g kə́ Babilon tə́ kadə̄ a əla hor dɔ tə́.